مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

اناشيد و اغاني اطفال

شاركي صاحباتك في الاناشيد والاغاني اللي بتحبيها

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

طفولة وأمومة

صحة الطفل و كل ما يهمه من ازياء و العاب و تعليم و رعاية و تربية

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 الأخيرة >>

رد 0 0
0
يارب ,, بس انت ترضى
أحلى رمضان ( 1 ) #الصلاة

١٧‏/٤‏/٢٠١٩
المنتدى الإسلامي

#الصلاة
السلام عليكم ورحمة الله وبركاته
أخواتى الحبيبات
ده أول لقاء لينا مع بعض
اتفقنا إننا فى الجروب ده عاوزين نرتقى بإيماننا
وعشان نمشى بالتدريج
فالخطوة دى هى الخطة الأولى اللى لازم نتكلم فيها بإذن الله
مينفعش نتكلم عن اتقان الصلاة أو نتكلم عن الخشوع فى الصلاة من غير مانكون بنصلى أصلا
تحسين العبادة وتجميلها والخشوع فيها بيجى بعد فعلها الأول

الصلاة

مش هخبى عليكم إنى كنت قلقانة من الكلام عن موضوع الصلاة
الأحاديث الصحيحة الواردة فى عقوبة تارك الصلاة صعبة وشديدة جداً ومرعبة

لكن قبل ماندخل ونذكر أحاديث ترهيب وأحاديث العقوبة
خلينى أتكلم معاكم كلام من قلبى الأول
كلامى موجه لأى حد مش بيصلى
للدرجة دى أنتِ مش حابة إنك تقابلى ربنا وتكلميه ؟!!!
هتنفى عن نفسك التهمة دى وتقولى
لالا والله أنا بحب ربنا وبعيط والله وعاوزة أصلى وتعبانة
هقولك أمال إيه اللى مخليكى مش بتصلى
قوليلى أسباب !!!
عشان نحاول نحلهامع بعض

طيب هقولك انا بعض الأسباب

  الصلاة تقيلة !!
هقولك مفيش حلاوة من غير نار
مفيش حاجة من غير تعب
ده مبدأ لازم تخليه قدامك
لو استنيتى إن الصلاة تقولك تعالى يلا وتلاقى نفسك قومتى واتوضيتى وصليتى من غير ماتتحركى وتحسى !!!
أكيد هتقوليلى مستحيل
لو استنيتى نفسيتك تبقى جميلة وهادية عشان تقومى تصلى وانت ليكِ نفس
يبقى للأسف مش هتصلى
الرسالة من كلامى
اللى عاوز حاجة بجددددد بيجاهد عشان يوصلها حتى لو كان الطريق صعب ومحتاج مقاومة ومجهود
اللى عاوز حاجة بيعملها
قومى
اتحركى
غيظى الشيطان وصلى
محتاجة فترة قصيرة لحد ماتحطى فى عقلك إن الصلاة
إلا الصلاة
لحد ماتوصلى لمرحلة إن الشيطان ميقدرش يقولك متصليش
هو بيدخل من المكان اللى فيه ثغرة
الحتة اللى عارف إن بزنّه هيقدر يخليكى تقصرى فيها أو تتركيها خالص  
الصلاة .. آخر وصية للرسول الله – صلى الله عليه وسلم- وهو على فِراش الموت
الصَّلاةَ الصَّلاةَ وما ملكَتْ أيمانُكم
    
من الاسباب اللى بتتقال فى ترك الصلاة

 أنا وحشة .. بعمل ذنوب
عاوزة أصلى .. لكن خايفة إن صلاتى متتقبلش !!
طيب
هقولك على حاجة
شاورى على الملاك اللى عايش فى الدنيا عشان نشوفه!
مفيش بشر مبيغلطش
واحنا كلنابشر وكلنا بنغلط
كلُّ بني آدمَ خطاءٌ وخيرُ الخطائينَ التوابونَ

طيب الحل إيه ؟!!
الحل إنك تقومى وتتوبى وتبدئى صلاة وتقول يارب مش هقطع الصلة اللى بينى وبينك
يارب أنا بغلط وأنت الغفور الرحيم اغفرلى وتب على
مش هخلى الشيطان يضحك عليا بالشبهة دى .. كلنا بنغلط وكلنا لازم نتوب

 سبب تالت بيتقال فى ترك الصلاة
أنا مشغولة ... مش لاقية وقت أصلى .. مش فاضية
أنتِ كأنك بتقولى ( أنا مش فاضية ليك يارب ) والعياذ بالله

بجد صعبة جداااااااا إنك تلاقى وقت من تحت الأرض لكل حاجة فى يومك ومش لاقية 10 دقايق بالكتير تصلى فيهم  

والحل ؟!!

خلى الصلاة الأول .. أول ماتسمعى الآذان سيبى اللى شاغلك وصلى ... هترجعى تانى بإذن الله تكملى اللى وراكى
اجرى بسرعة قبل ما الشيطان يقولك استنى شوية كمان
وشوية بعد شوية يأذن الفرض اللى بعده وتتراكم الصلاة وتكسلى تصلى .. وترجعى تانى .. هصلى من بكرة

خدى الخطوة الأول وربنا سبحانه هيعينك
من تقرَّب إليَّ شبرًا تقرَّبتُ إليه ذراعًا ومن تقرَّب إليَّ ذراعًا تقرَّبتُ إليه باعًا ومن أتاني يمشي أتيتُه هَرولةً

ابدئى الخطوة الأولى منك وهتلاقى معونة من الله أضعاف الخطوة اللى اخدتيها لأنه هو الكريم الأكرم

 طيب نشوف حديث عن ترك الصلاة
إنَّ بين الرجلِ وبين الشِّركِ والكفرِ تركُ الصلاةِ
يعنى الصلاة تمنعه من الشرك والكفر
 لو ترك الصلاة مش هيكون فى حائل أو مانع بينه وبين الشرك والكفر .. نعوذ بالله من ذلك .. وكأن الصلاة وقاية للمسلم

هكتفى بحديث واحد فى ترك الصلاة

نكمل الدرس

#الصلاة_1




دالوقتى أهم لحظة

أنا عاوزة أصلى
بس ازاى

عاوزة حاجة تساعدنى .. تشجعنى .. تاخد بإبدى
بعض الخطوات العملية بإذن الله لمن لايصلى


1-  الصدق والدعاء : أنتِ عاوزة تصلى وعندك رغبة كبيرة جداً جداً جداً فى إنك تصلى يبقى أنت صادقة فى طلبك
أبشرى ... أيوة والله ... ربنا سبحانه وتعالى لما يشوف صدق نيتك هيعينك ويساعدك
بس ادعى كمان
حتى لو لسة ماقومتيش تصلى .. ادعى برضو ألحى
صدقينى مش هيفوت وقت كبير وهتلاقى نفسك قولتى خلاااااااااص أنا مش قادرة على الهم ده انا هقوم ابدأ
جربى ... (:

2- جاهدى : زى ماقولنا فوق مفيش حاجة بالساهل
قبل الآذان بخمس دقايق قومى اتوضى والبسى إسدال الصلاة وأول ما الآذان يؤذن صلى على طول
الصلاة فى أول الوقت بتحسسك إنك نشيطة والصلاة مش تقيلة عليكى
وربنا سبحانه وتعالى لما يشوف مجاهدتك هيعينك ويهديكِ
" وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا "العنكبوت آية 69

3-  أول ماتحسى نفسك مش عاوزة تقومى تصلى
خدة نفس عمييييق وغمضى عنيكى وقولى بهدوء ومن قلبك ( لاحول ولاقوة إلا بالله ) كرريها دقيقة .. اتنين .. تلاتة ..
الذكر ده له فضل عظيم وهو ذكر عجيب
مش كنز من كنوز الجنة وبس ... لا
ده بيزيدك قوة فى الدنيا تساعدك على أعمالك .. عن تجربة
( طبعا إن الله لايجرب ، لكن بقول كدا لتقريب الصورة وللتحفيز ) :
انتى بتقولى بالذكر ده إنى معنديش قوة يارب القوة من عندك أعطنى قوة
تتبرأى من حولك وقوتك
جربى كدا ... جربى حلاوة الذكر ده وقوليلى عمل معاك إيه من عجايب
4-  شوفى صاحبة بتحبك وحريصة على مصلحتك تكون بتصلى وخليها تذكرك كل يوم أو كل يومين وتسألك .. أخبار الصلاة إيه ؟!!
ولو معندكيش حد أو مش عاوزة تقولى لحد ابعتيلى واعتبرينى صاحبتك (:

5- قبل ما تصلى اقعدى مع نفسك دقيقة كدا وقوليلها كلمتين
كلميها بصوت هادى ومسموع ليك بس ( متسمّعيش البيت )
قوليلها
دول كلهم عشر دقايق ونحس براحة فى كل خطواتنا بعد كدا
صلي لله عشان ربنا يصلح حالك
يلا ياجميلة هنصلى ونرجع ( أيوة دلعيها ) .. وابتسمى وصلى

 وانتى بتصلى حتى لو أول مرة
متفوتيش فرصة إنك تدعى فى سجودك إن ربنا يجعلك تجافظى على الصلاة

6- ممكن تقولى دعاء من القرآن رائع (رَبِّ اجْعَلْنِي مُقِيمَ الصَّلَاةِ وَمِن ذُرِّيَّتِي رَبَّنَا وَتَقَبَّلْ دُعَاءِ ) كرريه كتير جداً جداً
فى نهاية الصلاة قولى ( اللهم أعنى على ذكرك وشكرك وحسن عبادتك ) والصلاة ذكر ، وانت محتاجة الإعانة من ربنا

7- خلى حد من البيت يشجعك وصلوا جماعة أختك مامتك أو لو متزوجة وولادك كبار صلوا جماعة ، خاصة لو أوكلتى حد منهم التنبيه على الصلاة .. صدقينى الحكاية دى هتفيدك أوووى خاصة لو طفل عنده حماس هههههه

8- آخر حاجة : لما ربنا يوفقك للصلاة حتى لو كانت أول صلاة ليك أوعى ( تحذير ) أوعى تقولى وإيه يعنى صليت صلاة واحدة فى غيرى بيصلى من سنين
لاياحبيبتى (:
ربنا سبحانه وتعالى وفقك للصلاة ، وفقك لإنك تبدئى
ودى نعمة تستحق الشكر
قولى الحمد لله إنى بدأت وبإذن الله مش هبطل وهكمل
قولى الحمد لله إنك مش لحد الوقتى لسة تاركة للصلاة ومتحركتيش  ...
لَئِن شَكَرْتُمْ لَأَزِيدَنَّكُمْ

الحمد لله كدا الدرس خلص
أنا عارفة إنه طويل
بس القضية مهمة جداً وخطيرة

عاوزة اخواتى هنا فى الجروب يكتبوا إيه الأسباب من وجهة نظركم اللى بتخلى أى مسلم ميصليش ، أسباب شوفتوها أو سمعتوها

وكمان لو عندكم خطوات عملية تخلى تارك الصلاة يصلى
اكتبوها ونناقشها مع بعض وننتفع كلنا بإذن الله

الواجب

أى حد مش بيصلى يتوكل على الله ويصدق ويبدأ من دالوقتى
حالا....
عاوزين ننطلق قبل رمضان وندخل على الخطوات اللى بعد كدا
عشان يبقى رمضان ده أجمل رمضان مر علينا فى حياتنا
وأى حد حابب يتواصل خاص لو محرج يكتب هنا تحت أمره
اسأل الله أن يجعلنا ممن يقيمون الصلاة ويتقبل منا
جزاكم الله خيرا

* * *



 
رد 273 3
17

امل لاينقطع
يارب ,, بس انت ترضى

١١‏/٤‏/٢٠١٩ ٢،٥٩ م
#الصلاة_2

*/*/*/*/*/*/*/*/*/*/*/*/*

السلام عليكم ورحمة الله وبركاته
أخواتى الحبيبات
نكمل مع بعض رحلتنا

اتكلمنا فى المرة اللى فاتت على ترك الصلاة وشوفنا بعض الأسباب وخطوات عملية للرجوع للصلاة الانتظام عليها ، واتمنى من أخواتى إنهم يكونوا أخدوا خطوة جدية فى الموضوع وحاسمة فى الموضوع .

النهاردة بإذن الله هنكمل مع بعض فى موضوع الصلا ، ولكن هناخد حالة تانية  اللى بيأخر الصلاة .. واللى بيقطع فى الصلاة ( يعنى يصلى فرض وفرض لا ) أو ( يصلى يوم و3 أيام لا ) مثلا
قال تعالى ( إِنَّ الصَّلَاةَ كَانَتْ عَلَى الْمُؤْمِنِينَ كِتَابًا مَوْقُوتًا)
يعنى الصلاة ليها وقت محدد
مش براحتنا او حسب وقتنا
نتكلم عن اللى بيقطع فى الصلاة
حبيبتى .. أيوة انتِ أنتِ بدأتى يعنى الحكاية عندك من زى تارك الصلاة خالص وتعبان إنه مش عارف يرجع ويصلى
لا ... أنتِ بتصلى بعض الفروض ... طيب إيه يخليكى تصلى فرض وفرض تانى تتركيه
مثلا : نمتى عن الفرض ... اظبطى المنبه على وقت الصلاة
نسيتى تظبطى المنبه أوقلت لحد يصحيكى ونسى ؟!!!
فورااااا لما تصحى تصليها
ملهاش حل غير كدا قال رسول الله صلى الله عليه وسلم  (( فإذا نسيَ أحدُكُم صلاةً، أو نامَ عنها، فليصلِّها إذا ذَكَرَها ))
والحديث صحيح
يعنى نمتى عن صلاة غصب عنك .. صليها لما تصحى
نسيتى صلاة .. صليها أول ماتفتكرى
متقوليش هبدأ من الفرض اللى بعده او من الصلاة اللى بعدها ... طيب والصلاة اللى فاتت
هتعملى فيها إيه ؟!!!!

*** سبب تانى ممكن يكون : تكونى مثلاً بتعملى حاجة على الكمبيوتر أو حتى بتلعبى والوقت يسرقك والشيطان يقولك كمان شوية لسة وقت الصلاة ممتد الوقت لسة مخرجش .. كمان ربع ساعة لو سمعتى منه أول شوية هيجر وراه شويات
عشان عرف الثغرة اللى يدخلك منها وعارف إنك ممكن تسمعى كلامه
وإما إنك هتفوتى وقت الصلاة وتكسلى تقضيها حتى أو إنك تسمعى اللآذان اللى بعده وأنتِ مصلتيش أو على أحسن تقدير هتأخرى الصلاة لآخر دقيقة قبل الآذان التانى

أما اللى بيأخر الصلاة
واحدة مننا دخلت المطبخ والوقت سرقها بصت فى الساعة لقيت الظهر مثلا فاضل عليه 10 دقايق اتهيألها إن الوقت لسة بدر وعشر دقايق دول كتير وأقدر أعمل فيهم حاجات كتيرة أو حتى اعمل مهلبية للعيلة كلها !!!!!!
وبعدين !! هى اتطحنت فى المطبخ والظهر فات وهى مكسلة تصليه
ارتاح شوية بس ( ماهو أنا كنت بشتغل هو مش العمل عبادة )
وقبل العصر يادوب الظهر تلحق تصليه بسرعة ... وتصلى العصر بالمرة تنام لحد بعد المغرب .. المغرب فات ... تلحقه بسرعة مع العشاء وهكذا حياتها تأخير فى الصلاة
وقفة !! كلمتين من القلب
قال تعالى " فويل للمصلين الذين هم عن صلاتهم ساهون "
وده وعيد شديد ومرعب للى بيأخر الصلاة عن وقتها تهاونا بيها ..
لو كانت أختنا دى بتأخر الصلاة لكن جواها ضميرها بيوجعها وعاوزها تتغير وبيلح عليها ويأمرها بالخير .. هتيجى فى يوم بإذن الله وتتغير وتقول لا ... كفاية تأخير فى حياتى ..
ربنا الأول وبعدين أى حاجة تانى
أما لو كانت أختنا للأسف بتأخر اللصلاة وشايفة إنه عادى ومش هتفرق المهم إنى ألحقها وخلاص ... فى الحالة دى مش عارفة هل جواهل موجوع برضو وبتحاول تضغط عليه يسكت ولا مش بيتكلم خالص وهى موتته !!

بما إن النموذجين اللى فوق جربوا إنهم يصلوا أو داقوا طعم الصلاة حتى لو فى بعض الاوقات أكيد هيعرفوا الشعور بالذنب اللى بيحاوطهم ويخنقهم وهما مأخرين الصلاة أو مقطعين فيها ، وأكيد جربوا وهما قاعدين مع مجموعة ناس محدش فيهم بيسأل عن وقت الصلاة قد إيه هما مفتقدين إنهم يصلوا
ازاى جواهم قلبهم بيبكى عطشان عاوز يهرب من الحاجة اللى أخرته عن ربنا حتى لو مش بيخشع فى صلاته 100% ، لكن بيلاقى راحته فى الصلاة

فى جزء نسيته أقوله
من الأسباب اللى تخلينا نقطع فى الصلاة
أيام الحيض ( البيريود ) بنبقى تمام جداااا وبنصلى وأول ماناخد أجازة فيها ننسى ولما تخلص فى نساء وبنات كتير بيكسلوا يرجعوا تانى على طول يصلوا أو مايغتسلوا أو يطهروا ..
النقطة دى بالذات محتاجة منك مجاهدة عالية شوية
عشان أنتِ فى الحيض مكنتيش بتصلى ومكنتيش حاسة بالذنب لأن أنتِ مأمورة بترك الصلاة أيامها ...
ولما رجعتى تصلى حسيتى إن الصلاة تقيلة
ومش عارفة أقول حل غير الاستعانة بالله والدعاء والمجاهدة عشان تبرمجى مخك إن ده وقت أجازة من الصلاة منتظم وبعده هنرجع نصلى هنرجع للأصل
 لأن الأساس إننا بنصلى اغلب الشهر
هقولك حاجة :: مش بتحسى فى أول يوم فى البيريود إن فى حاجة نقصاكِ إنك مشتاقة للصلاة وكان نفسك تكونى بتصلى ؟!!!
يوم بعد يوم بتلاقى نفسك هتبدأى تتعودى ...

واللى عنده حل تانى يقوله نستفيد كلنا

نكمل فى المشاركة التانية بإذن الله

امل لاينقطع
يارب ,, بس انت ترضى

١١‏/٤‏/٢٠١٩ ٢،٥٩ م

#الصلاة_3

*/*/*/*/*/*/*/*/*/*/*/*/*


قبل مانشوف الحلول العملية لتأخير الصلاة وتقطيعها

مشكلة بيواجهها ستات كتير
لما تخرج وتقضى اليوم برة مثلا أو حتى عند حد
فى الحالة دى لازم تظبطى حالك وتعملى حسابك على الصلاة برة البيت
لأن غالبا لما ترجعى بيتك هتكونى خلااااص تعبتى سواء من اللف فى السوق مثلا أو من الزيارة
لو عندك مشوار ياخد ساعتين مثلا اخرجى بعد ماتصلى الفرض فى البيت .... ولو اضطريتى تفضى برة لحد ما يأذن الفرض التالى هتكونى مثلا قربتى ترجع البيت هتصلى
أمل لو كانت خروجاتك كتيرة
إما إنك تصلى وتخرجى وتظبطى معادك على الصلاة
أو انك تعدى على مسجد فيه مكان للنساء وتصلى فرضك وتكملى مشوارك
ولو انت فى جنينة (حديقة) شوفى مكان مستور عن الرجال وصلى ...
 
نيجى للنقطة الثابتة فى كل درس
وهى الخطوات العملية للتخلص من تأخير الصلاة وتقطيعها

1- الاستعانة بالله ودعاؤه اكثرى من دعاء ( رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاءِ )
ادعى باللى يجى على قلبك ، ادعى ربنا بإحساسك بذلك لله بفقرك لله بتوسلك لله

2 علمنا الرسول دعاء الاستعاذة من الكسل ( اللهمَّ إنِّي أعوذُ بك من العجزِ و الكسلِ... ) ومتنسيش تكثرةى من لاحول ولاقوة إلا بالله

3 فى معظم وقتك الغالب اظبطى عملك على الصلاة
يعنى بعمل اكلة هتاخد ساعة مبدأش فيها قبل معاد الصلاة ب10 دقايق مثلا
مكالمة طويلة مدخلش فيها قبل الصلاة عشان ممكن اوغالبا هتتحرجى تتقطعى المكالمة
طبعا قلت فى الغالب لأن فى أوقات طوارئ بتحصل فى حياتنا تستدعى التصرف الفورى

4 شجعى نفسك ومتستنيش حد
عاتبيها برفق مرة ( ينفع كدا ياجميلة نأخر الصلاة ) ومرة لازم تشدى عليها
( يلا عشان الصلاة وجبت ، وحياتك مش هتتظبط من غير الصلاة ) وكشرى فى وشها عشان تحس بالذنب
لما تصلى ذكريها بالثواب وللى أجمل وأغلى منه رضا ربنا
وازاى مخدناش وقت طويل لكن هنرجع لعملنا واحنا مرتاحين ونكمل مع بعض بإذن الله

5 اسمعى فيديوهات للمحافظة على الصلاة وعن الصلاة عموما لشيخ تكونى بتحبى أسلوبه عشات تتأثرى بالكلام .

6 أخيراً .. الدافع الداخلى هو أقوى دافع للإنجاز والتقدم .. خلى صوتك اللى جواكِ اللى بينبهك على الصلاة وعلى كل عمل خير ويحذرك من كل عمل وحش (واعظُ اللهِ في قلْبِ كُلِّ مسلِمٍ ) خليه صاحى وقوّيه ووعى تسكتيه فى يوم أو تضعفيه بأنه ميأثرش فيكِ

اسأل الله أ يثبتنا جميعا ويجعل الصلاة قرة أعيننا

الواجب
اللى بتقطع فى الصلا تبدأ تنتظم من تانى
واللى بتأخر فى الصلاة تنظم حياتها على وقت مستقطع لراحة القلب والروح
ومن انى ترجع لعملها تكمله

ياريت لو أخواتى هنا يشاركونا بعوائق وأسباب لتأخير الصلاة أو تقطيعها
وحلول عملية ممكن أى مسلم ينفذها عشان يرجع تانى يحافظ على الصلاة فى وقتها

جزاكم الله خيرا


 

امل لاينقطع
يارب ,, بس انت ترضى

١١‏/٤‏/٢٠١٩ ٢،٥٩ م

#الصلاة_4

*/*/*/*/*/*/*/*/*/*/*/*/*


صلاة الفجر
من كتر الخير اللى فيها حبيت أخلى ليها درس لوحده
 الفريضة المنسية
مع إنها من أجمل أوقات الصلاة فى الهدوء والسكينة والراحة والبركة
اسألوا الناس اللى بتصلى صلاة الفجر فى وقتها عن إحساسهم فى الوقت ده
حتى اللى مش ملتزم بصلاة الفجر يومياً
اسألوه إحساسه إيه لما صلاها فى يوم
أفتكر إن من ضمن الأسباب اللى مخلية بعض الناس تعبانة إن صلاة الفجر بتفوتها إنها داقت لذة صلاة الفجر قبل كدا ونفسها تستمر على الإحساس العجيب والرائع ده طول عمرها
اللى بتصحى تصلى الفجر أكيد بتتعب وممكن جداً تكون فى أحلى نومة زى مابنقول ولكن !!!
الراحة اللى بيحسوها على مدار اليوم تستحق التعب ده
عشان رضاك ياربى يستحق التعب ده وأكتر كتير
عشان النشاط وطيب النفس اللى بنحسه فى اليوم لما نصلى الفجر يستحق إننا نصحى للصلاة الرائعة دى

عارفة فضل السنة بس إيه
اقرئى احديث ده معايا
" ركعتا الفجرِ خيرٌ من الدنيا وما فيها "
دول ركعتين السنة
أمال ركعتين الفرض أجرهم إيييه
نشوف
صلاة الفجر بتخليكِ فى حفظ الله وعايته
قال رسول الله صلى الله عليه وسلم :" مَن صلى الصبحَ فهو في ذِمَّةِ اللهِ ، فلا يَطْلُبَنَّكُمُ اللهُ من ذِمَّتِهِ بشيءٍ ، فإنَّ من يَطْلُبْه من ذِمَّتِهِ بشيءٍ ، يُدْرِكْه ، ثم يَكُبَّه على وجهِه في نارِ جهنمَ "والحديث صححه الشيخ الألبانى
فى ذمة الله ..  يعنى فى حفظ الله ورعايته
سبحانه الله واحنا محتاجين إيه أكتر من كدا فى يومنا
والله سبحان الله
فى أحاديث بنقراها وكأننا لأول مرة بناخد بالنا منها

اسمعى أختى الحبيبة الحديث ده
قال رسول الله صلى الله عليه وعلى آله وسلم :" مَن صلى العشاءَ في جماعةٍ كأنما قام نصفَ ليلةٍ ، ومَن صلى الصبحَ في جماعةٍ فكأنما صلى الليلَ كلَّه " والحديث صححه الشيخ الألبانى
والشاهد عندنا فى الحديث !!!
إنك لو صليتى الفجر كأنك قمتى الليل كله
تخيلى كدا معايا الحديث الرائع ده
يعنى انتِ نايمة ومكتوبلك إنك قمتى الليل كله عشان صليتى الفجر فى جماعة
سبحان الله .. سبحان الله
حرام كل الخير ده يضيع

امل لاينقطع
يارب ,, بس انت ترضى

١١‏/٤‏/٢٠١٩ ٣،٠٠ م

#الصلاة_5

نكمل المشاركة الجاية

*/*/*/*/*/*/*/*/*/*/*/*/*


طيب ليه فى كتير مش بيصلوا الفجر فى وقته ،بعد ماعرفنا جزء يعتبر بسيط من فضلها وروعتها وجمالها وخيرها ،ممكن جداً يكونوا بيصلوا باقى الصلوات فى وقتها وكأن صلاة الفجر مش محسوبة ضمن الصلوات

طيب أنا عاوزة أصلى الفجر .. بس ازاااااى ؟!!!
ورقة وقلم واكتبى معايا
1 صدق الرغبة فى الاستيقاظ لصلاة الفجر
اصدق مع الله يصدقك
يعنى إيه
يعنى الصدق مش مجرد كلمة ( أنا عاوز أصلى الفجر ) لا
الصدق هو اللى هيخليكى تجاهدى عشان تظبطى المنبه على معاد الصلاة .

2 الدعاء والاستعانة بالله : ادعى ربنا بإلحاح كبير جداً باستمرار باستمرار
صدقونى الإلحاح فى الدعاء ده سحر
ادعيه إنك تصحى لصلاة الفجر فى معادها
قوليله يارب أنا عاوزة ألتزم بصلاة الفجر فى معاها
كن معايا يارب ويسرهالى بيدك القلوب يارب أيقظ قلبى
أو أى كلام تحسيه
يارب أعنى على نفسى والشيطان
يارب لاحول ولاقوة إلا بك
يارب أنا من غيرك مقدرش أرمش حتى بعينى  

3 لاتيأسى : بمعنى
اظبطى المنبه النهاردة
نمتى
اظبطيه بكرة
نمتى
اظبطيه بعده
وهكذا وهكذا
إصرارك ده هيخلى ربنا يعينك وهتصحى بإذن الله
أنا اعرف واحدة فضلت شهور تظبط المنبه وتنام كل يوم وميأستش
اللهم بارك
فى ناس تظبط المنبه يوم ومتصحاش
خلاص اليأس يدخل قلبها وتقول ربنا مش قابلنى وإلا كنت صحيت
هو ربنا غضبان عليا
وتفضل فى دوامة اليأس لحد مايسيطر عليها
؟؟؟؟
إيه ياحبيبتى
هو يأسك ده هو اللى هيقربك من ربنا
ولا إحباطك ده هيعملك حاجة
إحباطك مش هيقربك من ربنا ولاخطوة
متيأسيش ... تخيلى نفسك وانت بتصلى الفجر كل يوم بانتظام  فى وقته ... ابتسمى وقولى هيحصل بإذن الله .

4 اشحنى اقرى واسمعى عن فضل صلاة الفجر مقاطع فيديو .. صوتية ... اقرى لو مش بتحبى تسمعى
اشحنى قلبك دعاء وذكر وأمل
وخدى بالك قبل مايقل الشحن ارجعى كمليه عشان ميبقاش فارغ

5 خلى حد من البيت يصحيكى : بس يكون مبييأسش
لاييأس ( لغة عربية أهو )
خليه يتعاهد يصحيكى كل يوم

6 لما تصحى من النوم قبل ماترجعى تنامى تانى اذكرى الله على طول هتتحل عقدة من عقد الشيطان اللى عقدها على راسنا قبل ماننام
أنَّ رَسولَ اللهِ صلَّى اللهُ عليهِ وسلَّم قال: يَعقِدُ الشَّيطانُ عَلى قافيَةِ رأسِ أَحدِكُم إذا هوَ نام ثَلاثَ عُقدٍ، يَضرِبُ كلَّ عُقدةٍ مَكانَها: عليكَ ليلٌ طويلٌ فارقُدْ، فإنِ استَيقظَ فذَكَر اللهَ انحلَّت عُقدةٌ، فإن تَوضَّأ انحلَّت عُقدةٌ، فإن صلَّى انحلَّت عُقدُه كلُّها، فأَصبحَ نَشيطًا طيِّبَ النَّفسِ، وإلَّا أَصبحَ خَبيثَ النَّفسِ كَسلانَ.
الحديث رواه البخاري
وامسحى وجهك ( امسحى آثار النوم من على وشك )
كما كان يفعل الرسول صلى الله عليه وسلم

7 نامى بدرى : طالما مش وراكى حاجة تضطرك إنك تسهرى نامى بدرى
جسمك هيكون خد راحته فى النوم وتصحى بإذن الله

كدا الدرس خلص الحمد لله
شاركونى بأساليب جربتوها عشان تصحوا لصلاة الفجر أو عوائق بتخليكم متصحوش للفجر

 

امل لاينقطع
يارب ,, بس انت ترضى

١١‏/٤‏/٢٠١٩ ٣،٠٠ م



#الصلاة_6

*/*/*/*/*/*/*/*/*/*/*/*/*

السلام عليكم ورحمة الله وبركاته
اخواتى الحبيبات
وحشتونى
خلصنا الكلام عن ترك الصلاة وعن التقطيع فى الصلاة وتأخيرها ... وكمان صلاة الفجر
هنكمل جزء مهم جدااا فى الصلاة جزء هيخلى صلاتك تختلف تماما ... هتحسى براحة لما تصلى بإذن الله .. مش هتحسى الصلاة مجرد كم ركعة وتخلصيهم وأنت مش عارفة قولتى فيهم إيه ... وبعد الصلاة مش هترتاحى بالعكس هتحسى إنك مش مرتاحة وفى حاجة ناقصة

 هنبدأ كلامنا بمثال !!

تخيلى لو انتى وراكى حاجة تعمليها ( أى حاجة) أكلة ... شغل على الكمبيوتر ... أو غيره
لو انتِ بتعملي العمل ده بتركيز وإتقان ..... هل هتحسي بالوقت وإنه تقيل وتتمني بس لو يفوت ويخلص ؟بالعكس .. يمكن مش هتحسي بالوقت أصلا بيعدى
 بس لو بتعملي العمل ده عشان تخلصيه وكأنه (ماصدقتى إنه خلص) طبعا في الحالة دي هتحسي إن الشغل تقيل جداااا والوقت مش بيعدي وطويل جدا

كدا بالظبط حالك في الصلاة اكيد بتصادفك بعض الفروض بتصليها وكأنك محستيش بوقت الصلاة خالص وكان نفسك لو تطول أكتر من كدا ... بتخرجى منها مرتاحة وتتمنى لو كل الصلوات تصليها بالهدوء ده
وانا دالوقتي مش بتكلم عن الخشوع ... أنا بتكلم عن الاطمئنان .. انك تعرفى انت بتقولى إيه فى الصلاة ... وكل ركن بتعطيه حقه .. مش كل ركن وبس ... كل كلمة بتاخد حقها .. مش بتتخطف ويتاكل نصها الاطمئنان .. ركن من أركان الصلاة
والاطمئنان بيكون بقدر الذكر الواجب ... يعنى إيه ؟
يعنى لما أركع مينفعش أقوم إلا لما أقول سبحان ربى العظيم .. لحد أخرها ... مكملش باقى الجملة وأنا برفع من الركوع ... وهكذا فى باقى الأركان

تعالوا نشوف الحديث ده بيلخص المسألة .. حديث رائع وخطير فى نفس الوقت

في الصحيحين عن أبى هريرة - رضي الله عنه - أنَّ رسول الله - صلَّى الله عليه وسلَّم - دخل المسجد، فدخل رجلٌ فصلى، ثم جاء فسلَّم على رسولِ الله - صلَّى الله عليه وسلَّم - فردَّ رسولُ الله - صلَّى الله عليه وسلَّم - السلام قال: ((ارجع فصل، فإنَّك لم تصل))، فرجع الرجلُ فصلى كما كان صلى، ثم جاء إلى النبي - صلَّى الله عليه وسلَّم - فسلم عليه، فقال رسولُ الله - صلَّى الله عليه وسلَّم -: ((وعليك السلام))، ثم قال: ((ارجع فصل، فإنَّك لم تصل))، حتى فعل ذلك ثلاثَ مراتٍ، فقال الرجلُ: والذي بعثك بالحقِّ ما أحسن غير هذا فعلِّمني، قال: ((إذا قمتَ إلى الصلاة فكبر، ثم اقرأ ما تيسر معك من القرآن، ثم اركع حتى تطمئنَّ راكعًا، ثم ارفع حتى تعتدل قائمًا، ثم اسجد حتى تطمئن ساجدًا، ثم ارفع حتى تطمئن جالسًا، ثم افعل ذلك في صلاتِك كلِّها)).


 

امل لاينقطع
يارب ,, بس انت ترضى

١١‏/٤‏/٢٠١٩ ٣،٠٠ م


نكمل الدرس ....
#الصلاة_7

*/*/*/*/*/*/*/*/*/*/*/*/*


دايما بحب الخطوات العملية فى الوصول لأى هدف مش الكلام النظرى وبس
طيب إيه الخطوات العمليه اللى أعملها عشان أركز فى الصلاة واطمئن ؟؟

◘ اول حاجة خلينا نتفق مفيش حاجة من غير تعب ... اللى عاوز يوصل لهدف خاصة لو كان كبير لازم يتعب شوية وربنا سبحانه مش هيضيع تعبه ابدا بإذن الله

◘ كلمى نفسك قبل الصلاة كلمتين او فى غرفة الصلاة بتاعتك اتكلمى بصوت عالى مع نفسك قوليلها ان الوقت كدا كدا هيعدى يعنى الافضل انك تصلى وترتاحى ولا تصلى وبعدين نحسى بتأنيب ضمير وتعب جواكى انك حسيتى الصلاة راحت منك ويمكن معرفتيش أنت قولتى إيه فيها !!

◘ كبرى بالراحة يعنى فسرى الله أكبر متقوليهاش بسرعة انتى نفسك ممكن متعرفيش انتى قولتى ايه بالظبط
انا بقول لنفسى ميصحش لما اقول الله أكبر اقولها بسرعة ومن غير اهتمام !!

◘قللى سرعة قراءتك وركوعك وسجودك خليكى ابطأ من العادى فى صلاتك واقرئى كل كلمة وانتى ناطقة الكلمة كلها مش نص الكلمة يبقى طاير ومش مفسر

◘متبصيش على الركن القادم ركزى بس فى كل ركن انتى فيه وكأنه الحاجة الوحيدة اللى هتعمليها
يعنى مثلا .. وانتى بتقرئى الفاتحة متبصيش على الركوع ولا السجود ... وانتى فى الركعة الأولى متبصيش باقى كام ركعة عشان الصلاة تخلص ، خلى كل مجهودك فى اللى بتعمليه قراءة ركوع سجود
حتى ايات الفاتحة متقريهاش عشان تخلص  .... متبصيش على الاية اللى بعدها

◘ قولى الكلام فى الركن الخاص بيه .... يعنى اخر السورة القصيرة متكمليهاش وانتى فى طريقك للركوع .... اذكار الركوع متكمليهاش وانتى بترفعى من الركوع ...... اذكار السجود متكمليهاش وانتى بتجلسى بين السجدتين .... وهكذا
خلى كل ذكر بالوقت الخاص بيه ومتتحركيش للركن  اللى بعد كدا الا لما تخلصى الكلام اللى بيتقال فى الركن الحالى

◘ فى سجودك بعد التسبيح ( سبحان ربى الأعلى ) ادعى أى دعاء عاوزاه ان ربنا يجدد الإيمان فى قلبك قولى اللهم جدد الإيمان فى قلبى .. يغفرلك ... يكرمك .. يرزقك ... لو عندك حاجة اطلبى من ربنا يقضيها لك ، عشان أعرف إن التسبيح مش اخر سجودى واقوم بسرعة

◘  بين السجدتين قولى : ربِّ اغفِرْ لي، ربِّ اغفر لي
متستعجليش وتسجدى السجدة التانية بسرعة شديدة ،، أو حتى متلحقيش تفردى ظهرك من السجدة الأولي وترجعى تسجدى التانية

  ◘قبل ماتسلمى وتخرجى من الصلاة قولى الدعاء ده
أنَّ رسولَ اللهِ صلَّى اللهُ عليه وسلم دخل المسجدَ فإذا هو برجلٍ قد قضَى صلاتَه وهو يتشهَّدُ ويقولُ : اللهمَّ إني أسالكَ يا اللهَ الأحدِ الصمدِ ، الذي لم يلدْ ولم يولدْ ، ولم يكنْ له كفوًا أحدٌ ، أنْ تغفرَ لي ذنوبي ، إنك أنت الغفورُ الرحيمُ ، فقال صلَّى اللهُ عليه وسلم : قد غفرَ له ، قد غفرَ له ، قد غفرَ له
والحديث صحيح

◘ بعد ماتسلمى من الصلاة قولى أستغفر الله .. أستغفر الله .. أستغفر الله
وبس كدا ... كملى حياتك وشغلك

طبعا ثواب واجر الآخرة أكبر وأعظم من ثواب الدنيا اضعاف لكن برضو بنتشجع لما نعرف إن الصلاة بتريح مش فى الاخرة وبس .. فى الدنيا كمان الصلاة راحة والرسول صلى الله عليه وسلم كان يقول : " أرحنا بها يابلال "

كدا الدرس خلص الحمد لله
ومستنية مشاركاتكم

الواجب
طبقى الخطوات اللى فوق دى
واكتبيلى شعورك إيه بعد ماصليتى
هل اختلفت صلاتك ؟!

منة الكريم
مديرة متخصصة

١١‏/٤‏/٢٠١٩ ٦،٣٩ م
أبدعتي
جزاك الله خيرا وجعله في ميزان حسناتك

ليلي90
مراقبة اقسام الاناقة والجمال

١١‏/٤‏/٢٠١٩ ٦،٥٨ م
جزاكى الله خيراً

بيرو 71
فتكات غاليه اوي

١١‏/٤‏/٢٠١٩ ٧،٢٤ م
جزاك  الله خيرااااااااااااا
١١‏/٤‏/٢٠١٩ ٧،٢٦ م
جزاكي الله خيرا حببتى موضوع ممتاااز yes
عرض المزيد
اختر رقم الصفحة 1 2 الأخيرة >>
موضوعات مميزة

كبسة بيرو باللحمة

ساحرٌ أنـتَ

الموبيل ده صاحبته ماتت والموبيل يلزمنى

كسترد بيرو اول مرة واوووووو

ما الحكمة من خلق الله تعالى آدم عليه السلام على مراحل مع قدرته على خلقه بكلمة "كن"؟

الف مبروووووووووك لفائزات مسابقة قسم الصوراجمل صورةومظهر من مظاهر العيد

مشاركتي بمسابقة أجمل صورة ومظهر من مظاهر الاحتفال بالعيد ( محبه لله ورسول الله ) قسم الصور

مشاركتي في مسابقة أجمل مظهر من مظاهر الاحتفال بشهر رمضان قسم الصور ( محبه لله ورسول الله )

مشاركتى فى مسابقة اجمل صور لمظاهر العيد

مشاركة بيرو مسابقة قسم الصور بمناسبة عيد الفطر..اجمل صورة ومظهر من مظاهر الفرحة والاحتفال بال

مشاركتي لمسابقة أجمل صورة ومظهر لمظاهر الفرحة والاحتفال بالعيد (ليلي 90)

اجعلى صيفك ممتع ومريح مع براون من خلال 7 خطوات

مشاركتي في مسابقة أجمل صورة ومظهر لمظاهر الفرحة والإحتفال بعيد الفطر السعيد

براون وخطوات تقولي لجوزك او ابنك عليها علشان يستعد لماتشات كأس الأمم الأفريقية فى 6 خطوات

مشاركتي مسابقة قسم الصور بمناسبة عيد الفطر السعيد اجمل صورة ومظهر من مظاهر الفرحة

 مشاركتي❤ ◕‿◕ ❤ مسابقة اجمل مظهر من مظاهرالاحتفال برمضان من اجمل فتوكة ❤ ◕‿◕ ❤

نتيجة مسابقة براون الرجالي ( الف مبروك )

نتيجة مسابقة من فتكات براون وهدية براون سيلك ابيل 5 الحريمي ( الف مبروك )

نجمات الصيف ٢٠١٩ فالمعاملة الزوجية مع Narly

" شاركونــــــا في صنــــــع القـرار " .. مرشح للتثبيت

مشرفات القسم
مراقبات القسم
الفتوكات المتواجدات
الزائرات المتواجدات