هو انتي مبتحبيش نفسك ليه هااا ؟؟

هو انتي مبتحبيش نفسك ليه هااا ؟؟

قاعدة مستنية الراجل يسعدك ليه ويكحت النكد اللي على قلبك ؟؟

قاعدة موركيش حاجة غير ازاى اسعده وانتى مفكرتيش تسعدي نفسك وتحبيها ..

جوزك مشغول علطول وعلطول حاسة بملل وفراغ ...
يبقى اشغلي نفسك يا حبيبتي ف الف حاجة ..

مطنشك .. طنشي الدنيا وعيشي وروقي نفسك ..

قبل ما تتزيني ليه وتستنى رد فعله اللي غالبا بيكون صادم .. اتزيني لنفسك .. البسي حلو لنفسك ..حطى ميكب لنفسك قبل اي حد ..

بينتقد جسمك وشكلك وعملتي كل حاجة ولسة زى ما هو .. سبيه با قلبي يهاتي مع نفسه ويخرج عقده واستمتعي انتى بحياتك وكبري ..

بينكم مشاكل كتير حاولتي تحلي بما فيه الكفاية وفشلتي .. يبقى روقي اعصابك واشربي لمون وادعي ربنا يهديه وانتى رايقة وفايقة وضحكتك من هنا لهناك ..

بيهملك .. خلي ليكى الف اهتمام غيره .. ولادك بيتك .. فيسبوكك .. اهلك ..اخواتك صحابك .. وصفاتك ..مواهبك ..شغلك ..

حبي نفسك ..
واسعديها ..
هتلاقي الف حاجة فيها غيره ..

الحياة مش راجل وربنا ...
بقول دة بعد خبرة ..
ولو راجل .. فمش نوعية الرجالة دول ..
اللي بيكسروا البنت وبيدبلوها ..

اتعلمى تقوي نفسك بنفسك ..
وضحكتك وروحك الحلوة تبقى ديما سبقاك ..
حياتك هتتغير ..انتى هتتغيري ...وساعتها بس ممكن حياتك مع جوزك تتغير
غيروا مفاهيمكم ..
اخرجوا برة اطار المشاكل والحوارات والضغط العصبي وازاى وليه ..
مفتاح كل حاجة ف ايدك ..
والمفتاح هو انتي ..
استعيني بربنا واحسنى نواياك هتلاقي كل حاجة بسيطة وسهلة والله .

وبس كدهوت ..

منقول