مكرونة بالبشاميل لاصحاب الرجيم من ايد زهرة الزهور وبالصور كمان

وصفات رجيم و ماكروبيوتك ٢‏/٥‏/٢٠١٠ ٧،٠٩ م

بشاميل،دايت،مكرونه،اللحمة

ازيك يا فتوكاتى وحشتونى انا النهاردة عاملة صينيه مكرونة بالبشاميل دايت يارب تعجبكم
اول حاجة نسلق المكرونة ونغسلها ونسيبها على جنب
تانى حاجة نعمل العصاج بالطريقة التاليه نبشر حوالى 2 بصلة كبيرة ونضعهم فى الحلة من غير نقطة زيت
ونضع عليه اللحمة ونقلب بسرعه ونضع الملح والفلفل ونغطى الحلة هى هتنزل ميتها وتستوى فيها بتبقى احلى الف مرة من غير زيت
وده شكلها بعد ما خلصت

نيجى للبشاميل هنعمل ايه فيه هنجيب حلة ونضع فيها 6 ملاعق دقيق على النار من غير زيت ولاسمنه ونفضل نقلب فيه لغاية ما يتحمص بالشكل ده

وبعد ما يتحمص الدقيق نضع عليه لبن خالى الدسم لغاية ما تتكون عندنا البشاميل حوالى لتر ونص لبن ونضع عليه الملح والفلفل

نكون عملين حوالى ملعقتين صلصة طماطم بالشكل ده ومعاهم الملح والفلفل

نحط المكرونة عليهم ونضع حوالى اربع ملاعق باشميل عليه بالشكل ده ونقلبهم كويس علشان قطعه البشاميل تبقى متماسكة وما تفكش بعد السوا

بعد كده بنحط نص كميه المكرونة فى صينيه ونضع عليها اللحمة المفرومة بالشكل ده

وبعدين نفرد باقى المكرونة على الجزء التانى ونضع عليهم البشاميل ونضع ملعقة زيت واحدة على الوش نمسح بيها البشاميل بس

علشان تحمر وندخلها الفرن بالشكل ده

وده شكلها بعد ما احمرت وخرجت من الفرن

يارب اكون افادتكم بس حقيقى الا هيجربها بالطريقة دى هيعرف الفرق مافيهاش دسم خالص وخفيفة وطعمها تحفة
لو عجبتكم الموضوع ردوا بكلمة
وماتنسوش التقيييييييييييييييييييييييييييييييييييييييم