انا هنا من اعدادى وكبرت ودلوقتى كبرت واشتغلت ويااريتنى ما كبرت

انتوا وحشنى اووى
انا كنت صغيييره معاااكوا هنااا وكبرت واتخرجت واشتغلت وبقيت دكتوره قد الدنيا ولسه بزعل وبتعلق
انا مشكلتى لما اشتغلت وقاابلت زميلى اللي انا مش قادره انساه وحبيته اووى ومش عارفه هو بيحبنى ولا بيستعبط واحنا الاثنين بنستعبط
بحس لما بشوفه باهتمام عنده انه يشوفنى ويعرف احوالى واللي بتكلم فيه من بعيد لبعيد
لكن بحسه هاادى اووى
بصوا هحكيلكوا هو دلوقتى انا كنت مروحه في يوم وهو عايز حاجه من شغلى قالى عاايز حد غيرك يساعدنى اتضاايقت   وبكل هدوء جبتله زميلتى اللي معايا تساعده لما روحت البيت بعتله واتس انت بتقول عاايز حد غيرك يساعدنى ليه؟؟؟ ايه وجهة نظرك ؟؟
كلمنى باسلوب رااقى وقالى لا انا لقيتك مااشيه محبتش اعطلك وانا اتحرجت من نفسى انى فهمته غلط   وقام قالى ومش عايزك تفهمى ان شايفهم احسن منك مثلا لا الموضوع مش كده خاالص قلتله خلاص فهمتك حصل خير قالى اهم حاجه انك فهمتينى وضحك كده   وعلشان متكونيش متضاايقه او حاجه
من ساعتها وانا حبيته اكتر لقتنى اتشدتله اكتر بس مش عاارفه اتقل .. عاايزه اعرف اهتمامته وشخصيته وبعتله مسدج عاايزه استشيره ف حاجه في شغله لقيته رد عليا وفهمنى
ف الشغل بقى بلاقى من ناحيته اهتمام من بعيد ... ولو ف بنت زميلتنا كلمته قداامى مابيطولش اووى ف الكلام والكلام على قد السؤال
انا مش عاايزه اجرب طريقة الغيره واشوف هايغير ولا لأ
لانى مش بحب اتكلم مع شباب وبعدين يفتكر انى بتكلم
بس لما بلاقيه مثلا معدى من جنبى بيحااول يعمل اى حاجه علشان مايخبطنيش عاايز يجيب حاجه من جمبى بلاقيه بيقولى وسعى وبتاع .. اجى ابص ألاقى ان هو بعيد عنى وعن الحاجه دى ده بيديلى اماان ليه اكتر
انى مش بلاقيه بيكلمنى كتتير على الواتس   بس   وانا الل ممكن ابعتله   استشيره هو ملوش ف جو الفيس والواتس ده
مش عاارفه ده حب !!! ولا كل ده انا متهيالى !!

رد 708 1

amals
سوبر فتكات

٣‏/٤‏/٢٠١٩ ٢،٠٣ م

موضوعك غير مفهوم ... ازاى بتقولى انك دكتورة و مش عارفة تكتبى و موضوعك مليان غلطات املائية...

رد قراءة نسخ المشاركة 0

التوقيع

ايمان البنداري
مراقبة الأقسام العامة

٣‏/٤‏/٢٠١٩ ٩،٢٨ م

اللي حكيتيه مش كفاية اننا نحكم عليه عنده اهتمام بيكي ولا لأ وفيه حب ولا لأ احتمال دي تكون طريقته مع الناس كلها عموما ونقطة انه مش بيعامل زميلة تانية بنفس المعاملة ده برضو مش دليل كفاية اني احكم عليه انه مهتم بيك ..

وبالنسبة ليكي بلاش تركزي معاه اوي ولا تعلقي نفسك بيه خليه هو الاول اللي يبدأ لو عايز يتقدم لك وقتها هيجي يتقدم لاهلك و يخطبك

كدة افضل بكتيير ما تعلقي نفسك وتلاقي الموضوع بالنسبة له عادي ومش فارقة ف تتعبي

رد قراءة نسخ المشاركة 0

التوقيع

Miss Reemo
فتكات غالية قوي

٧‏/٤‏/٢٠١٩ ٩،٤٧ ص

بلاش تعلقي نفسك بيه ع الفاضي لان طريقته معاكي عاديه جدا زي اي حد مع اي بنت بلاش تعيشي نفسك ف اوهام عشان متتعبيش

رد قراءة نسخ المشاركة 0

التوقيع

mrosa30
فتكات حبوبة

٨‏/٤‏/٢٠١٩ ٣،٢٢ ص

مش عارفة اقولك ايه أنا حصل معايا موقف زى كدة بس طلعت أوهام وهو خطب غيرى وأنا خطبت غيره وأحسن منه كمان انا اللى فهمته عاوزة تعرفى بيحبك انتى فى باله ولا لا انتى ممكن تصارحيه عادى يعنى قليله انا حسة فى اهتمامك بيا مش مفهوم انا بنسبالك ايه لو خايفة تتحرجى بلاش من كدة قولى مثلا اتقدملى عريس وشوفى رد فعله وحسب رده هتعرفى لو اتضايق وملامحه قلب احمر بعدها قليله قعدت معاه مرتحتش بس بعدها يومين مش علطول تقليله كدة تيجى بعد كدة تصارحيه بحبه ليكى ممكن خايف يقولك وتصديه او تهتمى بيه ببعض تصرفات هيفهم . عادى لو عملتى كدة ما انا خطيبى انا اللى بعتله صداقة مش هو

رد قراءة نسخ المشاركة 0

mrosa30
فتكات حبوبة

٨‏/٤‏/٢٠١٩ ٣،٣٠ ص

ما انا عملت كدة مع خطيبى وبعتله صداقة فى جروب زواج مستنتش الست هيا اللى تكلمه عشان محرجش نفسى قدامها لو معجبتهوش انا نصيحتى ليكى كلميه قليله اهتمامك غير معروف انا بنسبالك ايه عشان لو كان نصيبك تكونيش ضيعتيه من ايدك ما انتى قلتيله طلبت ليه صاحبتك تساعدك قالك محبتش أعطلك لو كان قالك انتو اتتنبن واحد كان معتبرك عادى زى اى واحدة ممكن يكون خايف يصارحك هو اكيد شكله غبى عسان مفهمش بسؤالك ده بس احسن تصارحيه وطمنينا بقا عملتى ايه

رد قراءة نسخ المشاركة 0

بسمه جديده
فتكات رائعة

٨‏/٤‏/٢٠١٩ ١١،٥٥ ص

انا شايفه ان ده مش اهتمام عادى شكله والله اعلم انه مؤدب وعنده ذوق مش لازم يكون اهتمام وحب وبعدين انتى الا عايزه يكون حب واهتمام لانك انتى الا بتبعتيله مسجات مش هو يعنى انتى الا بتتلككى علشان تكلميه وربنا يصلحلك الحال

رد قراءة نسخ المشاركة 0

التوقيع