طريقة عمل الكيكة المثلجة بطعم رائع علي طريقتي ومن مطبخي (محبه لله ورسول الله )

التورت والجاتوهات والكيك ٤‏/١٠‏/٢٠١٩ ٢،٢٢ ص

كيكه,بسكويت,كريم,شانتيه,منتدي,فتكات

ازيكم يا فتوكات اخباركم ايه النهاردة جيبلكم وصفة جميلة جدا طعمها رائع ومحببة للكبار والصغار ولجميع الاعمار وهي طريقة الكيكة المثلجة تعالوا معايا نشوف المقادير

المقادير
ظرف كريم شانتيه
مهلبية شيكولاتة
بودينج بالفانيليا او مهلبية عادية
بسكوت شاى سادة
حليب
سكر

الطريقة
اولا نجهز البودينج والمهلبية انا اشتريت ظرف بودينج جاهز يادوب تعمليه علي النار بالحليب والطريقة بيتبقي مكتوبة علي الكيس انما مهلبية الشيكولاتة انا عملتها وهي بنعمل المهلبية عادى جدا وقبل ما تطفي عليها حطي معلقتين كبار كاكاو وقلبي واطفي عليها وبجهز الكريم شانتيه بالحليب بالمضرب الكهربائي لو معندكيش مضرب عادي ممكن تعمليه بالمعلقة لحد ما يتقل ويظبط انا ساعات بعمل كدا عادى
بعد ماجهزت الطبقات اللي هحطها علي البسكوت هجيب طبق وفيه حليب واغمس فيه البسكوت بسكوتة بسكوتة واطلع علي طول يعني يادوب متسبيش البسكوتة كتير احسن تبوش هو يادوب تغميسةبسيطة وبعدين نرص البسكوت في الصينية بجانب بعض زي الصفوف ولما ننتهي من الطبقة الاولي نضع عليها طبقة بودينج او مهلبية الشيكولاتة زي ما تحبي تحطي هي نفس النتيجة ولما نخلص دهن الطبقة بالبودينج نصف تاني بسكوت بعد غمسه في الحليب ونعمل طبقة كمان بسكوت ونضع فوقها مهلبية الشيكولاتةوبعدين طبقة كمان بسكوت وندهن الوش بكريم شانتيه ونرش مكسرات او ممكن تسبيها كدا انا حطيت مكسرا مطحونة وصوص شيكولاتة ده اختياري زي ما تحبي براحتك واتركيها في الفريزر حوالي نصف ساعة واخريجيها وقطعيها وبالف هنا عليكم

نتيجة بحث الصور عن بسملة للمواضيع