قصة زواجي من فتكات D

السلام عليكم ورحمة الله

بحب اشكر كل الاخوات القائمين ع موقع فتكات

الحقيقة انا مكنتش مقتنعة خالص ان فيه جواز ممكن يتم بالشكل ده خاصة وان كانت ليا مواصفات صعبة جدا علشان انا منتقبة وبتعلم العلم الشرعي وربنا يجازيها خير اختي الصغيرة

هي اللي تبنت انها توفق بيني وبين احد العرسان ( زوجي الان ) اللي كان اخو فتوكة من الفتوكات
انا ماكنتش حاطة في بالي ان الموضوع ممكن يكون جد وكنت دايما بقول لأختي فكك من الحوارات دي دول شوية فاضيين ومش جد لكن اختي استمرت في التواصل مع فتوكة اللي هي اخت زوجي الان ولما استريحت ليها حولت تقنعني بشتي الطرق اني مش هخسر حاجة لو شفت العريس خاصة انه كلم ولدي رسمي وأخد ميعاد منه

الحقيقة في اليوم ده كنت مخنوقة وكنت بقول لوالدي ياريت يابابا تمشيه من برة برة والالطف ان بابا كمان كان نفس الشيء

والألطف من ده وده بقي ان زوجي الان حكالي بعدين انه برده في اليوم ده كان مخنوق جدا ومش عايز يجي ظناً منه ان العرايس من النت بيبقو برده فشنك ( بس انا مش كدة خالص

) ولله الحمد

بس سبحان الله لما شوفته حسيت بحاجة غريبة بتشدني ليه

وكانت القاعدة مريحة جدا لدرجة ان قعد لحد الساعة 12 بليل ومحسناش بالوقت الا لما اخوه كلمه بيطمن عليه فشاف الساعة فتكسف جداااااا انه اتأخر

من غير مااطول عليكم تخيلوا اني بالرغم من ان عرسان قبل كدة اتقدمو لي بطرق غير النت ( معارف الاهل والاقارب والصحاب وكدة) وعمري مافكرت اني ممكن اتجوز عن طريق النت بس فضل ربنا اكبر من كدة اني كمان حبيته واتحوزنا بتيسير ربنا في 3 شهور وهو شخص محترم وملتزم وبقالنا دلوقتي 4 شهور متجوزين

حبايبي فتوكات ربنا يرزق كل واحدة باللي نفسها فيه وعليكم بكثرة الدعاء

................... خليكم جدعان بقي وادعولي ان ربنا يرزقني بالذرية الصالحة عن قريب من جوا قلبكم اووووووووووووووووي

بحبـــــــــــــــــــــكم في الله

رد 80968 3

التوقيع