مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

مقارنات و تقييمات

مقارنات بين السلع والماركات المختلفة وتقييمات لها بواسطة العضوات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

اناشيد و اغاني اطفال

شاركي صاحباتك في الاناشيد والاغاني اللي بتحبيها

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

صحة طفلك مع نستله الأساسي (سنة - 10 سنوات)

صحة طفلك مع نستله الأساسي

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

السيرة النبوية

سيرة النبي محمد صلى الله عليه وسلم وغزواته

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 الأخيرة >>

رد 0 0
0
فتكات متخفية لتسأل عن امر محرج
قصة حياتي عبارة عن دايرة وجع مش عارفه اخرج منها

٩‏/٧‏/٢٠١٦
شكاوى المحتارة
السلام عليكم . كل سنة وانتوا طيبين ربنا يسعد كل محتارة بالخير ويفرجها علينا جميعا
انا هحكي حكايتي الغريبه ومعلش استحملوني لانها طويلة شوية اتمني متزهقوش مني نفسي اوصل لاسباب الي بيحصلي لعل واحده فيكم يكون حصلها كدا او شافت حكاية زي حكايتي تفيدني بنصيحة وافضفض بالي جوايا
انا بنت عديت التلاتين آنسة لم اتزوج ملتزمة بالصلاة ولبسي معقول يعني عمري ما كلمت ولد ومش بقتنع بالعلاقات الي في الضلمة دي عندي اربع بنات اخوات غيري كلنا بنات واحده بس الي اتجوزت انا الكبيرة والي بعدب اتجوزت وانا في ثانوي اتمنيت كلية معينه كدا وكنت بذاكر واصلي وادعي واتحري اوقات إجابة الدعاء المهم دخلت اكتر كلية كنت بكرهها تخيلو انا فعلا بكره الكلية دي لان كل اقاربي الي دخلوها دايما عندهم مشاكل دا غير اني بكره دراستها جدا ومعرفتش اغير لكلية تانيه لان الوقت كان عدي نص السنة المهم زعلت شوية بس رجعت قولت انا مش عارفه الخير فين وجايز ربنا رايدلي الخير في دراستها وحمدت ربنا وكملت وانا بكرهها جدا وبكره الدراسه . كنت مصاحبة بنت ساعتها كانت مش لطيفه اوي بس المهم انا طبعا زي اي بنت كان نفسي اتجوز بدري عشان افرح اهلي وعشان ولادي يبقوا اخواتي خلصنا واتجوزت صاحبتي ومعظم البنات زمايلي وابتدت انا ادور علي شغل ولاقيت شركة وهناك قابلت شخص شريك في الشركه دي هو كان اقل علميا مني واخلاقيا مش بيصلي وسجاير لكن اعجب بيا وقرر يخطبي انا بعترف اني غلطت لما وافقت بس اهو كنت صغيره ومفيش خبره وهو وعدني واهله انو هيتغير لو واقفت وطبعا بعد شهور مشاكل ومر وقرف منه الخطوبة فشلت صليت لله شكر بس كنت مقهورة وحزينه جدا بعدها مفيش شهرين اتقدملي مهندس عكسة تماما في كل شيء متدين وملتزم تعليم اعلي مني عيلة محترمه كل الناس فرحتلي لدرجة بعضهم عيط م الفرحة يمكن عشان كان شايف خبية امله فيا واتخطبت تاني شهرين شوفت المرار فيهم كانت كل حته فيا بتعيط م القهر الاستاذ طلع مريض ومخبي عليا وراني الويل لدرجة اني عييت والاخر الخطوبة اتفسخت لتاني مره مفيش شهور يادي المرار
بعدها تمالكت نفسي ونزلت ادور علي شغل واشتغلت شغل صعب ووقت كتير عشان زي ما قلت انا بكره مجالي ومعرفتش اغيره لكن اهو كنت بنزل م البيت وخلاص الوقت دا كان عندي مجموعة اصحاب في خلال حوالي 4 سنين كانوا كلهم اتجوزوا وخلفوا سوا كدا كنت فرحانه بيهم بس كان نفسي اوي ابقي زيهم وافرح في وسطهم ونبقي مع بعض اخد رأيهم في حاجتي زي ما بياخدوني ننقي ونجهز انا مقصرتش مع اي واحده فيهم بالعكس ولما كانت واحده تشتكيلي من خطيبها اقعد اصبرها واهديها لدرجة ان امهاتهم كانوا بيلجأولي في الخناقات بينهم عشان اصلح كان بيتقدملي ناس بعضهم اقل مني ومعرفش ايه الي كان يحصل يبقوا قاعدين كويسين وتمام وموافقين وفجأة يروحوا ميرجعوش وقتها والدتي قلقت عليا ليكون فيه حاجه جبنا شيخ مش بتاع اعمال ولا شيء وقرأ قرآن والحمدلله قالها كويسه والحمدلله في الوقت دا كنت عرفت طريق العمل الخيري وع اد ما اقدر كنت بشتغل فيه وكنت اقرأ سورة البقرة وادعي في قيام الليل واصلي وكانت تالت خطوبة (بعد 4 سنين) شخص المفروض انو كويس واتخطبنا وبانت اخلاقه المحترمه من تاني يوم خطوبة نكدي جدا وبتاع مشاكل وغلاط . بقيت بتقطع اعمل ايه افسخ الخطوبة تاني يوم لتالت مره وافرج الناس عليا ولا اكمل واصبر يمكن يتغير وطبعا اخترت الحل التاني وكملت في دايرة الوجع الي بلف فيها شوفت ايام معاه مهما احكي جابلي الضغط كنت هتعب بسببه من حرق الدم والخناق ع الفاضية والنكد وانتهت بعد ما كنت حجزت الفرح وجبت جهازي وزحم الشقه طبعا مش محتاجه اشرح كسرة النفس والقلب والعياط الي بقي طول الوقت مفيش فرحة تتم ليا ابدا دا غير انو اول ما خطبني حصل خلاف في شغلي وسيبته
رجعت تاني جمعت المكسر الي باقي من نفسي ونزلت ادور ع شغل تاني وقرف تاني اتلهي فيه ولاقيت
بعدها بسنتين تلاته بقي وعرسان تيجي وعرسان تروح ومقالب زي انهم يدخلو ويتفقوا ويخرجوا او يتقدموا ويمشوا ويرجعوا ويمشوا تاني وغم كتير انا كنت تقريبا اتعقدت من كل الرجالة كنت اواخر العشرينات يعني خلاص اتقدم شخص مش عارفه اقول ايه حسبي الله ونعم الوكيل انا اصلا ساعتها كنت كرهت الرجالة وسيرتهم دا بقي ممثل بااارع كذاب درجة اولي طبعا عشان يقنعني تشوفوه تقولو طيب طيبة الدنيا لكن البيه كان شراب في رجل ابوه يقول يمين شمال وراه وطبعا احنا لازم نستحمل عشان المركب تمشي
قبلت واستحملت وياما اتحرق دمي من عمايل ابوه وتحكماته في حاجات لا يمكن تتخيلوها بس هعمل ايه السن والظروف خطوبة وفسخ وهو كان طول الوقت يطيب خاطري ويبنجني بقي عشان امشي كلام ابوه واجي علي نفسي واهلي وحصل فعلا لكن ابوه الظالم ربنا ينتقم منه مرتاحش غير لما الموضوع اتفركش قبل كتب الكتاب ب12 ساعة يعني المره دي عزمت الناس وحجزت الفستان واشتريت حاجات وجهازي لشقته واتكلفت فلوس كتير وسيبت شغلي كمان
انتهي الموضوع وانا منتهية خلصانه والدنيا مقفوله في وشي تماما
جالي حالة انهيار كامله كنت بخبط ايدي في الحيطه وبكسر اي حاجه انا جيت الدنيا عشان اتأذي وبس . عملت فيهم ايييه عشان يكسروني كدا . اتسببت في ضرر مين ؟
عمري ما اذيت حد لو فإيدي اساعد مخلوق بساعده بقف جنب اي محتاج
اتدمرت تماما
كنت صاحبت مجموعه تانيه كلهم اتجوزوا باردوا ومواضيعهم تمت بخير ربنا يسعدهم وانا كالعاده موضوع جوازي وقف عشان كدا بقول انا عايشه في دايرة وجع طول الوقت الاحداث الوحشه بتلف وتكرر معايا ولا بفرح بجواز ولا بشغل مع ان الي حواليا مواضيعهم بتتم
بعدها بقي بسنه اتقدملي واحد مهندس في الخارج وانا ساعتها الي رفضت الشبكة واكتفيت بقرأة الفاتحه عشان ادرسه المفروض انو كويس ولا كويس ولا حاجه ياما الهدوم بتداري غني بس بخيل ومش بيعبرني نهائي ولا كأنه خاطب فركشتها بعدها بشهر ما خلاص بقي انا نحست لكن المره دي كنت قوية ومش بسيب حقي بتعامل بالمثل منا قولت اجرب اغير سياسة الطيبة دي يمكن انجح ولكن ولا الهوا وبعدها بسنه اتقدم شخص تاني بس زي ما يكون فارس احلامي فرحت اوي بيه رغم ان كان قلبي حاسس ان الموضوع دا مش هيتم بس اعمل ايه غريق بيتعلق بقشاية ياناااااس نفسي افرح بقي وانهي الحزن الي فحياتي انا واهلي ده وباردوا قولنا ناخد فرصة ندرس بعض وبنفس الطريقه هو كان كويس بس كان غلاط اديته درس عمره ما ينساه وفركشتها
كل الي بحكي عنهم دول بعدي خطبوا واتجوزوا رغم كمية القهر والظلم الي شوفته بسببهم وهما عادي ولا كأن
اختي التالته بيحصل معاها نفس المواقف واصحابها كلهم بيتخطبوا لكن هي مواضيعها بتقف مع انها جدعة جدا وبتقف جمب اصحابها وصبورة ومحترمه وشاطره ومتدينه وباقي اخواتي لسه صغيرين
والمرة اليتيمه الي اتخطبت شافت كمية ذل وقلة ادب من خطيبها وباردو فركشتها هي اواخر عشرينات الوقت
إحنا الحمدلله كل الناس بتشكر فينا عيلة كويسه ومحترمين ابويا وامي ناس طيبين جدا وبيروحوا المسجد يحفظوا قرآن والناس كلها بتحبهم اوووي وتشكر فيهم الي بيدخل بيتنا بيتحطله احسن حاجه واحسن واجب مش بتقصروا
العريس الي بييجي عمرنا ما اشترطنا عليه لاشبكه بكذا ولا عفش بكذا الي تجيبه يابني واحنا نجيب الباقي كان العريس يرجع في اتفاقه ويشيلنا ونقول ماشي وماله زي ابننا والشباب غلبان ويشيلو هما فوق طاقتهم وياريت طمر ولا عجب
احنا و بشهادة الناس حلوين ومحترمين وشيك ومؤدبين واي حد يتمنانا
سؤالي انا بالظبط من بعد موضوع الخطوبة الاخير ده حصلتي حالة تامة من اليأس في كلامي وتصرفاتي حتي الدعاء
بقعد عشان ادعي افضل ساكته مش قادره اتكلم حتي لساني تقيل واول ما اغصب ع نفسي ادعي اروح معيطه وقايمة ماعنتش بعمل اي حاجه حتي قيام الليل حزينه ع نفسي اوي
بصلي بدون تركيز او خشوع ومفيش رضا جوايا هانت عليا حياتي ونفسي جدا بفكر تفكير اسود
بقيت شايفه الدنيا وحشة اوي والرجالة دول اسوء المخاليق ع الارض كلهم
حالتي النفسية في النازل ودا اثر ع صحتي دور البرد ينيمني في السرير بالشهر ومفيش نوم وارق وعياط طول الليل
بقيت عامله زي المسخ بضحك من بره ومفيش روح من جوة دا غير تلقيح الكلام والتصرفات الي سم في بدني بسبب تأخر الجواز وكأنه ذنبي
عارفه انو كتير منكم هيشيلني الذنب ويقول مش معقول كل الرجالة وحشين وانتي الي فلة بس ربنا يعلم الظلم والسواد الي شوفته وانكم لو حضرتوا المواقف هتتأكدوا اد ايه انا اتظلمت ولو شوفتوا شكاوي المحتارة هنا هيتأكدلكم كلامي انا رغيت كتير ولو كان ينفع كنت حكيت مواقف بالتفاصيل عشان تصدقوني
انا مبقيتش عايزه الحياة بقيت ضعيفه جدا ومخنوقه جوايا نار وعذاب مكانتش اتصور انو يوصل بيا الحال لكدا ابويا وامي بيتعبوا صحيا بسبب حالتنا وزعلهم علينا وانا قاعده بتفرج خايفه يجرالهم حاجه
انا ايه في حياتي انا واخواتي غلط او وحش شكيت في كل شيء حتي الاعمال والسحر من كتر تكرار المواقف و مهما اعمل كويس مفيش
هتقولولي شيلي الجواز من دماغك ياااااريت كان بإيدي حاااولت كتير دي غريزة جوانا كبني ادمين والي بيضغط عليا اكتر الامومه لما اشوف طفل احبه ودموعي تنزل قدام اي حد مش بعرف اتحكم
قولولي انتم شايفين ايه الغلط عندنا ارجوووكم الي عندها نصيحة حلوة تقولها والي هتغلط صدقيني وفري علي نفسك انا متقطعة لوحدي انا عايزة حلول ربنا يخليكم ويسعدكم
رد 2457 0
29

دمى ودموعى وابتسامتى
فتكات غالية قوي

٢٩‏/٥‏/٢٠١٦ ١٢،١٨ ص
مشكلتك يا محتاره هى التسرع وانك عايزه تتجوزى وخلاص اى ان كانت النتيجه
المفروض اى حد بيتقدم تسالوا عنه مفيش حاجه اسمها واحد يدخل البيت وتعملوا خطوبه او قرايه فاتحه مواضيع الجواز مش محتاجه استعجال

سجي محمود
فتكات هايلة

٣٠‏/٥‏/٢٠١٦ ١١،٢٥ ص
ربنا يصلح حالك وحال اخواتك يا حبيبتي دي مشكلة اغلب البنات ربنا يفرجها من عنده

lilo94
فتكات ست الكل

٣٠‏/٥‏/٢٠١٦ ٤،٥٥ م
مش عارفة اقولك ايه و الله
ربنا يكون في عونك و يصبرك .... و عموما حبيبتي مدام مش مقصرة في عباداتك على حسب كلامك... افتكري ان اشد الناس ابتلاءا كانو الانبياء و بعدين الافضل ف الافضل
احنا على الارض دي مؤقتا كده دي مش حياتنا
حياتنا الي جاية

انا عارفة انك موجوعة و مش مستحملة و اكيد عارفة الكلام اللي فوق ده ...بس احنا لسة مروحناش عند ربنا و مشفناش ولا نار ولا جنة و مهمة قريتي عن وصفهم بردو مش هيبقى زي ما تشوفيهم بنفسك
بس انتي عارفة...في حيث بما معناه ان الناس لما بتشوف الجنة بتقو يا ريت كنا جالنا اسوأ انواع الامراض و اشدها الما و اتبهدلنا في الدنيا عشان الجنة دي و الله اعلم بردو مش متذكراه قوي ... يعني تخيلي ؟
تخيلي كده انك في الاخرة ممكن تلاقي نفسك فرحانة بكمية الحزن و الوجع اللي شفتيه في الدنيا ده و تقولي ياااه يا ريته كان اكتر ؟
و بردو انتي عارفة في تلات طرق لاستجابة الدعاء ... يا اما يتحقق زي ما انتي عايزة يا اما يتأجل و يجيلك الاحسن منه يا اما يرفع عنك بلاء يا اما يتشالك في الاخرة و الله اعلم.... في بردو حديث بما معناه ان الناس بتقول يا ريت ما كان اي دعوة اتحققتلنا خااااااالص و احنا في الدنيا من كتر ما بيفرحو بدعواتهم اللي اتشالت لهم في الاخر و الله اعلم

انتي مش مستحملة و مش متخيلة عشان انتي دلوقتي عايشة في الابتلاء ده ....

و بردو زي ما بصيتي فوق.. بصي تحت
في ناس في نفس موقفك بس زيادة على كده بقى عايشين مثلا مع مرات اب مفترية
و الي مش لاقية شغل اصلا
و اللي اهلهم رامينهم في الشارع
و و و و .... الخ

بصي يا حبيبتي رمضان داخل اهو
كل يوم على الفطار و التلت الاخير متفوتيش يوم واحد من غير ما تدعي و تطمعي في كرم ربنا كمان
يعني متقوليش يا رب اتجوز اي حد و ارتاح ... لأ قولي يا رب اتجوز واحد فوق احلامي و توقعاتي و ابقى طايرة من الفرح معاه على طول ... كده يعني
و ادعي ربنا يبعد عنك اذى الناس و كلامهم

وربنا يصبرك يا حبيبتي و يخفف عنك

الله اعلم

قطه مامى
فتكات جديدة

٣٠‏/٥‏/٢٠١٦ ٧،٢٣ م
ربنا يصلحلك الحال بحق لا اله الا الله يارب العالمين
اوعى تبطلى دعاء ربنا لما بيحب حد بيأخر استجابه الدعاء عشان بيحب يسمع صوت العبد وهو بيدعيه وربنا مستحيل يرد ايدك فاضيه بعد ما دعتيه
عليكى وعلى سوره البقره فى قيام الليل وطلعى صدقه بنيه صلاح الحال ربنا معاكى يارب ويفرحك

برعم الورد
فتكات رائعة

٣١‏/٥‏/٢٠١٦ ١٢،٣٠ م
الله يرزقك الزوج الصالح يا رب بحق هذه الأيام الفضيلة

ام نورى وملك
فتكات متميزة

٣١‏/٥‏/٢٠١٦ ١،٥٩ م
الحل ان شاء الله هوا الاستغفاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااار,,,لما تبدأى متوقفيش ,,,فرج الله عنك كل هم

Burby Doll
فتكات هايلة

٣١‏/٥‏/٢٠١٦ ٥،٣٠ م
بصي يا محتارة مشكلتك انك زي بنات كتير اوي خليتي محور حياتك كلها الجواز والعيال يعني مش فارق معاكي شغلك وكل شوية تسيبيه عشان خاطر واحد متقدملك

فوقي يا محتارة لنفسك تعليمك وشغلك وكيانك ده هو سلاحك اللي هتقدري بيه تعملي لنفسك قيمة عمر ما هيتقدملك واحد ناجح الا اذا كنتي انتي نفسك ناجحة

فيه مقولة لنجيب محفوظ بتقول: لا توجد فتاة عانس ولكن توجد فتاة منع الله عنها شر زوج غير مناسب وابتلاء زوج فاشل

لذة الدعاء
سوبر فتكات

٣١‏/٥‏/٢٠١٦ ٦،٣١ م
بسم الله

انا هاقوك اللى حسيته يامحتارة .. اعتقد والله اعلم ان بيتكم واخد عين تمام

الحسد اشد انواع الاذية وبيوصل للموت زى ما النبي عليه الصلاة والسلام قال (العين تدخل الرجل القبر)

انتى بقى استغلى الايام العظيمة اللى جاية واتوكلى ع الله وابدى كورس علاج ضد الحسد وبلااااااش تقولى لحد ابدا عشان البركة

ولو تقدرى من غير ما حد يعرف او يحس ان تاخدى من اثر اى حد يجى يزوركم وتغتسلى بيه (غسل المحسود) اللى موجود ف السنة النبوية عشان يجيب نتيجة صح

الاثر ده انك مثلا تاخدى منديل او كباية شرب فيها الضيوف وتغسليها ف طبق كبير وتاخدى ماية الغسيل وتصبيها عليك بالطريقة اللى النبي وصى بيها

وكل ما يجيلكم ضيف تعملى كده وماتيئسيش .. لغاية ما تاخدى من اثر كل الناس اللى تعرفوهم

و ماتقوليش استحالة فلان او فلانه تحسدنى .. الناس بتئذى بقصد او من غير قصد .. وللاسف المحسود كده كده بياخد العين

انتى مدحتى ف تربيتكم وتعليمكم وبيتكم ووو .. واكيد مش كل الناس زيكم .. ومش كل الناس بتتقى الله وتقول ما شاء الله


اسئل الله باسمائه الحسنى كلها ان يرفع عنك وعن اختك ويصلح حالكم وبالكم ويقر اعينكم بازواج انقياء صالحين طيبين محترمين عاجل غير اجل ويجعل بينكم المودة والسكن والرحمة والحب والاحسان والاخلاص والتقدير وحسن العشرة ويجعل اهل ازواحكم ناس تتقى الله بالقول والعمل
ويكتبك انتى واختك من عرايس العيد الكبير وامهات السنة الجاية ..اللهم انك ولى ومولى ذلك قادر مقتدر عليه

مولاي إني ببابك
فتكات نشيطة

٣١‏/٥‏/٢٠١٦ ٦،٤١ م
قرأت كلامك يا محتارة وحاسة بيكي جدا لأني برده عديت الثلاثين واتقدملي أشكال وألوان! بس أنا ما خلتش الجواز محور حياتي زي ما انتي عملتي

لازم تقتنعي انه تأخير الزواج ده خير من ربنا وإنه أحسن مليون مرة من زوج نسونجي أو خمورجي أو حشاش أو حرامي يسرقك وياخد اللي وراكي واللي قدامك .. بنات كتير بيحصل لهم كده بس من قهرتهم بيكتموا في نفسهم ويكملوا وهما ساكتين..

يمكن التأخير ده يكون بعده الفرج وتكملي فعلا حياتك مع واحد محترم بيعرف ربنا .. انت بس ما تتسرعيش وتقبلي بأي واحد لما حد يتقدم لك ادرسيه كويس وشوفي طريقة تفكيره وأخلاقه قبل ما تاخدي أي قرار

لزمت الصمت كي أحيا
فتكات غالية قوي

٣١‏/٥‏/٢٠١٦ ٧،٣٦ م
انتي ليه مخليه الجواز هدفك ف الحياه ؟؟؟؟
بنات كتير اتجوزوا مرتين و اتطلقوا و خلفوا من الاثنين و همه لسه 30 سنه و بيربوا العيال و ابهاتهم سايبينهم كنتي تحبي تصابي بالبلاء ده ؟

واحده عملت زيك و بقت 37 سنه اتجوزت واحد كان واضح انه مش كويس و خلفت بنت و اطلقت واتنازلت عن حقوقها و عفشها و شبكتها و بتندم دلوقتي

انا فسخت كتب كتاب مرتين و نسيت موضوع الجواز اصلا نهائي و ربنا رزقني من عنده و الناس بقت تقول دي مش بتعرف تتعامل مع الرجاله و ال يظلمني و يقول همه ال بيسيبوها مش هيه ال بتفسخ و الحقيقه انا ال كنت بفسخ و همه كانوا بيعيطوا ادام المأذون و مش عايزين يطلقوا

و كل اصحابي مخلفين 3 و 4 و اختي متجوزه و مخلفه و عااادي لدرجه ان جوزها استغرب اني مش بغير و اني بحب لها الخير

يشاء القدر اني اتجوز خلال 36 يوم خطوبه فقط
و كنت شايله الموضوع من دماغي و بحلم بزوج ف الجنه و يزوجني النبي ف الجنه لاحد الصالحين و هو ال يكتب كتابي شوفتي أحلامي وصلت لفين
محدش عارف الكون ماشي ازاي و لا البيوت مداريه ايه

ربنا رايد بيكي خير و انتي كده بتغضبي ربنا انك مش راضيه لان ف الحديث القدسي من رضي فله الرضا و من سخط فله السخط

اصبري و اشتغلي و ملكيش دعوه بحددددد ال اتجوزت و ال خلفت ملكيش دعوه بيهم ربناعايز كده انتي كده بتتدخلي ف امور ربنا و ده هيجيب نتيجه عكسيه ف حياتك و استرقي ع لطول و متنتظريش زوج .. لو كنتي من الاول منتظرتيش زوج كنتي هتبقي احسن من كده لكن انتي منتظره زوج اهو مجاش يعني مش لما تتقمصي من ربنا ربنا هيبعته لأ كده غلط ع دينك و ع عقيدتك ربنا مش بيتعاند .. احفظي القران اعملي اي حاجه مفيده

ترقي في حجابك و ف عبادتك و اسمعي سلسله الوعد الحق لدكتور عمر عبد الكافي و سلسله القران غيرني للدكتور حازم شومان
عرض المزيد
اختر رقم الصفحة 1 2 الأخيرة >>
موضوعات مميزة

اجمل عبايات محجبات ل رمضان 2018 اكيد حصريه ولاول مره على فتكات وبس

مكرونة بشاميل من مطبخ لهلوبة الاروبة :)

اليوم الثّامن من حملة المشمرات للتنافس على الطاعات ... واستقبال شهر الخيرات

انتباه .احــــذر يامؤمن .وتذكر من سارقين شهر رمضــــــان المبارك.....

أسماء الله الحسنى بالأدلة ومواضعها في القرآن الكريم والسُنَّة النبوية

مُتفرقات نهديها لأغلى الفتوكات تابعونى احبكم فى الله

فساتين بنوتي في افراح الجيران جننت المعازيم كمان حصريا على فتكات والبرنسيس اكيد

فساتين سواريه تاخد العقل حصريا فقط لاول مره على فتكات

أذكار وتسابيح لحصن المسلم من القرآن الكريم والسُنَّة النبوية

اجمل وارق بيجامات حصريا ومع البرنسيس لصيف 2018

حصري علي فتكات ومن تصويري الشخصي زهور التيوليب كما لم تروها من قبل(مثبت)

تمتع بمشاهده شاطىء البحر الابيض المتوسط وصفاء سمائه بكامرتي وحصريا مع نانا نزوله(مثبت)

الرقية الشرعية لعلاج السحر والعين والحسد

في رحلة حفظ القرآن الكريم وتدارسه.. كثيرًا ما نسمع الأعذار وترديد كلمات الإحباط

بتحسر على نفسى ادخلوا ربنا يريح بالكوا

مشاركتي الفائزه بالمركز الثالث في مسابقه عزومتي لاميبوصفات تسعدها مع نانا نزوله

صلصه بيتى احلى من الجاهز من ام حمزه المصرى

أحكام مختصرة في شهر شعبان

خطة شعبان

مشاركتى الفائزه بالمركز التانى بمسابقه عزومتى لأمى فى عيدها وصفات جميله هتسعدها (دموع الورده)

مشرفات القسم
مراقبات القسم
الفتوكات المتواجدات
الزائرات المتواجدات