مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

طفولة وأمومة

صحة الطفل و كل ما يهمه من ازياء و العاب و تعليم و رعاية و تربية

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 3 4 5 6 7 8 9 26 الأخيرة >>

رد 0 0
0
امبراطورة فتكات
من مطبخ الواثقةبالله تورتة الفراولة والباستري كريم وميراور الفراولة بدون جيلاتين

١٧‏/٤‏/٢٠١٩
التورت والجاتوهات والكيك





اللهم صل وسلم وبارك على سيدنا محمد

السلام عليكم ورحمة الله وبركاتة
ازيكوا اخواتي الغاليات
يارب تكونوا دااايما بكل خيييير
ويارب يسعد مساكم وكل ايامكم بالخيرااات والمسراات ان شاء الله
النهاردة حبيبااتي حبيت اشارككم تورتة الفراولة بالباستري كريم
مع ميراور الفراولة بدون جيلاتين
وهيا اهداء للغالية ساجدة غفران
وياااارب تعجبها وتعجبكم حبيبااااتي ان شاء الله





وتورتة الفراولة بالكريم باستري بتتكون من كيك فانيلا
وتتحشي بالكريم شانتيه المخلوووط مع الكريم باستري ولما بيتخلطوا مع بعض
بيبقى طعمهم جمييل اوووووي سبحاان الله والكريمة دي مشهوورة في محلات الحلويات
لحشو التورت لان طعمها اروووع بكتيير من الكريم شانتيه لوحده
وهنحشيها بالفراولة والسيرب اللي هينزل من الفراولة هيبقى راائع
وممكن نستخدمه كصلصة فراولة او ميروار الفراولة
وميزة الصوص ده انه بدون جيلااااتين بفضل الله
بس بجيلي فراولة وفراولة طبيعي وسكر
وبيبقى زي الميراور اللي بالجيلاتين سبحاااان الله




وبسم الله نبدأ مقادير كيك الفانيلا الهش اووي ان شاء الله

كوب ونص دقيق منخووووول مع نص كوب نشا ومعلقتين كبااار بكينج بودر
4 ملاعق كبيرة سمنة تكون معلقة السمنة مليانة على شكل هرمي مش ممسوحة
ربع كوب زيت - 4 بيضات كبيييرة
نص كوب زبااادي يعني علبتين زبادي جهينة وزن العلبة الواحدة 80 جرااااام
معلقتين كبااار مية - معلقة كبيرة عصير ليمون يعني ليمونة كبيرة
فانيلا - ربع معلقة صغيرة ملح

للحشو والتغليف
15 معلقة كريم شانتيه يعني 3 مغلفات دريم ويب
نخفقهم مع كوب وربع مية متلجة او حليب و3 ملاعق كبيرة سكر بودرة
10 ملاعق كريم باستري نخفقهم مع كوب مية متلجة او حليب
ومعلقتين سكر بودرة

ميراور الفراولة بدون جيلاتين
كوبين فراولة - نص كوب سكر
3 ملاعق كبيرة جيلي فراولة او توت
عصير ليمونة كبيرة

بسم الله الطريقة السهلة اوووي




في بولة نحط السمنة والزيت والسكر زي كده
ونخفقهم لمدة 4 دقايق عشان السمنة تبيض وتنفش والسكر يندمج مع السمنة




وبعدها نحط الاربع بيضات كلهم مرة واحدة
بس بالصورة نسيت احط الراابعة حطيتها بس نسيت اصورها
ونخفق برده دقيقتين عشان يندمج البيض مع السمنة كويس ان شاء الله



وده شكل الخليط لما بنخفق البيض مع السمنة والسكر


ونبتدي نحط الدقيق المنخووول مع النشا والبكينج بودر
على 3 مرااات اول مرة نحط شوية من الدقيق ونخفق بسس 7 لفات بالمضرب



وتاني مرة نحط تاني كمية من الدقيق مع ربع كوب زبادي يعني علبة زبادي
ونخفق برده يجي 7 لفات بس يااادوب يندمج الدقيق عشان الكيك يبقى هش ان شاء الله





وثااالث مرة نحط الدقيق البااااقي مع الزبادي الباااقي ومعلقتين المية
ونخفق يجي 30 ثانية ان شاء الله



واخر حاجة اللي بيدي هشاشة رهيييبة للكيك سبحااان الله معلقة عصير ليمون كبيرة زي دي
ونخفق 4 لفات كده عشان يتقلب مع الكيك كوويس



ونصب الكيك بصينية مقاس 26 مدهووونة كويس اووي
وطبعا الخليط كريمي جدااا بفضل الله لما نصبه هنلاقيه كريمي وفوووق بعضه زي الصورة




وعشان يتساوى نهز الصينية بايدينا يمين وشماااااال بس بدوون مانخبطها ابداااااااااا
وده طبعا عشان تتساوى الكيكة بالصينية زي الصورة
وندخل الكيك فرن حرارة هااادية 160 الى 170 لمدة 50 دقيقة ان شاء الله
ومانفتحش عليها لمدة 25 الى 30 دقيقة ولما تستوي ان شاء الله
نسيبها تهدى حرارتها في الفرن دقيقتين كده وبعدين نقلبها على منخل سلك
ونسيبها تبرد بعيييد عن اي تيااار هوا او اي مكان بااارد والشبابيك تكون مقفولة



وده شكلها بفضل الله وارتفاعها بعد ماقلبناها
دلوقتي نعمل ميراور الفراولة عشان يبرد براحته



في كسرولة نحط الفراولة والسكر والجيلي البودرة وعصير الليمون
ونحطهم على نار هادية واحنا بنقلب لمدة دقيقتين



ولما تغلي زي الصورة نسيبها دقيقتين عشان الفراولة تنزل ميتها وتبقى راائعة


ونجيب مصفاة المكرونة ونحط تحتها طبق وااسع ونصب الفراولة في المصفاة
عشان تنزل كل المية والصوص الرااائع اللي فيها لمدة ساعة على راحتها
والفراولة القطع دي طبعا مش هنرميها هنحشي بيها الكيك ان شاء الله
وطعمها رووووووعة بجد



وده صوص الفراولة الراائع بلونه الآسر بجد لما نزلت كل الفراولة الصوص اللي فيها
ودلوقتي نسيبه يبرد يجي نص ساعة مثلا
بحيث لما ندوقه نلاقيه مش سخن خاااالص عشان مايسيحش الكريمة
طبعا ان شاء الله



وطبعا حبيباااتي لو حابين نحفظ صوص الفراولة بالتلاجة عادي جدااا بيجمد وبيبقى راائع زي الصورة مجرد مايدخل التلاجة وطعمه جمييل اوووي

لو شايفين الموضوع يستحق التقيييم
قــــيـِــمُــوني يااحلى اخوااات حسب ذووقكم


رد 25965 0
494

الواثقةبالله
امبراطورة فتكات

٧‏/٤‏/٢٠١٤ ١١،٣٤ م
بسم الله نكمل






ولو عايزين نرجعه لحالته الساايلة مافيش مشكلة
نحطه في كسرولة عل نار هادية اوووووووووي ونقلب هيرجع سايل تاني زي الصورة ان شاء الله
ونقدر نحطه كصوص فراولة على اي حاااااجة
وميزته انه لما بنحطه على التورتة بيدي لمعان جمييل اوووي
عشان كده ميراور الفراولة اسمه ميراور جاية من المراية
انه بيكون بيلمع بفضل الله وبيمسك نفسه
بحيث مايكونش سااايل وبيكون ناااعم اوووي
لما ندوقه ان شاء الله

ودلوقتي نعمل اخر حاجة الكريم باستري
بسرعة ان شاء الله
نجيب ثمن كيلو كريم شانتيه بــ 4 جنيه ونص تقريبا





في بولة نعاير الكريم شانتيه الــ 15 معلقة
ونخفقهم بالمضرب الكهربائي
مع كوب وربع مية متلجة او حليب و3 ملاعق كبيرة سكر بودرة
ولما ينفشوا نسيبهم على جنب
وفي بولة صغيرة تاااانية بدون مانغسل المضرب خااالص ولا حاجة





نجيب الكريم باستري زي الصورة من اي هايبر ماركت كبييير وطبعا حبيباتي نقدر نشتري ثــُمن كيلو باستري كريم بسس وهيفيض كمان ان شاء الله وهو سهل اوووي وسريع جداا
لكن لو مش متوفر نقدر نعمل الكريم باتسيير في البيت
ودي مقاديره وطريقته
في كسرولة نحط
كوب ونص حليب عليه 3 صفارات بيض كبيرة

و5 ملاعق كبيرة دقيق او نشا
ونص كوب سكر او تزودي حسب ذووقك
ونقلب كل ده في كسرولة على النار بمضرب سلك لغاية
مايتخن ويغلي زي المهلبية نطفي النار فورا
ونحط عليه معلقة كبيرة زبدة مليااااانة على شكل هرمي
وفانيلا ورشة ملح
ونسيبه يبرد خااالص
ونحطه عالكريم شانتيه بنفس الطريقة ونخفقه
وطعمه بيبقى جمييل اووي وطبعا افيد من الجاهز
لانه فيه بيض وحليب





نحط الكريم باستري العشر ملاعق مع كوب مية متلجة او حليب ومعلقتين كباار سكر بودرة او اكتر حسب ذووقنا ونخفقه بالمضرب زي الصورة وهو مش بينفش زي الكريم شانتيه





ونحطه على الكريم شانتيه ونخفق عشان يتقلب






وبيكون لونه جمييل اوووي زي كده بيج فاااتح اوووي
او اصفر فاااتح اووي بصراحة مش عارفة بالضبط هههههههههه





دلوقتي نقسم الكيك نصين او تلاتة زي مانحب





ونحط كريم باستري كمية محترمة وفوقيه الفراولة القطع الي احتفظنا بيها من الاول




وفوقيها برده كمية كريم باستري عشان نغطي الفراولة ونغلف التورتة كلها بالكريمة




ونعمل دايرة بكيس الحلواني
ونملاها بميروار الفراولة زي الصورة وحوالين الدايرة نعمل فستونات بالورب
بالميل دااير مايدور التورتة ونملاها برده بالمعلقة بميروار الفراولة زي الصورة
وعالجوااانب نلزق فراولة انصاااف
وبسم الله نبدأ صور التقديم














ومن الجوانب الفراولة الانصااف باينة
وكل فراولاية قسمناها نصين ونلزقها على جوانب التورتة
وبين كل فراولاية واختها نعمل بالكريمة بقمع النجمة
خط طووويل من الكريمة زي الصورة





وعلى الفستونات نرش اختياااري جيلي فراولة بودرة
عشان ينطق اللون ويبقى فيه تدرجات بين الوردي والاحمر
والاحمر القاااني للفراولة سبحااان الله











نعومة الكريمة






الفراولة الراائعة اميرة الدلال







سبحااان الله على جمااال
صنع الله في الفراولة








الواثقةبالله
امبراطورة فتكات

٧‏/٤‏/٢٠١٤ ١١،٣٤ م
بسم الله نكمل














































وميروار الفراولة متماسك وناااعم بفضل الله



















الواثقةبالله
امبراطورة فتكات

٧‏/٤‏/٢٠١٤ ١١،٣٥ م


بسم الله نكمل










وبكده الحمد لله والشكر لله خلصت
وباااالف هنا وعافية على قلوبكم حبيباتي
ويااارب يعجبكم موضوعي المتواضع
وفي انتظار اي تعديلات واقتراحات رااائعة منكم
ولو عجبتكم ادعولي من قلوبكم الصافية
ان الله يرضى عليا ويستجيب دعائي
وقــــــيـــــِـمـُــــوني حسب ذوقكم
ويااارب دايما اشوفكم على خييييير ان شاء الله


rose candy
سوبر فتكات

٧‏/٤‏/٢٠١٤ ١١،٣٦ م
بسم الله ما شاء الله

طبعا طالما الواثقه بالله يبقا تحفه من قبل حتى ما ادخل

تسلم اديكي

عاشقة الصحراء
فتكات ست الكل

٧‏/٤‏/٢٠١٤ ١١،٣٦ م
اول تقيييييييييييم....انجااااااز هههههههه تلسم ايديك يا فرولايه المنتدى

سيسو زيزو
فتكات غالية قوي

٧‏/٤‏/٢٠١٤ ١١،٣٨ م





لحقت اول صفحه
ايه الجمال والشياكه دى ياقلبى حلوووه
اوووووى تصدقى انا كنت بفكر والله اعمل تورته
هجربها ان شاء الله حبيبتى لان شكلها روووووعه
تسلم ايدك ياقلبى والتقيييم طبعا ممتاااااااااااااز



نونى السيد
مشرفه مستلزمات العروسه

٧‏/٤‏/٢٠١٤ ١١،٣٨ م
تسلم ايديكى بجد اكتر من رائعة

ممتاااااااااااااز

# فيروز #
سوبر فتكات

٧‏/٤‏/٢٠١٤ ١١،٣٩ م
ممتاز يا قمر

bent elahly
سوبر فتكات

٧‏/٤‏/٢٠١٤ ١١،٣٩ م
تسلم ايديكى بجد رااااااائع انا فرحانه انى لحقت ليا رد ف اول الموضوع
ليه ياحبيبتى متفكريش تشتغلى فى افضل قناة للطبخ بجد انتى فنااااااااانه ماشاء الله الله اكبر عليكى
ممتااااااااااااز

فتوكة توتا فيتا
سوبر فتكات

٧‏/٤‏/٢٠١٤ ١١،٤٠ م
قيمت ونورت اللمبات وبعدين اقرا براحتى واحطها فى المفضله انتى مبدعة كالعادة ربنا يبارك لك ويحفظك
عرض المزيد
اختر رقم الصفحة 1 2 3 4 5 6 7 8 9 26 الأخيرة >>
موضوعات مميزة

خلو بالكم من تهكير التليفون

ساندويتش بيض وكوب نسكافيه !

محاكمة #محمد_راجح القاتل هل له شقيق توائم

زراعه نبات مصنع التماسيح او العمود الفقري بيدي وبكامرتي وحصريا مع نانا نزوله

تجربتي العمليه باستخدام زيت الاوليفيرا للشعر من عملي يدي وكامرتي وحصريا مع نانا نزوله

حصري شياكة بلوزات الهند مع ليلي90

أجمل أحذية للبنوتات الصغيرين من الأختين الحلوين هناء وشيرين

تدبر (أَلَمْ يَعْلَمْ بِأَنَّ اللَّهَ يَرَى)

لوّن صلاتك طريقة جديدة لتحبيب الصلاة للأطفال هام جدا

حلمي خطين ( توضيح)

صور من الحديقه القرانيه بدبي بكامرتي وحصريا مع نانا نزوله

الف مبروك للمشرفه المميزه ليلى 90 على حفيدتها الجميله نورت الدنيا النهارده

اصابع البطاطا بالجزر من مطبخ نانا نزوله

مخلل الزيتون وجماله مع البرنسيس اتفضلوا معايا الطريقه

مناقيش حبه البركه والجبنه لفطار بسيط ومع البرنسيس اتفضلوا معايا

بسكويت فيري مع بودنج شيكولاته وجيلي ومع البرنسيس اتفضلوا معايا

شورما الدجاج بالكزبره بتكاتي من مطبخ نانا نزوله

سورة يوسف..... ثق في تدبير الله... اصبر. .... لا تيأَس.

فكره للاستفاده من مساحه اكبر داخل الثلاجه من قنينه ماء فارغه بكامرتي وعمل يدي حصريا مع نانا نزوله

مقاسها كبير اه بس تاخد العقل من رقتها وطعامتها

مشرفات القسم
مراقبات القسم
الفتوكات المتواجدات
الزائرات المتواجدات