مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

مقارنات و تقييمات

مقارنات بين السلع والماركات المختلفة وتقييمات لها بواسطة العضوات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

اناشيد و اغاني اطفال

شاركي صاحباتك في الاناشيد والاغاني اللي بتحبيها

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

صحة طفلك مع نستله الأساسي (سنة - 10 سنوات)

صحة طفلك مع نستله الأساسي

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

رد 0 0
0
مراقبة الاقسام الاسلامية والزهرات
بتضربى إبنك ليه؟ .. تعبت ❕ .. طيب إزاى أبطل أضربه؟ *وعجلت اليگ ربے لترضے*

١‏/١‏/٢٠١٩
قضايا مجتمعية

السلام عليكم ورحمة الله وبركاته
بسم الله الرحمن الرحيم


بتضربى إبنك ليه؟ .. تعبت❕ .. طيب إزاى أبطل أضربه؟



ازاي تسمحي لنفسك تستقوي على كائن ضعيف وانتي المفروض تكوني الحما والأمان ليه ؟ 
بطلي تقولي باربيه 
ضرب ايه ده اللي بيربي ان شاء الله 
يعني حضرتك المفروض لما تيجي تسأليني عن حاجه اضربك عشان تفهمي مثلا 
واقولك اصلك مش هتفهمي غير بالضرب !!!!!!!!!!!
يعني ايه تمدي ايدك على طفل وتلطشيه بالقلم ؟ 
يعني ايه تلسوعيه على ايده والا رجله ؟
ويعني ايه تلطشي فيه وتقولي بعلمه وبربيه ؟ 
اقولك حاجه واحطلك الصراحه فوشك 
انتي أم فاشله وبتداري فشلك بضرب الطفل 
يالا اشتمي فيا بقا وطلعي الكبت اللي جواكي 
ايوه هاقولهالك تاني 
انتي فاشله فاشله فاشله 



ام مش عارفه تتفاهم مع كائن ضعيف مش عارف حاجه في الدنيا ومحتاج يعرف منك 
ام مش عارفه تهدي نفسها وتسيطر على اعصابها وتاخد طفلها في حضنها تطمنه وتقوله انا جنبك بدل ما تمد ايدها عليه وتطلع عجزها وفشلها عليه 
وانتي بتضربيه كده بصي في عينه البريئه الجميله الرقيقه الملاك دي 
بصي لكائن ضعيف وصغنون المفروض انتي أمانه وحنانه وكل حاجه ليه في الدنيا 
وفجأه بتتحولي لوحش كاسر يضرب ويصوت ويزعق :( 



ايه بقا 
يروح فين الطفل ده يلاقي أمان لو مش هيلاقيه في حضنك 
يا شيخه بلاها خلفه وبلاها عيال مدام جايبين عيال تطلعو عقدكم عليهم 
كل ضربه ضربتيهاله هتسيب اثر جوه نفسه وهيكبر بيه 
وهيطلع انسان معقد ومليان كلاكيع 
وترجعي تشتكي في الآخر ده مغلبني ده مبيسمعش الكلام ده ابن عاق 
محدش يتكلم عن عقوق الابناء غير لما يشوف الأم والأب دول كانو عاقين بولادهم الأول ولا لأ 
قبل ما هو يتحاسب على عقوقه انتي هتتحاسبي على عقوقك 
اضربيه روحي طلعي غلك فيه 
وتعالي عيطي وقولي بيضرب اصحابه في المدرسه 



امال يعني هيبوسهم !!!
ماهو لو كان لقي اللي تبوسه كان تفهمه كان حب اصحابه :( 
اضربيه وتعالي قولي بيسرق 
اضربيه وتعالي قولي بيزعق ويخبط دماغه فحيط 
اضربيه وطلعي فشلك وكبتك عليه 
حرام عليكو ارحموهم 
ترضوا حد يضربكو ويمد ايده عليكم ؟؟؟؟؟؟؟؟؟؟؟؟
طب خلي جوزك يفكر يضربك كده والا يمد ايده عليكي 
وشوفي هتعملي فيه ايه 



ان ما ندمتيه على اليوم اللي اتولد فيه ابقا مبفهمش حاجه 
واللي مكسورة وجوزها بيضربها ومش قادره تتكلم بصي جواكي شوفي مجروحه منه ازاي وحاسه بإهانه اد ايه ؟ 
اشمعنا بقا بتضربي ابنك وعاوزاه يسكت !!!!!!!
الراجل اللي بيضرب مراته في نظرك مش راجل اصلا 
والأم اللي بتضرب ابنها دي مش أم برضه أصلا
حرام بقا دول ضعفا وأبرياء 
مش قادرين تاخدوهم في حضنكم  بتخلفوهم ليه 
ذنبهم ايه في ضغوطكم وتعبكم ؟؟؟ ذنبهم ايه ؟ 
روحوا اتأسفوا لعيالكو 
واطلبو منهم يسامحوكو 
واوعدوهم متمدوش ايدكم عليهم 
يمكن تقدرو تمسحوا الجريمه اللي ارتكبتوها في حقهم :( 




#دي_مش_امومة
#ماما_بقت_وحش_مش_أم_أبدا
#بتخلفوهم_ليه ؟​






# وجعك الكلام ده اوي ؟ #
معلش خدي الحل بقى



بعد ما مسكنا المشرط وفتحنا الجرح واتكلمنا عن الضرب 
نمسك بقا الأدويه ونداوي الجرح الي اتفتح ده 
 عارفه ان في أمهات كتير زعلت عشان لهجة الكلام كانت حادة 
بس معلش اوقات لازم نستخدم المشرط ونفتح للمريض عشان يفوق وياخد باله
ان في مرض ولو ساب المرض ده هيبقا كارثة وهيضيع حياته 


broken heart

ازاي انا كأم اتمالك اعصابي لما طفلي يجنني ؟ 
ازاي امسك نفسي وما امدش ايدي عليه والهفه قلم ابرد النار اللي جوايا ؟



ازاي ما الزقوش في الحيطه كده واعلمه ازاي اقول الكلمة تبقا هي الكلمه ويسمع الكلام ؟ 
مش دي الأسئلة اللي أغلب الأمهات عاوزينلها اجابه ؟ 
ممكن اطلب منكم تركزوا في الأسئلة دي تاني كده 
اقروهم تاني معلش 



ازاي انا كأم اتمالك اعصابي لما طفلي يجنني ؟ 
ازاي امسك نفسي وما امدش ايدي عليه والهفه قلم ابرد النار اللي جوايا ؟
ازاي ما الزقوش في الحيطه كده واعلمه ازاي اقول الكلمة تبقا هي الكلمه ويسمع الكلام ؟ 
معلش استحمليني في الكلمتين الجايين دول :D 
متخيله انتي بتطلبي من الطفل ايه ؟
بتطلبي منه يكون زي الآله وانتي ماسكة الريموت بتاعه وبتوجهيه 



بحجة ان انتي عارفه مصلحته وعاوزاله افضل حاجه ..صح ؟ 
اذا كان انتي مش عارفه مصلحة نفسك اصلا 
اذا كان انتي مش قادره تتفاهمي معاه وتفهمي وجهة نظره
اذا كان مش عارفه تحلي الشفره بتاعته وصعبه عليكي 
يبقا هتعرفي منين الأفضل ليه هو ؟ 
ومين قالك انه مطلوب منك تعرفي الأفضل ليه وتختاري بداله !!
هو مش انسان 
له اختياراته 



اه صغير بس بيتعلم ازاي يكبر من الخبرات والتجارب اللي بيشوفها 
طب لما يشوف أم كل حاجه تتعصب عليها وتزعق وتمد ايدها وتشتم 
بالله عليكي يا مؤمنه هياخد خبرات ايه ؟ 
انه يبقا ملوش اختيار ؟
انه يطلع عصبي ومبيطيقش كلمة لحد ؟ 
انه لو حد مسمعش كلامه يضربه ؟ 
انه ميعرفش يفكر وانتي اللي تفكريله ؟ 
هو ده ابنك حبيبك اللي انتي عاوزاه ؟
مش ممكن تكوني عاوزه كده مش ممكن 
انا عارفه انك عاوزاه يكون احسن واحد في الدنيا 
ويعيش سعيد ومرتاح 
ومفيهوش عقد ومش مكلكع 



طب ازااااااااااااااااااااي 
وانتي انسانه كبيره بكل سنوات عمرك دي مش قادره تسيطري على اعصابك :( 
طب ازاي وانتي بتهينيه 
والله له كرامه وبيتجرح وبيتهان زينا 
وعنيه البريئه دي بتتكسر اوي 
ياربي ازاي تقدري تتحملي تشوفي العيون دي مكسوره وحزينه وانتي السبب 



ازاي تكسري ابنك وتجرحيه 
ازاي يجيلك قلب 
ترضي حد يكسرك كده 
ترضي حد يهينك 
تخيلي انك بضربك ليه هو بيفهم انك مش بتحبيه 
متخيله هو لما يحس انك مش بتحبيه هيروح فين ؟ 
اذا كان انتي الملجأ والأمان ؟ 



هيتحامى فمين 
هيروح يشتكيكي لمين وانتي كل حاجه في حياته 
طب لو جوزك زعلك والا شتمك والا حتى ضربك هتروحي تشتكيه لأهله
ولا اهلك والا هتشتمية والا هتخلعيه والا والا والا........
طب ياعيني الضعيف ده مش قادر يعمل حاجه 
تقومي تستقوي عليه ؟ 
بحجة انك بتربيه ؟
اسمحيلي اقولك دي مش تربية 
دي ضغوط وقلة حيلة بتطلعيها على الطفل 
انتي مش قادره تتفاهمي معاه 
ومش لاقيه طريقة تقنعيه بيها وتتواصلو سوا 
فإيدك هوب بتترفع وتخلص الموقف
وتديله قلم 



يكسره
يجرحه
يألمه
يتكتم خالص 
او 
يتقلب عليكي 
زن 
عياط 
عند 
ضرب 

خدي بقا تصرفات سيئه من هنا
للسنه الجايه 



وفي الآخر 
انتي السبب للأسف :( 
اقعدي بقا مع نفسك كده واعترفي بغلطك 
واستغفري 
وروحي خدي طفلك في حضنك واعتذريله 
اه والله اعتذريله 



وبصي فعينه وقوليله انا اسفه 
انا عملت غلط وضربتك 
ومش هاعمل كده تاني 
ممكن تسامحني ؟ 
بس بشرررررررررررررط 
اوعي تفكري تخلفي وعدك معاه والا مش هيثق فيكي تاني 
والله العظيم هيفهمك وهيحسك 
والله العظيم هتداوي جرح فقلبه منك 
ده حقه مش بتتكرمي عليه 
لأنك لو أذيتي حد لازم تعتذريله 
وهو انسان من حقه لما تغلطي تعتذريله 
ولو ضربك سيبيه يفرغ الشحنه اللي جواه 



وبعدها هيهدى 
حاولي تصاحبيه 
خديه اقرب صاحب ليكي 
الأمومه مش سهلة 
دي مرهقه ومتعبه جداااااااااا
لكن ثواب التربية السليمة وحفظ الامانه عظيم اوي 
وانك تشوفي ابنك انسان سوي وسعيد ومتفاهم معاكي ده اجمل شيء ممكن يحصلك في حياتك 
بالله عليكي 
اوعي تمدي ايدك عليه تاني :) 




#متضربيهوش 
#مش_عيب_تقولي_آسفه
#كلنا_بنغلط_وبنتعذر
#هيتعلم_منك_ثقافة_الاعتذار_بالفعل




استودعكم الله الذى لا تضيع ودائعه اخواتى وحبيباتى فى الله
والسلام عليكم ورحمة الله وبركاته

crying




 
رد 434 3
19

منة الكريم
مديرة متخصصة

١٦‏/١١‏/٢٠١٨ ٨،٠٥ ص
احسنت بارك الله فيك

ليلي90
فتكات غالية قوي

١٦‏/١١‏/٢٠١٨ ١٠،١٠ ص
موضوع مهم وبارك الله فيكي

محبه لله ورسول الله
مراقبة قسم تفسير الاحلام

١٦‏/١١‏/٢٠١٨ ١٢،٠٠ م
رائع
جزاك الله خيرا حبيبتي 

Gogyrosy
فتكات جديدة

١٦‏/١١‏/٢٠١٨ ٨،٢٢ م
موضوع مهم

Gogyrosy
فتكات جديدة

١٦‏/١١‏/٢٠١٨ ٨،٢٣ م
جزاكي جزاك كل خير

nesma atiaa
فتكات رائعة

١٦‏/١١‏/٢٠١٨ ٨،٥٤ م
آه والله سعات الواحد بتعدي عليه لحظات بيبقي فيهافاشل ومتخلف مع الولاد مش حاقولك كلنا ملايكه بس كنت بستسهل القفا والشلوط أما دلوقتي أنا إتغيرت خالص..بقيت أحدف  بالشبشب ودا الحل الأمثل للأم المصريه..هههههه لا والله الحمدلله بقالي سنتين بشتغل علي نفسي وباقيت أصاحبهم وهما بقوا بيخافو علي زعلي الأول كانوا بيخافو مني ودا كان بيوترني لان المسافه كانت بتبعد بينا وكنت بعيط عشانهم و ومكنتش عارفه اعمل ايه لحد ما ربنا من عليا وأقدرت أنزل لصلاة التراويح في شهر رمضان وبقيت آخدهم معايا وبقو يحبو الصلاه فالبيت وربنا هدانا كلنا الحمدلله.

ام عبودى النونو
فتكات ست الكل

١٧‏/١١‏/٢٠١٨ ٨،٣٦ ص
موضوع أكثر من رائع
سلمت يداكي حبيبتي

ولادي حبايب قلبي
فتكات متميزة

١٨‏/١١‏/٢٠١٨ ٥،٣٧ ص
عايزه حل ضروري اختي ربت بنتها علي كل شي كويس وتعبت معاها وعمرها ماضربتها وعرفتها الصح والغلط والعيب والحرام لغاية مابقي عندها 6 سنين بدأت تعمل كل حاجه غلط وعيب تتخيليها ومن ورا مامتها ولما امها عرفت انهارت وقالتلها متزعليش مني ياماما وكررت الأخطاء وبرده امها مضربتهاش وفهمتها بالأدب ومازالت تكرر الغلط ومش بتسمع الكلام

نسكافيه شقاوة
فتكات نشيطة

٢١‏/١١‏/٢٠١٨ ١٢،٥٨ م
مع اختلاف معاك احيانا الضرب بيحيب نتيجة بس مش هضرب ابني لما اموته يعني  في طفل بيجي بالسياسة وطفل بيجي بالشدة وطفل بيجي بالثواب والعقاب وانتي مقدمتيش حلول للمشكلة طرحتيها بدون نا تقدني حلول واختزلتي كل الموضوع ان الام ال بتضرب فاشلة
موضوعات مميزة

انا مش بس كيرفي انا كمان جريئه اوي ومميزه حصريا لاول مره

سلسلة الإعجاز العلمي في السُّنّة النّبويّة (متجددة )

تكريم مشتركات حملة التقييم لاقسام الصحه والرشاقه الف مبروك الوسام

رسالتى امانه وضعتها بين أيديكم إدخلى بسرعه

طريقتي في عمل كفتة الرز محمرة وبالصلصة(ليلي90)

للشياكه مكان واحد هوووووووو فتكات

تلاطم امواج البحر ونزول المطر والتلج بيوم واحد بكامرتي وحصريا مع نانا نزوله

بيتزا بدون خميرة واااااو .(نسمة المؤمن )

في خطوات.. كيف توفر فاتورة الكهرباء (ليلي90)

لب الكوسا او القرع مع اللحم المفروم من مطبخ نانا نزوله

طاجن لب القرع مع البيض من مطبخ نانا نزوله

ملخص أحكام سجود السهو

طريقتي فى عمل كفتة البرغل المشوية بالفرن (ليلي90)

الإعجاز العلمي في القرآن الكريم ..صور حقيقية............كنوز فتكات يناير 2019

لو تختوخة حبتين مش مشكلة عندى ليكى أشيك لبس*كنوز فتكات

احبك كما انت يا بني تجربه واسلوب حصري مع نانا نزوله

اروع فساتين سهرة للمقاسات الكبيرة (ليلي90)

سلسلة أصحاب رسول الله صلى الله عليه وسلم (متجددة)

فكره لعمل خلفيه مرايا بكامرتي وحصريا مع نانا نزوله

طريقتي في عمل طاجن البامية باللحم الضانى (ليلي90)

مشرفات القسم
الفتوكات المتواجدات
الزائرات المتواجدات