الدهب ولا الفلوس

اختيار,فلوس,دهب,دخل,مادي,فضفضة,تجارب,فتكات,منتدى

يا فتوكات عايزة رأيكم انا كنت بشتغل حوالى 6 سنين وبعد كدة اتجوزت وحملت على طول وقعدت فى البيت علشان ابنى وكل اللى حوشته على مدار سنين شغلى جهزت بيه نفسى لان اهلى مساعدونيش. وطبعا انتوا عارفين ظروف البلد وجوزى هو اللى شايل المصاريف كلها ومرتبه يادوب بيغطى المصاريف مش بنحوش منه حاجة ومفيش اى فرصة للرفاهية نسافر مصيف او كدة وانا كمان مش باخد مصروف لكن طلباتى الاساسية كلها بيجيبهالى .
انا دلوقتى عندى دهب بتاعى تمنته طلع بحوالى 30 الف فكنت بفكر ابيعه واحطه فى البنك شهادات واخد الفوايد استفيد بيها ويبقى معايا فلوس فى ايدى واقدر اشترى اللى نفسى فيه هل دى فكرة كويسة ولا اخلى الدهب مبيعهوش علشان تمنه بيزيد. بس انا مش هقدر اشتغل علشان ابنى وفى نفس الوقت محتاجة يبقى فى ايدى فلوس فكروا معايا كدة ممكن اعمل ايه.

رد 573 1

واحده واحده
فتكات هايلة

٢٣‏/١١‏/٢٠١٨ ٥،١٣ م

الفوايد يا حبيبتي حرام

رد قراءة نسخ المشاركة 0

ايمان البنداري
مراقبة الأقسام العامة

٢٣‏/١١‏/٢٠١٨ ٨،١٥ م

هو الذهب بيزيد فعلا كل يوم واكيد انت محتاجة عائد مادي اقولك فكرة
بلاش تبيعيه كله حاولي تبيعي جزء منه و تعملي شهادة ب 5000 او 10000 ولما تحتاجي لفلوس اقبضي العائد الشهري بتاعها لو مش محتاجة لعائد بتاعها دلوقت سيبيه يكبرها

رد قراءة نسخ المشاركة 0 عرض التعليقات

التوقيع