مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

طفولة وأمومة

صحة الطفل و كل ما يهمه من ازياء و العاب و تعليم و رعاية و تربية

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 الأخيرة >>

رد 0 0
0
فتكات متميزة
تجربتى مع محل الملابس dona dony

٢٤‏/٢‏/٢٠١٩
استشارات الموضة
السلام عليكم ازيكم يافتوكات

انا جيت احكيلكم عن تجربتى مع محل dona dony للملابس
الموضوع طويل شويه بس مهم للى بيشتروا من عندهم

انا ابتديت البس من عندهم وانا كنت حامل علشان المقاسات حتى بعد ماولدت وجسمى نزل كنت بشترى من عندهم علشان كنت اخدت على الموديلات والاستايلات بتاعتهم
وفى مره اشتريت بلوزه شتوى ومع اول لبسه وبرت وبقا شكلها مش حلو قولت عادى وممكن تحصل كنت دايما بشترى من فرع جنينه مول على الرغم من انى ساكنه فى المقطم...لانى كنت بسمع عن شكاوى من مدير الفرع بس العربيه ساعتها ماكنتش معايا وكسلت اروح فرع جنينه

اخر مره اشتريت من عندهم لبس صيفى تقريبا ب 1000ونص من 3 اسابيع تقريبا،
ومن ضمنهم بلوزة لونها اوف وايت عجبتنى خامتها وشكلها وكانت طويله تحت الركبه بشويه صغيرين اول مابدأت البسها لاقيتها بتتكسر بطريقه غريبه جدا وبقا شكلها وحش ووسعت وبهوقت كده
ركبت العربيه وبعد مانزلت منها لاقيت ان البلوزة من كتر ماهيا متكسرة قصرت بقت فوق الركبه ولازم اقعد اشدها علشان ماتقصرش وكنت جايباها بقالى 10 ايام ودى كانت اول لابسه قولت لازم اروحلهم واشتكى من خامة البلوزة الغريبه دى ،
ودى كانت اول المشكله الحقيقيه روحت فرع المقطم وحكيتله عن كل اللى حصل وكان اسلوب مدير الفرع زى الزفت معايا وقعد يجادلنى كتير جدا واقوله اللى حصل بالظبط وبرضه مافيش فايده ويقوللى عادى وهى خامتها قطن قولتله انا طول عمرى بلبس اقطان
و ازاى شركه كبيره زيكم كده تستخدم خامه زباله كده الاستاذ زعل اوى وقاللى ماتقوليش زباله انتى بتشتمينا قولتله انا ماشتمتكش انا بقول على خامة البلوزة ماحدش وجهلك كلام بس انت عمال تجادل على الغلط ومش بتحل المشكله،

فقولتله هات رقم الاداره وانا هكلمهم خرجت من المحل بعد الاستاذ مابقا متنرفز واسلوبه سئ جدا مش عارفه مخليينه ازاى يكون مدير فرع وهو مش عارف يتعامل مع الزباين!! بعدها اتصلت بالاداره ردت عليا بنت ووصلتنى بشخص اسمه ضياء اتضح بعد كده انه صاحب الشركه

كلمته وقاللى اهم حاجه انها ماتكونش اتغسلت اكدتله وحلفتله 100يمين انى ماغسلتهاش وكان ذوق معايا فى الكلام وقاللى روحى الفرع وخدى اى حاجه بدالها شكرته على ذوقه وروحت الفرع بعدها بساعه كده دخلت الفرع وقولت لمدير الفرع انى كلمت استاذ ضياء وهبدل البلوزة قام رد عليا ونظرة التحدى والشماته فى عينيه وكمية قلة ذوق غريبه
قاللى انا كلمت استاذ ضياء وقولتله ان البلوزة اتغسلت وقاللى نوديها المصنع نكشف عليها فى المعمل ان كانت اتغسلت ولا لا بقيت مستغربه جدا منه قولتله ومين جاب سيرة غسيل البلوزة
قاللى انتى قولتى انها اتغسلت قولتله ياسلام انا ماقولتش كده انت هتألف كلام انت محروق اوى انى قولت كلمة زباله صح؟ قام اكدلى الكلام وكل نظراته شماته كده بصراحه انسان مريض نفسيا بجد وقاللى انتى بتشتمينا مش انا بمثل الشركة!
قولتله انا ماشتمتش الشركه اصلا انا شتمت الخامه وقولت زباله من كتر جدالك معايا ماوجهتلكش كلام اصلا
انا بس حابه افكرك ان اسلوبك المفروض يكون افضل من كده لانى زبونه من الزبائن اللى انت بتقبض مرتبك منهم علشان تلاقى تاكل بصراحه اتغاظت ومشيت وسيبته وحاولت اوصل لاستاذ ضياء صاحب الشركه تانى بس ماحدش رد
ماسكتش قولت هى بلوزة ب 200ج بس انا لازم اعرف ايه اخر الناس دول روحت تانى يوم انا ووالدتى واولادى واخدت البلوزة وعرفت عنوان الاداره روحت هناك
وسالت على الاستاذ ضياء ودخلت مكتبه وقابلته اول حاجه ماكنش بيضحك خالص ومقابله جافه وغريبه شويه وقام قايلنا انه عنده 18 عماره فى الشارع ده بتوعه وكلهم مصانع وحكالنا قصة زبونه جاتله وان جوزها ظابط وجاله بالبوكس لحد الاداره علشان شكوى من بلوزة برضه قام ضياء صاحب الشركه اتصل بقريبه الكبير اوى مساعد وزير الداخليه تقريبا وشكاله من الظابط واداله اسمه ،قام الظابط اتنقل محافظه تانيه عقابا ليه!!!!
من الاخر كان واضح من كلامه انه بيقوللى انى مش هاخد منه لاحق ولا باطل ونبرة غريبه جدا وقصه ولا كان فى داعى منها كبرت دماغى وسمعتله،وكان ممكن اقوله انا كمان ان عيلتى كذا وكذا بس انا جايه لموضوع معين مش جايه اتفشخر واتباهى
وحكيتله على البلوزة وعلى مدير الفرع واللى عمله معايا الا ماغلطه او اتأسف بالنيابه عنه بالعكس كان بيدافع عنه قام خد البلوزة ونزلها حاجه اسمها معمل بعدها واحد طلع وقاله البلوزة اتغسلت بمياه سخنه والله قعدت اضحك وحلفت الراجل قولتله بذمتك ودينك البلوزة دى مغسوله بمياه سخنه الراجل اتخرس وقعد يبص لضياء ومش عارف يرد قام نزل وبعت لواحد تانى مسئول عن النسيج وحاجات كده اخد البلوزة وقاله البلوزة ماتغسلتش بس هى خامتها كده طب انا اصدق مين بقا؟؟؟؟؟؟اتغسلت ولا ماتغسلتش دا انا بحافظ على حاجتى جدا وغسيلها يدوى عمرى ماغسل اى حاجه فى الغساله دا انا بلبس من daily dress ومروة البغدادى وافضل الاماكن معقوله اكون جاهله واغسل بلوزة بمياه سخنه؟؟؟؟؟ قولتله اصدق مين انا وايه الحل دلوقتى قاللى البلوزة دى لازم بعد كل غسله تتكوى قولتله ماشى هكويها بس بتقصر عليا احل الموضوع ده ازاى وشكلها كده بعد ماتتغسل هتكش لما تكش اجيبهالك ؟؟؟ قاللى هاتيها ولا هعملك حاجه!!!!
قولتله يعنى اخبط دماغى فى الحيط قام قايم ومتنرفز اوى
وقال مسئول النسيج خد البلوزة دى وارميها .......؟؟ قولتله والله مانت مكمل كفايه اوى مقابلتك كفايه انك حتى ماغلطتش مدير الفرع بتاعك وهزأته على اسلوبه مع الزباين اللى فاتحين بيوتكم...كفايه ان حتى مافيش كلمة اسفين او اى اعتذار ومشيت وانا بحسبن عليهم وعلى اسلوبهم السئ فى التعامل

ملحوظه مهمه جدا...انا بقوله انا اول مره اشترى من عندكم حاجه سيئه كده دا انا حتى اشتريت بنطلون من عندكم كان قطن ولا كش ولا كسر
قام قاللى مافيش عندنا بناطيل قطن دا كله بلوستر دا البلوستر دلوقتى ماتقدريش تفرقيه عن القطن بصراحه استغربت اوى من كلامه
وروحت البيت مسكت البنطلون لاقيت مكتوب عليه 65%قطن و 35%بلوستر يعنى انتوا كذابين وبتكتبوا حاجات مش حقيقه والبنطلون جايباه ب 170 ج هبقا اصورهلكم
عموما حسبنا الله ونعم الوكيل ماقدرش والدتى اللى معايا وولادى والمشوار اللى ضربته بكلمة طيبه او حتى يتاسف عن افعال مديره بس هو ربنا اداله واتغر وبيفترى وقادر يجعله مش لاقى ياكل
بجد حسبى الله ونعم الوكيل المصيبه بقا انى اخدت البلوزة وقولت خلاص عوضى على الله روحت البيت وغسلتها لاقيتها كشت وبقت فوق اركبه والكم بقا تلتين بجد ايه قمة الغش دى ؟؟؟ نصيحه بقا ليكم قبل ماتشتروا اى حاجه من عندهم امسكى البلوزة وكرمشيها بايدك كده لو لاقيتيها بتتكسر بسهوله بلاش منها لاحسن شوفت عندهم فى المصنع نفس الخامه بس اشكال تانيه وحسبنا الله ونعم الوكيل فى اللى بيغشوا الناس انا لا هعمل شكوى فى حماية المستهلك ولا غيره لانى عارفه ان البلد دى مابتجيبش حق حد بس ربنا اكبر من اى حد اينعم البلوزة ب 200 ج ولا حاجه بس انا متغاظه لقلة التقدير

وللفتوكات اللى ساكنين فى المقطم احذروا من مدير الفرع لانه انسان سيماوى جدا وحسبى الله ونعم الوكيل فى اللى بيغشوا الناس ودى صورة البلوزة بعد ماتغسلت





رد 4534 0
18

mysterious eyes
فتكات رائعة

١٨‏/٥‏/٢٠١٦ ٢،٣٩ ص
ربنا يعوض عليكى وحسبى الله ونعم الوكيل فى الأشكال اللى زى دولا !!!!! كما تدين تدان أكيد

كرملة عسولة
فتكات رائعة

١٨‏/٥‏/٢٠١٦ ٢،٥٦ ص



بصى يا قمر لو حصل اى حاجة من دى تانى اهم حاجة يكون معاكى فاتورة لو مرجعوش بالذوق عليكى وعلى خدمة حماية المستهلك بيخافو منهم ويرجعهوها

ام سندس2222
فتكات ست الكل

١٨‏/٥‏/٢٠١٦ ٣،٠٥ ص
معلش ياقمر دمى اتحرق علشانك

ام رودى العسل
ملكة فتكات

١٨‏/٥‏/٢٠١٦ ٣،٠٩ ص
ربنا يعوض عليكى وهما الى خسرانين هما لو بيفهموا كانوا احتواء الموقف ورجعهوا وخلاص وكسبوا زبونه
انا جوزى كان بيشتغل فى محل جاك جونس وفيرا مود
فى ماس كانت بترجع حجات بعد اربع شهور وكانوا بيبقوا متاكدين انه هلكها لبس وبوظها بس سمعه المحل وانهم يكسبوا زبون دى اهم من اى حاجه
وده ترجيع لبس مش تبديل كمان
مش فاهمه دول بيفكروا ازاى
وبالنسبه بقى لحمايه المستهلك ولا الهواء ياجميل
دى بلوزه انا اوضه نوم اطفال وجوزى عمل شكوى ولا حياه لمن تنادى
وادينا ادبسنا فيها

نور القنديل
فتكات رائعة

١٨‏/٥‏/٢٠١٦ ٣،١٠ ص
دى مصيبة البيع والشراء والتجارة فى مصر
تصدقى قريبى كان فى لندن واشترى جزمة قعدت معاه 3 شهور
وحس كدا انه مش مرتاح قوى قام وداها للمحل تخيلى المحل اخدها منه وبدلها له واعتذر له ان المنتج ماكنش كويس معاه
وطلب منه انه يبقى يطمنه ان البدل مريحه ولو فيه اى شكوى لابد يبلغهم وشكره علشان هيحاولو يتلاشو العيب الى ضايقه
وانا مرة كدا زيك اشتريت بلوزة برضه فسكوز وكانت واسعة عليا وغسلتها بعد اول لبسه فى بعد ما اشتريها بأقل من اسبوع كدا ولقيتها كشت جدا
تخيلى اجى اشتكى فى المحل صاحبة المحل ترفض تقبل منى اى شكوى او حتى ترجعها للمصنع لان ده عيب تصنيع والقماش مش معالج علشان مايكشش بالشكل ده والانكت بقى انها اتهمتنى انى تخنت خلال الاسبوع ده والمشكلة فيا انا
وراحت عليا البلوزة وثمنها هههه مع وصمة انى تخنت فى اقل من اسبوع ههههه
بس ياريت لو حقوق المستهلك مجدية زى مع الاجهزة الكهربائية ماتسكتيش على حقك وكفاية تعملى لهم شوشرة يستاهلوها بكل تأكيد
ربى يعوض عليكى




ام رودى العسل
ملكة فتكات

١٨‏/٥‏/٢٠١٦ ٣،٢١ ص
امين يارب ربنا يعوض علينا جميعا
واهو الواحد مش بيتعلم ببلاش هتعملى ايه

Just Smile
آستغفرك رب? وآتوب اليكـ ♥

١٨‏/٥‏/٢٠١٦ ٤،٥٢ م
ربنا يعوض عليكى
وشكرا على الافادة حبيبتى

Just Smile
آستغفرك رب? وآتوب اليكـ ♥

٢٨‏/٥‏/٢٠١٦ ١٢،٣٢ ص

UM Mahmoud
فتكات رائعة

١٧‏/٦‏/٢٠١٦ ٩،٠٠ ص
في جروب على الفيس بوك بتقدمي شكوتك عليه ومجبرين انهم يردوا عليكي

اي مكان يضايقكوا ارزعوهم بوست على جروب : dont shop here - (a list of untrustworthy shops in egypt)

سلوى المقطم
فتكات متميزة

٢٦‏/٢‏/٢٠١٧ ١١،٤٤ م
حسبى الله ونعم الوووكيل
عرض المزيد
اختر رقم الصفحة 1 2 الأخيرة >>
موضوعات مميزة

للطلاب الجدد.. تعرفى على مصروفات الكليات بجامعة القاهرة (ليلي90)

الان.. بوابة الحكومة تفتح تسجيل الرغبات لأكثر من 77 ألف طالب بالثانوية الأزهرية (ليلي90)

بلد الجليد حزرو فزرو؟ حملة حملتنا لكل الاقطار بالليل وبالنهار بحرية او جوية

رحلتى السادسة لواحة سيوة (مصر) حملة الشطار أصحاب التجدد (الأختين الحلوين هناء وشيرين)

موقع التأمينات والمعاشات ○ استعلم عن الخمس علاوات بالرقم القومى | وعجلت اليک ربے لترضے❤

احلى ادوات مطبخيه بشكل تحف للعرايس حمله بالموضه نلتقي مع نانا نزوله

نتيجة تنسيق المرحلة الثالثة 2020 ○ بالإسم ورقم الجلوس | وعجلت اليک ربے لترضے❤

تنسيق 2020.. لطلاب الثانوية المعادلة تعرف على كيفية دخول موقع التنسيق | وعجلت اليک ربے لترضے❤

تعرف على الأوراق المطلوبة للتقديم على منح دراسية بالجامعات الخاصة | وعجلت اليک ربے لترضے❤

رحلتى الخامسة لمحمية وادى الجمال (مصر)حملة الشطار أصحاب التجدد (الأختين الحلوين هناء وشيرين)

الكلمات العشرة التحفيزية في حفظ كتاب رب البرية

مؤشرات نتيجة تنسيق المرحلة الثالثة 2020.. كليات ومعاهد الشعبة الأدبية 2019 بالدرجات (الرابط)

بدء الدراسة فى المدارس الحكومية والخاصة ○اعرفے المواعيد○ | وعجلت اليک ربے لترضے ❤

تأجيل الدراسة في المدارس الرسمية الدولية | وعجلت اليک ربے لترضے ○

النابض بقلبي دائما

تأكدى من صحة فاتورة الكهرباء قبل سدادها × 6 خطوات (ليلي90)

شيميز لممتلات الاجسام حمله بالتطور نرتقي وبالموضه نلتقي مميز

مهرجان العودة للمدارس back to school يالا بسرعة شاركي في مسابقتنا

رحلتي للكوكب الأخضر.. غابه إستوائيه في دبي (حملتنا لكل الاقطار بحريه اوجويه اوبالقطار) Nesma Atiaa

يا لا معايا على تخفيضات ايكيا بكامرتى من (بيرو)

مشرفات القسم
مراقبات القسم
الفتوكات المتواجدات
الزائرات المتواجدات