طلقني ودلوقتي هموت ويرجعلي ( تطورات جديدة اخرى )

طلاق,انفصال,عودة,ندم,علاقات,احتماعية,خلافات,عيلة,اسرة,رجوع,فضفضة,تجارب,فتكات

رد 10319

توته بسكوته 22
فتكات نشيطة

٩‏/٧‏/٢٠١٨ ١٢،٠٧ ص

هو مشاكله مع بابا كتير ومكنش بيجي عندنا بسبب مشكله حصلت بينه وبين بابا ودي فرصه لبابا انه هيعوض ده علي حسابي وقالي لو محصلش ورجعتله ملكيش اب ولا ام ولا اخوات وانسينا وخليكي معاه بقي

رد قراءة نسخ المشاركة 0

التوقيع

الممالك البعيدة
فتكات هايلة

٩‏/٧‏/٢٠١٨ ١،٠٥ ص

لا حول ولا قوة الا بالله
طيب مينفعش حد يكبير في عيلتك يكلم باباكي ويفهمه انه ينسى الكلام ده ويفصل المواقف عن بعضها ؟

رد قراءة نسخ المشاركة 0

التوقيع

توته بسكوته 22
فتكات نشيطة

٩‏/٧‏/٢٠١٨ ١٠،٣٩ ص

ولا اي حد وانا فعلا مش عارفه اعمل ايه هو كلمني وقالي حددتي ميعاد قولتله لسه اصل اختي تعبانه شويه اي حجه بس تخليني اخد وقت بس هاخد وقت واعمل ايه مش عارفه

رد قراءة نسخ المشاركة 0

التوقيع

نوراى22
فتكات رائعة

١٠‏/٧‏/٢٠١٨ ٣،٤٤ م

ارجعي بيتك يا حبيبتى و استسمحى جوزك واضح ان اهلك قلبهم قوى
و محدش حاسس بيكي و اهلك كده كده هيهدوا عليكي لما يشوفوكى مبسوطه
خدى قرارك و قوليه لباباكى و اتشجعى و متزعليش من كلمتين زعل هيقولهم ابوكى
و حبه و هينسوا و اكتبو تانى جوة شقتكم بلاش يروح بيتكم
لازم تتنازلى لان للاسف الغلط راكبك ..
زائد بلاش تحطى جوزك تحت رحمه اهلك
أبي هريرة رضي الله عنه قال رسول الله صلى الله عليه وسلم : ( لَيْسَ مِنَّا مَنْ خَبَّبَ امرَأَةً عَلَى زَوجِهَا أَوْ عَبْدًا عَلَى سَيِّدِهِ )
فسيادتك اصلا ينفع الزوج يمنع اهلك عن بيته طالما شايف انه اهلها بيسببو الخراب لبيته لكن ميقطعش رحم .. ممكن ود بزياره سريعه او تليفون
و كتر خيره معملش كده
فخدى قرارك انتى مش عيله صغيره
وولادك احسن يتربوا مع ابوهم بدل جوز ام ده لو اتجوزتى ولو هتسيبيهم لاهلك محدش بيستحمل ابن حد
خدى قرارك بسرعه و متضمنيهوش تانى انه يستناكى بمجرد ما ينساكى يتجوز و تندبي حظك
ارجعيله حتى لو على مضض من اهلك و دخلى رجل رشيد يقنع بابا

رد قراءة نسخ المشاركة 0

بنت من عنابة
فتكات متميزة

المشاركة المتميزة في حمله احياء سنن النبى صلى الله عليه وسلم

١٠‏/٧‏/٢٠١٨ ٥،٤٥ م

شوفي يمكن انا اكبر منك شوية حأكلمك بصراحة و بلاش لف و دوران انت لازم تتحملي مسؤولية أخطائك وحكاية بلاش تعتذري دي سيبيها ولو كانت نيتك صافية تجاه زوجك وأهله اعتذرليهم على الي عملتيه معاهم واولهم زوجك،وابدئ من جديد ،وانت شقتي كل واحد على حقيقته في محنتك ،بلاش حكاية كرامتي ما تسمحش الست كرامتها من كرمت زوجها ،وقوليلي كرامتك نفعتك بإيه وانت عند أهلك كإنك غريبه حتى اللقمة بحساب،اسمعيني وخدي رأي حلمي زوجك وقوليله انك حتروحي ليهم البيت و تتأسف للكل واولهم هو،وانك عرفت غلطك ومش حترجعيله خالص وحتحاولي تغيري من نفسك وتعوضيه وبالفعل حاولي تغيري من نفسك ومن الآخر الي مافيش خير في اهله مالهوش خير في الناس جوزك دا جوهرة حافظي عليها ،ربنا يوفقك.وابقي طمنينا.

رد قراءة نسخ المشاركة 0

التوقيع

سجي محمود
فتكات هايلة

١١‏/٧‏/٢٠١٨ ١،٢٨ م

شوفي بما ان دي اخر تطورات وبما انك قولتي الكل يرد
ويـــــــــــــــــاريت متزعليش مني
انا كنت متابعه موضوعك من الاول خالص وكنت بقرأ وانا بستعجب جدا يعني فيه بنات بتخرج عنيها كده لجوزها او خطيبها عشان يرضي والحياة تمشي بس وترضي منه بالمقابل بأقل القليل وانتي هنا ربنا مديكي نعمة كبيرة زوج محترم جدا فوق الوصف طيب بيراعي ربنا واهلك بيعملك الي محدش يلاقيه وانتي باردو فضلتي تزعليه وتتأمري عليه لما خلتيه يتجوز عليكي
يابنتي زوجك ده نعمة صدقيني لو فقدتيه عمرك ما هتعوضيه والاكتر كمان اهل جوزك ولاد الاصول
يابنتي ادخلي اقرأي في المحتاره ولا حتي موضوع لاي واحده شوفي المرار الي شارباه من بخل لخيانه لعصبيه لاقلة احترام ومد ايد ول... ل... ل... وكتير منهم صابرين كمان علي كل ده واهي عيشة
يابنتي اهلك دول وبالذات باباكي متزعليش مني وحش جدا ليه بيحارب جوزك وبيعمل فيه كده ليه بيوقف حاله ده فيه ابهات هي الي بتسهل كل الطرق لازواج بناتها وتقولك عشان خاطر بنتي وبيتها وياما بيتعمل فيهم عكس جوزك ابن الاصول
دا انا مش مصدقه من كتر ما بتوصفي في اخلاقه ان الكلام صح ومن كتر ما شوفت رجالة وحشة
جوزك مش غلط فيكي عشان يعتذرلك بالعكس بقي دا انتي الي المفروض تقعدي تعتذريله طول عمرك علي عمايلك انتي واهلك معاه انا لو منه الحقيقه عمري ما اسامحك
صممي ترجعي بيتك وسيبك من كلام باباكي ده عايزك حالك يميل والاخر ولا هيستحملك ولا يستحمل ولادك ارجعي وحافظي ع النعمة الكبيره الي فإيدك حرااااااااااااااااام عليكي

رد قراءة نسخ المشاركة 0

التوقيع

توته بسكوته 22
فتكات نشيطة

١٢‏/٧‏/٢٠١٨ ١٠،٥٦ ص

حبيت ارد علي كل كلامك
اها كنت في نعمه بس هقولك مكنتش حساها من كلام اللي حوليا مكنتش حساها من اللي بيقولي ازاي مستحمله عمايله مع اخواته وعمايله مع بنته انتي وانتي
2 هقولك حاجه جوايا انا مكنتش بتخنق من عمايله هو واهله مع اخواته عارفه كنت بغير اوي وده اللي فعلا كان بيعمل مشاكل دايما جوايا انا ليه اهلي مش كده انا ليه بابا مش كده ليه اخويا مش حنين عليا وبيعمل زيه كده
3 شوفت مواضيع وشوفت اللي كان بيقويني علي جوزي وهو عايش عيشه اقل الف مره من اللي كنت فيه
4 بالنسبه للوصف ومش مصدقه لا صدقي هو اكتر من كده كمان اكيد في عيوب بس حتي العيوب دي مش بيخليني اشوفها يعني عصبي بس وقت عصبيته ينسحب من اي حوار او اي موقف ويمشي يقعد لوحده لما يهدا
5 بالنسبه للاعتذار انا فعلا اعتذرت لكل البيت الاول من حمايا وحماتي واخواته ومقتنعه اني انا اللي غلط بالنسبه انه مش يسامحني عارفه انه مش سامحني خالص بس ضغط اهله وعلشان ولادي
6 بالنسبه لعمايللي انا واهلي انا معملتش حاجه اهلي معرفش غيره او ايه وليه بيعملوا كده معاه مع اني بشوف معاملتهم مع جوز اختي فرق شاسع
7 انا مصممه وفكرت فعلا لو رسيت اني اقاطع الكل وارجع لبيتي وولادي بس مش قادره اقولها

رد قراءة نسخ المشاركة 0

التوقيع

أغنية
فتكات حبوبة

١٢‏/٧‏/٢٠١٨ ١١،٢٢ ص

حاولي ماتخليش حد يدخل وخلي الخلاف بينك وبين جوزك بس والحل كذلك ممكن الي يدخل يبوز الحل فترجعوا تاني لا قدر الله للمشاكل انا واثقه من كلامك انك استفتي اكتر وانك تقدري تحلي المشكلة لوحدك بدون اي ناس دخيله . واهلك عارفيهم ده حياتك وانتي حره فيها

رد قراءة نسخ المشاركة 0

توته بسكوته 22
فتكات نشيطة

١٢‏/٧‏/٢٠١٨ ١١،٤٨ ص

مكنتش هعرف ولا كان هيسمح اني اقرب من غير مساعده حد من اخواته او حماتي وانا عملت كده ولما وصلت للحل دلوقتي بقي بابا في كفه وجوزي وبيتي وولادي في كفه

رد قراءة نسخ المشاركة 0

التوقيع

أغنية
فتكات حبوبة

١٢‏/٧‏/٢٠١٨ ١،١٧ م

خلي حد من احباب والدك الي فيه ثقة انه يحاول يقنع والدك انه ده حياتك وانه في اولاد من جوزك ولازم انتوا الي تربوهم ولو اتسابوا لا قدر الله الولاد حيضيعوا . وحينحرفوا لا قدر الله

رد قراءة نسخ المشاركة 0