بنات عندى مشكله مش لاقيالها حل ... العريس المغترب

فضفضة,زواج,عريس,خطوبة,مغترب,منتدى,فتكات,افكار

ازيكم يا فاتوكااااااااااات

عندى مشكله محتاجه نصايحكم ضرورى ومش عارفه انا صح ولا غلط
مشكله العريس المغترب

دلوقتى لما بيتقدملى عريس عايش بره و شغله بره وحياته كلها بره مصر
انا برفض حتى لو كان كويس
برفض لانى مش هعرفه ف فتره الخطوبه هو حد غريب عنى لازم ف فتره الخطوبه يكون ف تعامل بنا مباشر لما بيجيلى البيت نعرف بعض اكتر خوفى انه غريب عنى بيروح
مش هعرف ادرس شخصيته كويس انسان ايه صفاته وقت عصبيته بيشتم بيمد ايده بيتصرف ازاى
هيحصل نتيجه الاختلاط والكلام اللى بنا مشاكل اكيد فتره الخطوبه اعرف رد فعله ايه
دا غير ان حتى لو اهله بيشكرو فيه ف دا لانهم اهله محدش بيقول ع ابنه وحش
بس هنبقى محتاجين نسأل عليه ف شغله
نتأكد من وظيفته مش يمكن يقول انا بشتغل ف المكان الفلانى ويكون بيضحك علينا !!
دلوقتى هو عايش بره .. هنسأل عليه ازاى هنعرفه ونشوفه قدامنا اززاااى

واحد مطلوب منى اشوفه ساعه ما يتقدملى ف خلال شهر هينزل فيه من قاعدتين لو وافقت هنعمل شبكه ف هيرجع يسافر تانى مش هينزل غير بعد سنه ع كتب كتاب و فرح !!!

طبعا انا ف خلال السنه دى هنقضيها تليفونات و كلام نت و شات وكل دا اللى هو اصلا كله بيضحك ع كله من ورا شاشه محدش عارف مين بيضحك ع مين ومين صادق ومين كداب !!

انا حاسه انى صح ف تفكيرى دا
و انى من حقى اعرف الشخص اللى هتجوزه دا ايه طباعه مش شخص اشوفه شهر و بعد سنه اتجوزه وانا معرفتوش لمجرد ان مستواه بره كويس و ان ظروف البلد وحشه
طيب انا اضمن منين انه مش صايع بره خاصا لو دوله اجنبيه
عيلتى كلها كل ما حد بيتقدملى ويكون مغترب
بقول نفس الكلام ليهم و كل مره بسمع نفس الكلام منهم

يا ترا انا صح ولا غلط و غلط ليه و صح ليه ؟؟؟؟

شكرا

رد 714 1

ايمان البنداري
مراقبة الأقسام العامة

٢‏/١٢‏/٢٠١٨ ٧،٣٥ م

انتي صح من حقك تعرفيه كويس
سواء متغرب او لآ فلازم تلاقي فرصة كافية تعرفي اخلاقه وطباعه كويس
في ادامك فرصة الاجازة اللي بينزل فيها استغليها انك تعرفيه كويس
و لو كافية انك تعرفيه كويس فيها خير
لو حسيتي انك مش هتقدري تعرفيه كويس لما يجيلك بلاش
اتاكدي الاول من كل حاجة عايزة تعرفيها
وبالنسبة لاهله اكيد مش هيقولوا عليه وحش زي ما قلتي
بس لو سألتي في المنطقة اللي عايش فيها اهله اكيد الناس هيدلوكي على الحقيقة ومش هيجاملوا
اهله سيرتهم ايه اخلاقهم , طباعهم , كل ده هتعرفيه من جيرانهم ولناس اللي تعرفهم في الشارع

لو عندك مبدأ ان الغربة لأ فبلاش

رد قراءة نسخ المشاركة 1 عرض التعليقات

التوقيع

om lalo
فتكات متميزة

٤‏/١٢‏/٢٠١٨ ٢،٢٠ م

انتي صح بس مش اوي هههههه
انتي صح عشان فعلا الواحدة بتبقي محتاجة تطمن للانسان اللي قدامها وان اختيارها كويس وكدة ومش صح اوي لان ده مش بيحصل ولا في اتنين بيعرفوا بعض الا لما يتقفل عليهم باب حتي لو قاعد ليل نهار عندكم ممكن متقدريش تتعرفي عليه في فترة الخطوبة
فممكن تكتشفي انسان وتعرفيه كويس من ورا شاشة وممكن متقدريش تكتشفي انسان حتي لو بتشوفيه يوميا
يعني اكيد لاحظتي جوازات ناجحة ومفيش تعارف مباشر بينهم قبلها وجوازات فاشلة وكانزوا بيحبوا بعض ويتهيالهم انهم عرفوا بعض كويس

رد قراءة نسخ المشاركة 1 عرض التعليقات