مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

طفولة وأمومة

صحة الطفل و كل ما يهمه من ازياء و العاب و تعليم و رعاية و تربية

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 3 4 5 6 7 8 9 16 الأخيرة >>

رد 0 0
0
فتكات هايلة
اعرفي ازاي تشتري الصن بلوك المناسب + ريفيوز لاحسن الانواع بالصور Om Zenah

١٠‏/٢‏/٢٠١٦
العناية بالبشرة


عزيزاتي فتوكاتي:

رجعتلكم بموضوع مكلبظ تاني بعد ما لقيت كم المعاناة في طريق البحث عن الصن سكرين Sunscreen / الصن البلوك SUNBLOCK

في نهاية الموضوع ده –بإذن الله – حتكوني عرفتي كل حاجة عن ال Sunscreen و ازاي تقدري تشتري النوع المناسب لبشرتك + عرض أمثلة للمنتجات اللي جربتها

يالا بينا.... ( المشاركة الاولي كلام علمي بحت بس مهم )

بسم الله

فيه كلام بيبقي مكتوب علي الصن بلوك في بنات كتيرة مش عارفة معناه زي UVA و UBV و SPF تعالي أعرفك

الجزء الاول

أشعة الشمس الضارة بتتكون من ثلاث أنواع :


الأشعة فوق البنفسجية ( أ) ( ( UVA ultraviolet A

• بتخترق طبقة الجلد الغير محمي ( بتخترق الطبقة السميكة)

• النوع ده من الأشعة هو اللي مسئول عن شيخوخة الجلد المبكرة

• كما تؤدي إلي الإصابة باضطرابات الخلايا الصبغية بالجلد (كظهور الكلف و البقع البنية) و تقلل من مناعة الجلد و بتخليه أكثر عرضه للتفاعل مع أشعة الشمس..و لو دفاعات الجسم انخفضت – لاقدر الله – ساعتها يحدث سرطان الجلد ( و العياذ بالله)


الأشعة فوق البنفسجية (ب) (ultraviolet B (UVB

• بتحرق الطبقات السطحية للجلد

• هي المسئولة عن اكتساب الجلد اللون البرونزي و تتسبب في حدوث حروق الشمس سريعا

• بتختلف قوتها باختلاف الفصول و التوقيت ..يعني وقت الذروة من 10 إلي 4 بتبقي أقصاها

• حرق الأشعة للجلد مش شرط تحسي يه لكن بيسبب ضرر دائم مع مرور الوقت من غير ما تحسي



الأشعة فوق البنفسجية (ج) (ultraviolet C (UVC

دي اقوي أشعة بس ملناش دعوة بيها لان طبقة الأوزون بتمتصها قبل ما توصلنا – الحمد لله.



هنا الصورة موضحة إن النوع الأول بيخترق الطبقة السميكة للجلد و النوع التاني بيبقي في الطبقة السطحية و النوع الثالث بتمتصه طبقة الاوزون

ملحوظة هامة:

اللمبات النينون بتصدر الأشعة البنفسجية ultraviolet يعني مش الشمس بس


نهاية الجزء ده المفروض تكوني عرفتي:

1. معني الكلمتين المكتوبين علي الصن البلوك UVA ( المسئولة عن شيخوخة الجلد) و ال UVB ( المسئولة عن تغير لون الجلد)

2. إن أول حاجة تكوني بتدوري عليها في الصن بلوك انه يحميكي من النوعين دول من الأشعة : فيا اما حتلاقي كاتبين الكلمتين دول عليه أو حتلاقي كلمة Broad Spectrum

ودي صورة للتوضيح



اللي علي الشمال الصن سكرين اللي بيحميكي من نوع واحد و اللي علي اليمين اللي بيحميكي من النوعين


1. ان الصن بلوك مش رفاهية و لا دلع بنات ده بيحميكي من شيخوخة الجلد و عدم توحد لون جلدك ( اللي بنرجع نصرف فلوسنا علشان نصلحهم) و الأهم من ده كله سرطان الجلد و العياذ بالله.


الجزء الثاني

SPF ) sun protection factor ) عامل الحماية من الشمس

الرقم ده بيحدد مدي حمايتك من الأشعة فوق البنفسجية (ب) (UVB ) فقط ...زي ما موضح في الصورة



اخدتم بالكم ان الفرق بين SPF 30 و ال SPF 50 هو 2% بس!!!

طيب بالنسبة ل SPF 75 أو ال SPF100 احب أقولكم أنها مجرد دعاية و تسويق مش اكتر- لان بكل بساطة حتي الآن مافيش حماية من الشمس 100% بس الشركات بتقول كده علشان يجذبوا الناس للمنتج اللي بيدي حماية اعلي و لما الناس تبدأ تفهم القصة دي حتلاقي كل الصن بلوك اللي في السوق بقي SPF 50 plus


المفروض ان الرقم ده كمان بيحدد مدة حمايتك منن الشمس بس الموضوع ده مش بيبقي دقيق بسبب السن، قوة الشمس، والوقت من اليوم وجيناتك.



نهاية الجزء ده المفروض تكوني عرفتي يعني ايه SPF و تقدري تختاري عامل الحماية المناسب ليكي ..بس طبعا الأصح و الأفضل انه لا يقل عن ال 30 SPF


الجزء الثالث

حنتكلم عن الفرق بين ال صن بلوك Sun block و ال صن سكرين Sunscreen ..لان كتير منكم بيحسبوا إن الاثنين واحد


صن بلوك Sun Block

• درع واقي من الشمس بيعكس كل الأشعة عن الجلد

• سميك جدا و كأنك حاطة طبقة سميكة علي جلدك

• في الغالب مش بتكتب عليه معامل الحماية SPF لأنه بيعكس كل أشعة الشمس

• العنصر الرئيس في مكوناته هو ثاني اكسيد التاتينيوم او اكسيد الزنك Titanium Dioxide or Zinc Oxide



صن سكرين Sunscreen

• بيمتص الأشعة الضارة و يفلترها و يقلل من وصول الأشعة للجلد

• خفيف زي اللوشن و سهل توزيعه علي الجسم كله

• بتقاس درجة حمايته علي حسب معامل الحماية SPF


حيرتكم ما بينهم ؟

ولا حيرة و لا حاجة معظم اللي موجود دلوقتي خليط بين النوعين

و في الأول و الأخر دي بعتمد علي اختيارك بتفضلي حماية عالية بس حيبقيي قوام سميك + صعب التوزيع و شكلك واضح ان فيه طبقة سميكة عليكي يبقي الصن بلوك

لكن لو اخترني حماية كويسه بس قوام خفيف يبقي تختاري ال صن سكرين

دي صورة تو ضح الفرق



اللي علي الشمال هو الصن بلوك ( بيعكس الأشعة تماما) و اللي علي اليمين هو الصن سكرين بيمتص الاشعة الضارة قبل ما توصل للجلد

الجزء الرابع:

كلمة Water resistant :

الكلمة دي معناها انه مقاوم للميه ..دي بقي للناس اللي بتعرق كتير و اللي بتنزل الميه ( سباحة)

بس نصيحة مني: مهما كان مقاوم للميه يفضل بعد ما تنشفي الميه بالفوطة أو بعد العرق الكتير انك تجدديه



كده حصة العلوم خلصت... أنا طلعت عيني علشان اجيب لكم صور توضيحية للشرح اللي بقوله فيارب يكون الكلام و الصور قدروا يوصلوا المعلومة

دلوقتي تقدري تشتري الصن بلوك / الصن سكرين المناسب ليكي..صح؟

لا غلط..لازم تعرفي النوع المناسب لبشرتك قبل ما تروحي تدفعي مبلغ في نوع مش مناسب ليكي

تعالي بقي أقولك إيه النوع المناسب لكل بشرة + ريفيوز لأنواع جربتها بنفسي

يالا حصة الجمال المشاركة اللي جاية

بس تشجيعكم بقي بتقييمكم او بدعوتكم او بالاثنين
رد 93883 0
413

OmZenah
فتكات هايلة

٢٠‏/٥‏/٢٠١٤ ٩،٥٦ ص
كالعادة قبل أي اعتناء للبشرة لازم تعرفي كويس نوع بشرتك
(علشان مكررش كلامي ..لو مش عارفة نوع بشرتك كويس ادخلي علي موضوعي اللي فات و انتي تعرفي)

اعرفي إزاي تختاري الغسول المناسب لبشرتك بالصور Om Zenah
http://forums.fatakat.com/thread5350534

حتختاري الصن سكرين المناسب ليكي بناءا علي نوع بشرتك + لونها

أنا بشرتي مختلطة مائلة للجافة و لوني خمري ( ده علي اساسه عملت الريفيوز)

بالنسبة لنوع بشرتك :

البشرة العادية او الجافة :

يناسبها الصن سكرين ال كريم Cream لأنه يعمل على ترطيب البشرة بجانب توفير الحماية لها

بايوديرما : Bioderma



انا جبت النوع ده من بايوديرما كان تقيل جدا علي بشرتي و غير مناسب للوني اطلاقا..كأني حاطة ماسك ابيض لزج بيلمع علي وشي

طبعا مكنش العيب في المنتج كان العيب في اختياري الغلط الغير مناسب ليا...لأنه في نفس الوقت جلدي كان محمي تماما من الشمس و خصوصا إني استعملته في المصيف ( أنا جبت صورة من علي النت لأني استغنيت عنه)


ايزيس : ISIS




ده جبته من ايزيس..ووشي كان شكله أحسن من بايوديرما الي حد ما..بس كان مزرق ( لأنه كريم ابيض تقيل و انا بشرتي مركبة و خمرية) فمكنتش راضية عن شكلي خالص

و كل ده و انا كنت بحسب ان الشركتين دول الصن سكرين بتاعهم وحش..و بعد كده عرفت ان الغلط كان من الناس اللي رشحتهولي من غير ما تعرف بشرتي نوعها إيه


سيبا ميد Seba Med :





النوع ده رغم انه كريم و لونه ابيض بس مشي مع بشرتي ( تقريبا لانه مش سميك و قوامه اخف كتير من اللي فاتو) او ممكن علشان Oil Free

مميزاته:

1. عجبني جدا انه واضح في درجات الحماية بتاعته: كاتب حمايته اد ايه من ال UVA و كاتب حمايته اد ايه من ال UVB ...و كمان موضح ضرر كل اشعة ايه ..مش زي شركات تانية تكتبلك SPF كام و بس!! و معتمدة ان فيه ناس كتير متعرفش ان ال SPF بيحمي من نوع واحد بس ( بس انت يا فتوكاتي المفروض فهمتم)

2. PH .5.5
3. مقاوم لعلامات تقدم العمر (يحتوي علي فيتامين E )
4. مقاوم للماء
5. معامل حماية عالي SPF 50+
6. صناعة ألماني محترمة



البشرة المختلطة و الدهنية:

ينفع معاها الفلويد Fluid لانه يعمل على تقليل لمعان البشرة و يزيد من ثبات المكياج لانه يناسب طبيعة البشرة الدهنية ولا يسد المسام ولا يسبب ظهور حب شباب فى أماكن جديده


ايوة هي دي بقي بشرتي

شركة افين Avene




مميزاته: ( كتيرة اوي)
1. بيحمي من النوعين حتلاحظوا مكتوب عليه Broad UVB and UVA protection
2. ضد الماء Water resistant
3. معامل حماية عالي SPF 50+
4. سائل سهل انه يتوزع
5. بتطلعي الكريم اللي فيه بالضغط فبيوفر و مش بيهدر



عيوبه : حساه ملزق شويه ( مش كتير ) و لونه علي جلدي مش مريحني بس من ناحية الحماية من الشمس ممتاز

بس عموما مقدرش اقول عليه وحش لأنه فيه تقريبا كل حاجة

صن سينس Sun Sense





مميزاته :

1. بيحمي من النوعين حتلاحظوا مكتوب عليه UVA & UVB Sun protection و في الظهر مكتوب عليه Broad Spectrum

2. معامل حماية عالي SPF 50+
3. خفيف جدا و لا كانك حاطة حاجة علي وشك
4. اللون مناسب Light tinted ( حاوضحلكم الالون لاحقا)

و ده لونه علشان تعرفوا



عيوبه : لازم تجدديه كتير علشان تحسي بالحماية لأني حاساه خفيف زيادة عن اللزوم لدرجة اني أخاف احطه في مصيف

تعبتم ؟ و أنا كمان بس لسه حاكمل المشاركة اللي جاية تابعوني



OmZenah
فتكات هايلة

٢٠‏/٥‏/٢٠١٤ ١٠،١٤ ص
نوع كمان ينفع جدا للبشرة الدهنية و المختلطة حتلاقي مكتوب عليه Dry touch بيعجبني اكتر من الفلويد Fluid

Dry- Touch
ده اول ما تحطيه علي وشك ..تلاقيه اتشربه بسهولة في ثواني و لا كأنك حاطة حاجة


نيتروجينا Neutrogena






ده اكتر من رائع

مميزاته:
1.بيحمي من النوعين حتلاحظوا مكتوب عليه Broad Spectrum
2.ضد الماء Water resistant
3.معامل حماية عالي SPF 100+
4. يمتص في ثواني و لا عمره بيعمل دهون Dry- Touch و في نفس الوقت كأنك حاطة طبقة عازلة قوية ضد الشمس

عيوبه:

للأسف مش بيتباع غير في أمريكا

لاروش بوساي LA Roche Posay





مميزاته:
1.بيحمي من النوعين حتلاحظوا مكتوب عليه UVB + UVA
2..معامل حماية عالي SPF 50+
3. يمتص في ثواني و مش بيدهنن Dry- Touch
4. بيديكي لوك مات matte finish. و ينفع جدا لاي واحدة بتحط ميكب

عيوبه:
جاري البحث عن عيوب ( لم اختبره في المصيف..ادعولي أصيف بقي )



البشرة الرقيقة او الحساسة

يلائمها ال spot لانه يقلل من الاحمرار ويلائمها برضه ال compact

ال Spot :
مع جلسات الليزر او التقشير الكيميائى لاحتوائه على مضادات الالتهاب التى تعمل على تلطيف البشرة و يقلل من مخاطر تكون بقع صبغية فى حال عدم العنايه بالبشرة بعد التقشير او جلسات الليزر والعلاج الضوئى يحتوى على مضادات التهاب تعمل على تقليل الاحمرار وتلطف البشرة



دي صورة من علي النت لبيوديرما سبوت ..لما كنت في الصيدلية و سالت عليه مندوبة بايوديرما قالت لي ان لو الدكتور كاتبهولك في الروشته اشتريه..فصرفت نظر عنه و مجربتوش فمش حاقدر اقولكم عنه حاجة غير خصائصه

الكومباكت Compact :

تحترم طبيعة البشرة وتعتمد على مرشحات فزيائية لا تسبب تحسس البشرة و تقلل من احمرارها




دي بقي للبنات المتدلعة عامل زي كريم أساس +بودر المضغوط طبعا شكلك بيبقي حلو و في نفس الوقت مش حاطة حاجة مضرة علي وشك وخفيف جدا علي البشرة





صور من كل الزوايا

عيوبها:

1.غالية أوي علي حجمها و مش بتعقد معاكي ( انا ممكن اشتري حاجة غالية بس علي اساس انها بتقعد معايا وبكده يبقي اوفري و احسن لبشرتي)

2. لا يمكن أجازف و اروح بيها مصيف

اخر نوع هو الميلك Milk او الاسبراي Spray :

لحماية مساحات واسعة من الجسم لسهولة استخدامهم وسرعة امتصاصهم وحجمهم الاقتصادي

الميلك Milk :



الاسبراي Spray :



طبعا فيه ماركات تانية كتير..بس انا بدي مثال


بالنسبة للون البشرة :

حتلاقي اللون العادي الابيض : و دي بيبقي مناسب للبشرة البيضاء

و حتلاقي ال tinted و ال light tinted و ده مناسب للبشرة الخمرية و السمراء أو لاي واحدة (بيضاء او سمراء) عاوزة تداري عيوب بشرتها و كأنها حاطة كريم أساس علي وشها من غير ما تضر بشرتها ( بس تتأكد من إن درجة اللون تناسبها)

دي صورة صورتهالكم مخصوص علشان تعرفوا الفرق ( الأبيض و ال light tinted )



ملحوظة:

أي سن سكرين ملون بينزل منه درجتين ..فالدرجتين دول بيختلفوا من شركة للتانية فيه شركات بجيب منهم الدرجة الفاتحة بيبقي بالنسبة لي مش بيغير لون بشرتي لكن مش بيديني لون ابيض زي صن سكرين بتاع Sun Sense و بايوديرما كومباكت Bioderma Compact (اللي صورتهم) وفيه ماركات تانيه كأني فعلا كريم أساس و دول أنا مجبتهمش

فالحل انك تجربي السامبل قبل ما تشتري كأنك بتشتري ميكب بالظبط

آخر جزء ( علشان اختم بقي) :

طريقة وضع الصن بلوك / صن سكرين :

علي بشرة نظيفة زيه زي أي كريم حطيه علي وشك / ايديك / جسمك مع مراعاة انه لازم يتجدد... فيه أنواع ممكن تجدديها كل 3 ساعات و فيه كل 4 و فيه كل 6 ساعات

يعني مش تحطيه الصبح و الشمس ضعيفة و تجي لما ترجعي البيت في عز الظهر متكونيش حاطاه تاني..و لو انتي بره ممكن تجيبي الوايبس بتاعت إزالة الميكب او بتاعت الأطفال و تمسحي وشك بيها و تشيلي اثارها بميه و بعد كده حطيه تاني


كده تقدري تكوني خبيرة نفسك في شراء الصن بلوك/الصن سكرين من غير ما تقلدي حد او تاخدي نصيحة غلط من حد

ده لو كملتي الموضوع للآخر و منمتيش مني


انا كده و لله الحمد خلصت واظن اني وفيت و كتبت كل حاجة تخص الصن بلوك/الصن سكرين..و اتمني ان مفيش واحدة تاخد مجهودي و تعبي وتصويري و تنسبه لنفسها لأني مش حاسامح

سيبكم من الدراما اللي فاتت ...اشوفكم في موضوع مكلبظ تاني

وياريت البنات تحكي لنا عن تجاربكم مع الصن بلوك او الصن سكرين الخاص بكم

في رعاية الله

الفراشة ميرو
سوبر فتكات

٢٠‏/٥‏/٢٠١٤ ١٢،٢٣ م
موضوعاتك دايما هايله ومفيدة ...

ممتاااااااااااااااااااااااااااز ..لو فيه اكتر من كده كنت قيمت

انا عندى افين وكويس معايا جدا واحساس التلزيق ده بيروح بعد 5 دقائق بالنسبالى مجرد ما البشرة تمتصه ...وبرده فى يورياج كويس اوى ...بس ميزة افين بالنسبالى انه مخصص للبشرة الحساسه

ميرسى يا قمر وفى انتظار باقى ريفيوهاتك الجميله

ام الرجال 2006
فتكات ست الكل

٢٠‏/٥‏/٢٠١٤ ٤،٤٧ م
ما شاء الله عليكى وفيتى وكفيتى
نسأل سؤال بقه
ترشحيلى صن بلوك مناسب
للبشره الدهنيه وبشره فاتحه وبتعرق كتير
وللولاد فى المصيف برضه نجبلهم ايه
وممتاز يا سكره

عبير -22
مشرفه عامه

٢٠‏/٥‏/٢٠١٤ ٥،٥٢ م
تسلم ايدددددددددك يا ام زينه

Sue24
فتكات حبوبة

٢٠‏/٥‏/٢٠١٤ ٦،١٨ م
ما شاء الله عليكي
تسلم ايدك بجد
انا اول ما قريت جريت اشوف الكلام ده موجود في sunsenseالعندي ولا لأ
و الحمد لله موجود

أم مهند الطيوبة
فتكات غالية قوي

٢٠‏/٥‏/٢٠١٤ ٧،٥٣ م
موضووووووووووووووع هاااااااايل وجاى فى وقتة
وانا محتاجة مساعدة
انا محتاجة صن بلوك للبشرة الدهنية ويبى فية درجة لون كريبم اساس
الى متاح بالمواصفات دية ازيس
بس انا سمعت عت سيبا ميد هل فية نوع فلويد لايت تينتد
وياريت ترشحيلى واحد
اان بيضا بشرتى فيها عيوب
ودهنية وبقالى سنةبعالجها بالنت لوك والحمد لله اتحسنت بس الصن بلوك بتاعى يورياج كريم حلو كحماية بس طلعلى حبوب لانة كرريم مش مناسبنى
انا مسافرة غانا الفترة الجاية والى قاعد فى الظل بيسمر

ساجدة لله وحدة
برنسيسة فتكات

٢٠‏/٥‏/٢٠١٤ ٧،٥٣ م
هاااااااااااااايل

floral girl
سوبر فتكات

٢٠‏/٥‏/٢٠١٤ ٨،٤٥ م
جميييييييييييييل
ياريت بجد كل البنات الي بيروحو الجامعة والي بينزلو شغل في الشمس يشوفو التوبيك
جزاكي الله خيرا على تعبك ومجهودك
ممتااااااز

masrya101
سوبر فتكات

٢٠‏/٥‏/٢٠١٤ ٨،٥٧ م
موضوع عايل وكامل جداااا

انا عندى يورياج ومريحنى الحمدلله
وبيغنينى عن كريم الاساس
عرض المزيد
اختر رقم الصفحة 1 2 3 4 5 6 7 8 9 16 الأخيرة >>
موضوعات مميزة

النظام الدراسي المصري الجديد وصفة فاشلة مصممة للطبقة المرفهة

لا الحلم بيتحقق ولا قادرة ابطل احلم :(

طريقة عمل الريش الضاني بطريقة صحية ومغذية *( نسمة المؤمن )

❤ ◕‿◕ ❤نتيجة مسابقة قسم الصور صورة العام الهجرى الجديد 1441 ❤ ◕‿◕ ❤

من ام حمزه المصرى فراخ هندى بصوص الكاجو

تكريم مشتركات حملة نجمات الصيف 2019

لا قصة احكيها.......

طريقتي في عمل طبق عاشوراء (ليلي90)

مسقعه باذنجان بطريقه مختلفه مع نانا نزوله

باينة بالصوص الابيض والمشروم بيرو

اجمل واحلى قبعه حصريا على فتكات ولاول مره

منظمة المرأة العربية تعلن إطلاق بوابة إلكترونية لصاحبات المشروعات الصغيرة *( نسمة المؤمن )

فضل شهر الله المحرم وصيام عاشوراء

فتكات ها قد عدت و......العود اليكي يشبه الحياة ...امضي بيقين

طريقة عمل البامية باللحم الضاني والله زمااان *( نسمة المؤمن )

BACK TO SCHOOL تعالى يا فتوكة اشتركى معانا فى مسابقة موقف مضحك حصل ليكى و انتى صغيرة فى المدرسة

بين الكلمات بقلمي البرنسيس ارجوا ان تنال الرضا والاعجاب

❤ ◕‿◕ ❤ مسابقة صورة العام الهجرى الجديد 1441 ❤ ◕‿◕ ❤

عام هجري سعيد من تصميمي متحركه ومع البرنسيس كل عام وانتم بخير

اكسسوارتي انيقه جدا وحصريا ومع البرنسيس

مشرفات القسم
مراقبات القسم
الفتوكات المتواجدات
الزائرات المتواجدات