ازاي اتاكد انه مش بيلعب بيا

فضفضة,منتدى,علاقة,صداقة,زمالة,كلية,علاقات,اجتماعية

بصوا انا في اخر سنة في الكلية اتعرفت من سنة علي زميل ليا معايا في نفس الدفعة .. كان سبب معرفتي بيه انه بيساعدني في مذاكرة مواد الكلية .. بس هو قرب مني عشان معجب بيا قعدنا مده كده كان كل شوية يكلمني و الكلام خرج عن محتوى الدراسة بقينا زي الاصحاب و كده انا مكنتش فاكرة انه مقرب مني عشان معجب بيا انا كنت فاكرة اننا صحاب عادي في الكلية .. المهم انه قالي انه عايز يرتبط و كده ف انا رفضت و قولتله اني مستعدة لحاجة زي دي و لو حد عايزني يجي يتقدملي و بعدت عنه .. جيه بعدها فضل متابعني في كل حاجة بعملها و السوشيال ميديا مراقبني عليها برضو و بعتلي ناس صحابي يكلموني اني اديله فرصة .. ف كلمته و قولتله ان ارتباط لاء .. قالي انه مش مستعد انه يجي يتقدم لانه بيدرس و معندوش شقة و لسه قدامه جيش و مواله طويل يعني .. ف انا قولت لماما عليه قالتلي انه لو عايزيني هيجي يتقدم ان شاءالله بدبلة و نبقي نستنى عليه (انا مش مع ماما في النقطة دي و قولتلها انه الدبلة مفيش اسهل منها و ممكن بعدها يمشي في اي وقت ) .. المهم يعني رجعت كلمته و حاولت افهم هو ناوي يعمل ايه في حياته ف قالي انه يخلص كلية و يقدم في الجيش ظابط متخصص ودول علي حسب كلامه مرتابتهم كويسه و بتزيد مع الوقت و انه اول ما يعمل كده هيجي يتقدم عشان يحس انه مش ممكن يترفض و يبقي واثق في نفسه .. بالنسبة ل معاملته هو كويس جدا بيعملي اللي انا عايزاه و بياخد رأيي في كل حاجة و بيحترمني و بيحبني و مبيسمعنيش كلمة تضايقني ...
الفكرة بقي هنا ,, انه مليان شوية و حوار الجيش ده محتاج فورمة او علي الاقل جسم مظبوط ف ايام ما كلمته قالي انه هيبتدي يخس عشان حوار الجيش اللي عايز يكمل فيه ... لحد دلوقتي مبدأش يخس و احنا خلاص يعني فاضلنا ترم و نتخرج و هو لسه محلك سر .. اقوله ابتدي و جيب اكل دايت عندك و غيره .. يبتدي يربط الدايت ب اي حاجة بتحصله << اصل كان في مشاكل ف بوظت .. اصلي كنت مضايق ف بوظت اصل اصل اصل .. و مخسش كيلو لحد دلوقتي ف انا حاساه بيهرج و مش واخد الموضوع جد و في نفس الوقت انا عارفة ان الخسسان ده صعب و محتاج ارادة قوية بس مش فاهمه ليه هو واخد الموضوع كأنه بيخسس ترفيهي كده ده المفترض لهدف و ل كلمة و وعد وعدهولي .. ف انا من ناحية عايزة الشخص ده بموصفاته دي هو اللي يكمل حياته معايا و في نفس الوقت مش واثقة انه اصلا هيجيلي و انه بيتسلى بيا لحد ما نخلص جامعة ... انا اخر حاجة وصلتها معاه اننا زمايل و بس و انا مع نفسي شيلته من دماغي و لما بيتقدملي عرسان بقعد و معاهم و بالي رايق و فاضي و مش حاطاه في حساباتي .. بس انا برضو شايفة واحد كويس و عيبه الوحيد حوار انه يبقي جاهز ده ف مش عارفة اعمل ايه ؟؟

رد 717 1

. رومانسيه بعطور فرنسيه .
مفسرة الاحلام

٨‏/١٢‏/٢٠١٨ ٢،٣٤ ص

هو فعلا مواله طوويل وبعدين موضوع ظابط متخصص دى مش بالساهل يعنى ممكن اه وممكن لاء
لو اتقدم لك حد اقعدى معاه وشوفى لو حد مناسب وافقى وسيبك من ده
واصلا كلامك معاه بدون رابط حرررام مفيش حاجه اسمها صحاب او زمايل

رد قراءة نسخ المشاركة 2 عرض التعليقات

التوقيع

oudi1
فتكات حبوبة

٨‏/١٢‏/٢٠١٨ ١١،١٥ ص

انا اعرف واحده كانت صحبتى ف الكليه ونفس حوارك كده..بس للاسف هيا اتعلقت بيه جدا ٤ سنين كليه و ٢ بعد الكليه وهو لسه مش جاهز يتقدم وفي الاخر متقدمش...فضلت تحكيلي عنو ٦ سنين. قولتلها انا زهقت لو كلمتيني عنو تانى حقطعك لان كدا حرام اصلا وانا زهقت فعلا..
فضلت ياعيني متعلقه بيه وهو راح لحالو وتعقد تقولي مش حقدر اتجوز خلاص انا بحب دا حتي لو هو مش بيحبني انا اتعلقت بيه ...للاسف قاطعتها فعلا ومرت السنين ومش عارفه عنها حاجه للاسف..بس كل اللي اقدر اقولهولك ..متسمحيش للشيطان يلعب بيكي زي صحبتي دي...هما الشباب للاسف انانيين..لو لقي نفسو اعجب ببنت وهو حتي مش جاهز يتقدملها ولا بعد ميييت سنه..لازم يعد يشغلها ويعلقها بيه عشان حتي لو مجوزهاش متتجوزش غيرو..انا راي تعقدي مع الخطاب وتنقي وتتجوزي احسن

رد قراءة نسخ المشاركة 1 عرض التعليقات

ايمان البنداري
مراقبة الأقسام العامة

٨‏/١٢‏/٢٠١٨ ٦،٠٩ م

جواب سؤالك باختصار

ابعدي عنه لحد ما يخلص اللي وراه الاول وبعدها ولو عايزك وانتي مكنتيش مرتبطة وقتها لحد تاني يتفضل غير كدة لأ
ولو حاول يقرب منك باي اتصال قوليلوا اهلي انت عارف مكانهم فين ممكن تقابلهم في اي وقت وتتعرف عليهم غير كدة مش هسمح

رد فعله بعدها هيبان اذا كان نيته خير وعايز يكمل معاك ولا مش ناوي يكمل وبيتسلى

رد قراءة نسخ المشاركة 1 عرض التعليقات

التوقيع

نسكافيه شقاوة
فتكات متميزة

٩‏/١٢‏/٢٠١٨ ١٢،٥٦ م

انا مش شايفة اي مميزات فيه اي حد ممكن يبقى طيب وحنين ويحبك طالما نش جاهز سيلك منه

رد قراءة نسخ المشاركة 1 عرض التعليقات

التوقيع

lola.zaki
فتكات نشيطة

١١‏/١٢‏/٢٠١٨ ٧،٣٥ ص

هانت
فاضل ترم واحد وتتخرجوا والمية تكدب الغطاس
بلاش تتعلقى بيه جامد واعتبريه مجرد تجربة ممكن تنجح او تفشل
وانا شايفة انه مش مناسب ليكى ووجهة نظرى انكم قد بعض فى السن وانا بفضل ان الفرق يمون 5 سنين على الاقل

رد قراءة نسخ المشاركة 0

التوقيع

سندريلا بيتي
فتكات هايلة

١١‏/١٢‏/٢٠١٨ ١١،٤٥ ص

استني لحد نهايه التيرم فعلا والمايه تكدب الغطاس زي مقالتلك الفتوكه
ولو خير ليكي ربنا يوفقك وييسرلك الحال
لو مجاش شوفي حياتك ومتوقفيهاش ع حد الحياه مبتقفش علي راجل صدقيني وربنا يكتبلك اللي فيه خير ليكي

رد قراءة نسخ المشاركة 0

التوقيع