تعملي ايه لو طفلك اتأخر في الكلام؟

دليل تغذية طفلك مع سيريلاك (6 أشهر- سنتين) ٣‏/٥‏/٢٠١٦ ١،٥٧ م

طفلك عدي سنتين ومتكلمش؟ الأول لازم تلاحظي التأخر دة فمعظم الأطفال بيبدأوا يتكلموا من سنة ونص لسنتين فلو لاحظتي انه اتأخر أو بيحاول يتكلم ومش عارف أو مش فاهم أبسط الكلام اللي بتقوليه أو مبيسمعكيش غير من قريب يبقي كدة عنده مشكلة.
طب ليه بيتأخر في الكلام؟ فيه كذا سبب منهم لو بيتفرج عالتلفزيون كتير أو بيقعد قدام أجهزة الكترونية عموما كتير, ولو مولود قبل معاده أو وزنه أقل من الطبيعي غالبا بيتأخر في الكلام, أو مشاكل صحية لازم يتكشف عليها زي وجود التهابات في ودنه أو شمع زيادة.

تعملي ايه عشان تساعدي طفلك يتكلم في خطوات بسيطة؟ اقري له كتب كتير وعلميه معاني الصور بالكلمات, واتكلمي بالراحة خليه يلاحظ حركة شفايفك وازاي الكلام بيخرج منها. سمي كل حاجة باسمها بدل كلمة "دة" أو "دي" عشان يحفظ أسماء كل حاجة حواليه وخلي معظم كلامك معاه في صيغة سؤال تستني منه الرد زي "انت جعان؟ عايز تاكل ايه؟" يعني متجبيلوش اللي هو عايزه من غير ما ينطق اسمه عشان يتعود علي اسم الحاجة اللي عايزها. الأغاني عامل مهم في تعليمه نطق الكلام حفظيه أغاني كتير بس تكون أغاني هادفة مش كلماتها مسفة تعلمه ألفاظ غير محببة, غير كمان ان يبقي له صحاب من سنه يتعلم منهم كيفية النطق الصح. اتكلمي معاه في كل الأوقات يعني وقت الاستحمام وقت الأكل وقت التلفزيون خلي التواصل بالكلام بينكوا كتير أكتر من الحركة لأن فيه أطفال كتير بتفضل الحركة عن الكلام.

وقبل كل دة متفقديش الأمل في طفلك لأن كل مشكلة بتتحل بالتدريب والعلاج فمفيش داعي للاحباط لأنه احساس بيوصل لطفلك.

رد 1702 1

التوقيع

دموع الورده
مشرفة عامة

٣‏/٥‏/٢٠١٦ ٢،٠٣ م

ممتازززززززززززززززززززززززززز

رد قراءة نسخ المشاركة 0

التوقيع

اللوتس 2009
فتكات حبوبة

٣‏/٥‏/٢٠١٦ ١٠،٥٥ م

انا ابن اختي عنده سنتين و أربع شهور ولحد دلوقتي بيتكلم حاجات خفيفة خالص زي ماما وبابا مع أنه بفهم كل الكلام الي بيسمعه بس وزنه أقل من الطبيعي وطول النهار بعيط لأنه مش قادر يوصله الي هوا عاوزه ربنا يشفيه

رد قراءة نسخ المشاركة 0 عرض التعليقات

التوقيع

#nona
فتكات حبوبة

٧‏/٦‏/٢٠١٦ ١٠،٠٦ م

جزيتى خيرا

رد قراءة نسخ المشاركة 0

om yossef,,
فتكات جديدة

٨‏/٧‏/٢٠١٦ ٧،٢١ ص

ربنا يجازيكي كل خير بس انا ابني ليه طريقه معينه في نطق بعض الحاجات بطريقته وكل ما أاصحح له يصمم يقولها بطريقته وهموت عليه انه لحد ديلؤتي مش بيتكلم كويس بس ان شاء الله هشوف دكتور تخاطب وربنا يعمل اللي فيه الخير ليه ولكل أولادكم يااااارب... اتمنى دعواتكم

رد قراءة نسخ المشاركة 0