مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

طفولة وأمومة

صحة الطفل و كل ما يهمه من ازياء و العاب و تعليم و رعاية و تربية

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 3 4 5 6 7 8 9 88 الأخيرة >>

رد 0 0
0
فتكات رائعة
الحب العذري  .....تأليف  بوسي .....

١٠‏/٢‏/٢٠١٦
قصص و روايات


اداره القسم الادبى
شروق


بسم الله الرحمن الرحيم





الحب العذري ..............

قصه جديده بناقش فيها حاجات كتير أذاى يكون الحب عفيف وطاهر بين اتنين .....وازاى الواقع ممكن يغير حاجات كتير ..... ولو كان الحب اساسه الدين هيكون طعمه إزاى .....الحب مش بس عذري وعفيف وطاهر ده أجمل حب في الحياه لما يجتمع زوجين على حب الله ......هيكون ازاى........... .....اترككم مع اولى حلقات القصه واللى اتمنى انها تعجبكم ...............

منتظراكم ومنتظره ردودكم بكل ود ............

مع تحياتى .........

بوسي
رد 410484 0
1018

pocy2010
فتكات رائعة

٢٣‏/٢‏/٢٠١٢ ٨،٠٢ ص
الحب العذري


الحلقه الاولى .....


فى صباح يوم جميل دخلت الشمس المشرقه لتداعب بأشعتها وجه الاميره النائمه أيه نعم هذا

اسمها وكانت ايه الله فى ارضه من حيث جمالها واخلاقها سمتها والدتها أيه بعد ان رأتها بعد

ولادتها فكانت مثل الملاك الطاهر كانت حريصه جدا عليها دون اخواتها فهى فقط التى تحمل

صفات جداتها التركيات ......كم انتى جميله يا ابنتى هكذا كانت تنطق بها والدتها .....وكم فرحت

ان ابنتها جاءت لها بمجموع كبير فى الثانويه العامه وانها ستدخل كليه طب وستكون دكتوره كم

تمنى لها والدها مستقبل باهر وها هى على بدايه خطواته كانت عاديه تعيش فى بيئه

مختلطه ولكن رقتها وخجلها يلاحقونها فى كل مكان ورغم محاولات اختها الصغيره فى ان تجعلها

فريش كما تقول الا ان كل المحاولات باءت بالفشل

....................


أستيقظت أيه ونظرت الى الشباك لتبتسم لمن ايقظها كانت خياليه بعض الشئ حضنت نفسها

بيديها واغمضت عينيها وهى تحلم انها تضم الشمس بيديها ثم تنهدت وخرجت الى الحمام قابلت

فى طريقها والدتها

ام ايه (مدام نيره ): انتى صحيتى يا قمر .........

أيه : ايوه يا ماما وداخله الحمام اتوضي واصلي ..........

ام ايه : طب بعد ما تخلصي صحي اخواتك وحصلينى على المطبخ علشان تجهزى معايا الفطار .............
ايه : حاضر يا ماما .........

انهت ايه صلاتها ثم بذلت مجهود فظيع فى ايقاظ اخواتها ولكن دون جدوى ولم يكن امامها الا الماء

ورشتهم بالماء فاستيقظوا كانت لها اربع اخوه هبه ومحمد واحمد ومحمود ثم بعد ان اطمأنت على

صحيانهم تركتهم وذهب الى والدتها فى المطبخ .........

ايه : ماما هو مش المفروض ابدأ اجهز حاجتى بتاعه الكليه ومش عارفه هاخد ايه معايا هناك
..................
نيره (الام ) : يا حبيبتى انتى مش هتبدأى من الاول عموما بابا نزل واشتري شويه حاجات كده مبدئيا

كشول محاضرات كبير واقلام لحد ما نعرف ايه المطلوب من بلطو والذي منه ان شاء الله والنهارده بابا

هيروح الكليه ان شاء الله يعرف اخبار الجدول ايه ................ويجيبه ثم انتى باقي اسبوع على ما

تبدئي مش تشغلي بالك .............المشكله فى المفاعيص التانين


ابتسمت ايه لان والدتها بتتعذب مع اخواتها مع عدا احمد الكبير ماهو فى كليه هندسه وقدامه

سنتين ويخلص ...........

اما محمود فالله يعينه على كليته كليه علوم أد ايه صعبه وللاسف بيعدى السنه بالعافيه ...

اما محمد فهو فى ثانوى هو وهبه اصلهم توأم واخر العنقود وليهم كده مصطلحات لوحدهم وكل اللى فى البيت حاسيين انهم فاشلين رغم انهم ممتازين .


اما والدهم فهو المهندس ابراهيم أحمد كان عايش فى الخليج فتره لحد ما قدر يعمل مكتب هندسي واستشاري ونزل نزول نهائي ...........وتزوج وانجب اولاده الخمسه ويحب زوجته لدرجه الجنون ويعرف كم وقفت معه فى أزماته فى المكتب بكل ورثها وذهبها ولكنه عوضها عنه فى اوقات اخرى ..............

واخيرا سيبدأ العام الاول لها فى الجامعه ..............

أيه لنفسها : يااااااااااااااااااااااه اخيرا بكره اول يوم جامعه ياااااااااااااااااه ياترى هيكون شكله عامل

ازاى وهل هعرف اتعرف ع حد هناك ....................؟؟؟؟ولا لا ................؟؟؟ يارب تكون الجامعه

دى حاجه حلوه زى ما بشوفها فى الافلام والمسلسلات كده ................


واخيرا وبعد اسبوع بدأت أيه اول ايامها فى الجامعه كم كانت تحلم احلام كثيره بهذا اليوم حيث

الانطلاق والاستقلال ولانها كانت رومانسيه جدا فكانت تعتقد انها ستجد فارس احلامها هناك فهل

سيكون موجودا بالفعل .............لم تشعر بالحب من قبل ولكنها رأته وحسته فى ابطال الافلام

والمسلسلات كم ارادت ان تحس هذا الاحساس الجميل الذي يدخل الى القلب يجعله يخفق

وبشده كم أرادت ان تلمح فى حياتها هذا الرجل الذي سيخطفها على حصانه الابيض ليبتعدا عن

العالم لينفردا ببعضهم البعض .أأأأأأأأأأأأأأأأأأأأه والف أأأأأأأأأأأأأأأأأأأه من هذا الحب ............

دخلت أيه من باب الكليه بعد ان ودعت والدها ظلت تمشي وتمشي لا تعلم الى ان تذهب ولكن اكيد هذا المبنى فالكل يخرج ويدخل منه لم تنتبه ايه فى خطاها وهى تمشي فتكعبلت ووقعت على الارض ساعدتها زميله لها فى الجامعه


سمر : انتى كويسه .............خدى بالك .......

أيه : اسفه انا الحمد لله بخير .........معلش أصلي جديده هنا


ثم اعتدلت لتنفض ملابسها بينما شهقت سمر ..........

سمر : بجد ............واو اكسلنت انا كمان جديده هنا وحاسه انى زى التايهه ما تيجي ندور على المكان اللى المفروض نروحه ....................

أيه : انا معايا الجدول والمفروض نكون فى القاعه رقم أ ....بس انا مش عارفه مكانها .........

سمر : سيبي الموضوع ده على ........بالمناسبه انا سمر وانتى .......؟؟؟

أيه : أيه ......

سمر تخاطب نفسها : صحيح فعلا ايه .............

سمر : تشرفنا يا جميل يالا يالا علشان نبقي طلبه نابغه كده ..................

أيه : يالا بينا ...............

كانت ايه ترتدى بدله بنطلونها بيج وعليها جاكت طويل الى الركبه بيج وأسفله بلوزه حريريه حمراء والطرحه كانت بيج * أحمر ولم تضع فى وجهها اى مساحيق تجميل بل بياض وجهها كان طبيعينا ولون عينها الرمادى ...وملامحها الصغيره ........كانت ايه تنتقي لبسها بعنايه مع والدتها وليست مثل هبه أختها التى هى هوائيه جدا
أما عن سمر فكانت بنت من منظرها يقال انها من طبقه ثريه وخصوصا انها تشيح دائما بالمفاتيح التى بها مفاتيح سياره ولا تعلم ايه هل بالفعل تسوق سياره خاصه بها ام ماذا كانت ترتدى بنطلون جينز ضيق جدا وعليه شميز مفتوح واسفله بلوزه مترهله تصل الى حزام الجينز وشعرها كان مجعد ومنكوش تذكرنى بميرام فارس .......... ظلت تتحدث كثيرا وتسأل كل من يعدى بجوارهم ولكنها تنتقي فقط الوسيمين او لهم مواصفات معينه فى ذهنها واخيرا التقوا بهذا الشاب
سمر: لو سمحت حضرتك متعرفش فين القاعه أ .....اصلنا جداد هنا ......

الشاب : اه القاعه فى المكان ده بس ثوانى اتاكد لانى جديد هنا انا كمان ...........

امسك موبيله واتصل بصديق له ............

الشاب : انت فين انا زهقت يا راجل ............

الصديق: انا قدامك اهه اقفل ............

الشاب : اهه ده دليلي فى الجامعه ............

الصديق : السلام عليكم ورحمه الله وبركاته ..........

الجميع : وعليكم السلام ورحمه الله وبركاته .............

الصديق : أسف ع التأخير .......

الشاب :المهم قاعه أ دى فين علشان هم زمايل جداد ............زى حالاتى وانت ياعم القديم اللى فينا ....

الصديق : القاعه اللى هناك دى هى قاعه أ واليوم مش هيكون فى حاجه مهمه قوى عموما اى حاجه او اى مكان محتاجين تعرفوه هتلاقوه خريطه فى المبنى اللى هناك ده بتشرح توزيعه الكليه ............

سمر: ميرسي جدا ليك ......بس احنا متعرفناش ....

الشاب : انا فادى الزهيري ............ وده يا ستى محمد عبد الرحمن تالته كليه طب السنه دى وحضراتكم

كانت ايه مضايقه جدا من الوقفه اللى ملهاش لازمه بس دايما بتخاف تحرج حد كانت حاسه انها مضطره تقف بسبب سمر

سمر: تشرفنا ....انا سمر عليوه الحداد ........ ودى زميلتنا ايه ...............؟؟؟

فادى : بتهرجى انتى بنت عليوه الحداد ده صاحب بابا اللواء محمد أحمد الزهيري ..............

سمر : ايوه انا اسمع عن باباك ........

ظلا يتحدثا سويا عن اعمال والديهم بينما كانت ايه متأففه من هذا الوضع بينما كان محمد ينظر الى أيه بتمعن .....انها جميله مثل اسمها وكم هى متأنقه فى هذا اليوم اهذا البياض طبيعي ام انها تضع تلك المساحيق التى تنير الوجه ..... لالالا انه جمال طبيعي ووووووووووووووووووواااااووو ان لون عينيها جميل اهو رمادى ام اخضر انه يتغير ابتسم وضعت هى يديها على عينيها من الشمس فلمحته ينظر لها فارتبكت ونظرت الى الارض ....محروجه منه ومن نظراته تلك بينما هو تضايق ان لمحته وهو ينظر اليها هكذا فاضطر ان يستأذن فهو كما هو معروف عنه انه ملتزم ويغض البصر ولكن جمالها ملفت ويجذب للنظر اليه .........استأذن محمد وفكرت ايه ان تستأذن هى الاخر

أيه : سمر طب انا هسبقك للقاعه .......

فادى: لالالالا مفيش داعى احنا كلنا هنروح هناك ........زوبالفعل وصلا للقاعه ودخلا وجلسا سويا على البنش وكانت بالتأكيد تجلس سمر بجوار فادى .....أحست انها أخطأت حين ربطت نفسها بسمر ..........كان يمكن ان تسال هى وتذهب دون تلك الوقفه الغبيه ............

بالفعل كانت المحاضره الوحيده لليوم هى محاضره ترحيب بالطلبه الجدد انتهت المحاضره اخيرا وخرج الجميع .....

ايه : طب انا هستأذن بقي ....

سمر : فى حد هيوصلك .........؟؟؟؟؟ انا ممكن اوصلك فى سكتى ....

فادى : وانا كمان ممكن اوصلكم ....انا مورايش حاجه والعربيه بره .......

سمر : ميرسي جدا يا فادى بس انا معايا العربيه بره انا كمان ...........

أيه : لا شكرا والدى زمانه جاى وهيوصلنى ...........سلام

سمر : ايه ايه استنى .....انا نسيت اخد رقمك انتى معاكى موبيل ...............؟؟؟؟

أيه : ايوه معايا رقمى هو ......

سمر : استنى استنى ثوانى اخرجت من جيبها الموبيل ثم حفظت رقمها واعطت رقمها لايه ثم استأذنت ايه .....بينما ظلا فادى وسمر يتحدثان .........
وعندما كانت تمشي للمكان المتفق عليه مع والدتها لمحت محمد أتيا فى نفس الطريق المقابل لها خافت ان يحدثها ولكنه مر بجوارها وكأنه لا يعرفها استغربت وكملت طريقها .............. وذهبت الى البيت مع والدها .........ززلتحكى لامها ما حدث هذا اليوم وماذا تفعل فى تلك البنت المنفتحه .....بتلك الطريقه ............؟؟؟

فى الحلقه القادمه هنعرف ايه الموقف اللى حصل لايه واتصرفت إزاى .....وهل هتعرف تتخلص من سمر وفادى ولا هيكونوا زى اللزقه ...........

الى اللقاء في الحلقه القادمه

توتا 85
سوبر فتكات

٢٣‏/٢‏/٢٠١٢ ٨،٤٨ ص
كملى ياقمر واحنا مستنين معاكى

sheree2000
فتكات رائعة

٢٣‏/٢‏/٢٠١٢ ١١،٤٥ ص
بسبوس يا قمر متالقه كالعاده
منتظرينك يا قمر

مهندسة مهيسة
فتكات رائعة

٢٣‏/٢‏/٢٠١٢ ١٢،٤٠ م
جميله جداحلو اوي انها مش بتقف مع ولاد وهو بيغض البصر
٢٣‏/٢‏/٢٠١٢ ١،٣٨ م
روووووووووووووووعه كالعاده
والتقيم ممتاز

شروق الاقمر
فتكات متميزة

٢٣‏/٢‏/٢٠١٢ ٣،٥٠ م
جميله اوى تسلم ايدكى والتقيم ممتاز طبعا

KiTTy
فتكات متميزة

٢٣‏/٢‏/٢٠١٢ ٥،٢٢ م
لااااااااااااااااااااااااااااااااااااا ماليش دعوة عايزة التكملة :'( :'(

حلوة اوي بجد واندمجت معاها، فكرتيني بإعدادي اول سنة كلية ههههههههههههههههههه
وممكن آية تكون محتاجاه في محاضرة ولا يشرح لها حاجة

وتم التقييم

pocy2010
فتكات رائعة

٢٣‏/٢‏/٢٠١٢ ٦،٥٤ م
بسم الله الرحمن الرحيم



الحلقه الثالثه

فى الحلقه السابقه عرفنا ان محمد بعد عن ايه وسمع نصيحه صديقه كان الامر متعب فى البدايه

ولكن بعد ذلك قل التفكير فيها رغم وجوده فى تلك الاوقات التى يكون بها منفردا مع نفسه تعلق

بمشاهده النجوم فكان يراها تجلس على الهلال كملاك ولكنه يسارع فى ان يبعد تفكيره عنها......اما

ايه فكانت فى البدايه تتسأل اين هو ....ثم وبعد مضي الايام وانشغالها بالدراسه والتعامل مع

سمر واصدقائها عماد ومحمود بالاضافه الى فادى واسماء فلقد أصبح تفكيرها فى محمد موجود

ولكن بشكل قليل عندما تختلى بالقمر وتناجيه مساءا ........ من خلال مذكراتها ........... ولكن ماذا

حدث لايه ومحمد ...........؟؟؟؟؟ تعالوا نشوف ..............

بعد انقضاء شهر من المحاضرات وبدأت الدراسه والمذاكره وتبيض المحاضرات وبدأ الجميع يحدد من

هم أصدقائه وزملائه وانقسمت الدفعه الى جروبات كانت ايه منضمه الى جروب سمر وفادى

ومحمود وأسماء وعماد كانوا جميعا يساعدون بعضهم البعض في كل شئ كان الكل يري ان هناك

علاقه بين فادى وسمر بسبب وقوفهما المستمر بمفردهم اغلب الاوقات وجلوسهما متجاورين فى

المحاضرات بينما كانت ايه محتاره بين سمر والتى ظهرت طيبيتها ومعدنها الجيد على الرغم من

مظهرها وبين أسماء تلك الفتاه الهادئه والقريبه منها فى الطباع ............كانت دائما ما تحاول ان

توافق بينهم كانت تحاول ان تجذب سمر اليهم وقت الصلاه وببعض الاحاديث التى تخص البنات

ويتناقشون فى علاقتهم بالشباب اصدقائهم وكانت المجادله لا تنتهى فسمر مؤمنه تماما ان الصديق

الولد احسن بكثير من الصديق البنت اما اسماء على العكس تماما بينما ايه مع انها لا تحب الاختلاط

الا انها مقتنعه بان كلا من البنت والولد بينجذبا لبعضهم البعض دون شعور منهم لان هذا غريزه ولكنها

كانت تميل الى رأى أسماء ولكن هذا لم يؤثر عليهم فى شئ بل كانت سمر دائمه الاتصال بايه

تحكى لها عن فادى وعما قاله وعما فعله وانه اتى البيت عندها وتعرف على اهلها وانهم عزموا اهله

واصبحت علاقتهم اجتماعيه ولكنها لم تصرح ابدا إذا كان هناك اى شئ بينهم ....... ولكن هذا كان

جليا عليهم .....

ولكن وفى يوم من الايام كان فادى وسمر وايه يجلسان سويا بينما اسماء لم تأتى هذا اليوم

وعماد ومحمود راحوا يتمشوا شويه مع أصدقائهم فى تجاره ............ كانت ايه تشرح لهم بعض

المحاضرات التى لم يحضروها وفجأه إحمر وجه فادى وكان عرقان جدا وحاسس انه مخنوق بل كان

مخنوقا بالفعل لم يكن قادرا على التنفس بشكل طبيعي لم تدرى سمر ماذا تفعل فقد كانت

تساله وهو لا يرد حاول ان يقف على رجليه ولكن رجليه خانته فوقع ارضا حاولت سمر ان تجلسه

وهو يحاول ان يشاور على هاتفه ويقول محمد محمد فهمت ايه واخذت الموبيل وبحثت عن رقم

محمد وكانت فادى يسميه محمد بيدو ....فسالته عن الاسم فاتصلت به وقبل ان تلقي التحيه

..........تحدث محمد


محمد: زهيري دلوقتى ......ايه اللى فكرك بي

أيه : احمم السلام عليكم ....دكتور محمد ..........

محمد : ايوه مين معايا فادى فين جاراله حاجه ............؟؟؟؟

أيه : انا ايه زميله فادى وهو اللى قالى اتصل بحضرتك لانه تعب شويه احنا فى الكافتريا

فى...............

وقبل ان تكمل حديثها حست انها تحدث نفسها لانه اغلق الخط ............

وبعد قليل جاء محمد ومعه تلات علب دواء وزجاجه مياه .....لم يلق التحيه بل جلس بجوار صديقه
واعطاه الدواء ..........

محمد : طبعا ماخدتش الدوا كعادتك والله حرام اللى بتعمله في ده يالا قوم معايا هروحك البيت

...........
لم يلق بالا لايه او سمر والتى كان وجهها مغتاظا وقلبها متألما على فادى الذي اخذه صديقه
واسرع به على السياره ........

سمر : أيه ...............هو محمد ده ايه مش يفهمنا فى ايه وماله فادى ولا هو هسيبنا كده ...........

ايه : هو أدرى بحاله صحبه .....انا معرفش هم اصحاب ازاى ومش أد بعض

سمر : لا هم أد بعض بس فادى حسن ثانويه عامه مرتين علشان يدخل معاه نفس الكليه مش
مهم يكونوا مختلفين فى الدفع المهم انهم يكونوا مع بعض وكل ما اساله عن محمد ده يقلي دى عشره عمر .....ومحمد ده هو سر وجودى ع الحياه ومش بيفسر اكتر من كده
............

أيه : للدرجه دى ...............

سمر : واكتر يا بنتى المهم انا هروح تيجي اوصلك فى طريقي انا مليش نفس افتح محاضرات ولا اسمع شرح معلش يا أيه تعبناكى معانا ..............

أيه : لالالا مفيش تعب ....انا هروح المكتبه اشوف كتاب هناك يكون بابا وصل اشوفك بقي بكره ..............

مشيت سمر بينما ايه بدأت تلملم كشكيلها ومحاضرتها وتضعها فى حقيبتها الا انها وجدت موبيل فادى فلقد نسيه ماذا تفعل نظرت فوجدت سمر اختفت عن الانظار ..........فوضعته فى حقيبتها وذهبت الى المكتبه ......... ثم ما أن وصل والدها ركبت معه وذهبت للبيت وهناك اتغديت وحكت ما حدث لوالدتها ودعت امها لفادى وتسألت هو مريض بايه .............؟؟؟؟
دخلت ايه حجرتها لتستذكر دروسها واخرجت محاضرتها من حقيبتها الا انها شاهدت التليفون فكرت هل تغلقه ام ماذا ..... ولم تلاحظ هى ان التليفون قد رن عده مرات ....وانها لم ترد وكان اكثر الاتصالات من سمر ومن بيت فادى .....ومن ارقام اخرى غير مذكور اسمائها .............
لم تهتم كثيرا وضعت التليفون امامها وجعلته صامتا وليرن من يرن لن ترد ...........
الى ان اتصل محمد بيدو .............
لم تفكر كثيرا وقبل ان ينتهى الاتصال فتحت الخط .............

أيه : السلام عليكم ...........

محمد: وعليكم السلام ورحمه الله وبركاته ...ازيك يا علا .....هو فادى نايم ...........؟؟

أيه : انا اسفه بس انا أيه زميله فادى مش علا ....وفادى نسي التليفون وانا اخدته على امل انى ادهوله بكره ان شاء الله ..............هو عامل ايه دلوقتى ................؟؟؟؟

محمد ......مكنش مصدق هو فعلا بيكلم أيه ....ولا بيحلم .... ولوإنه حاسس ان لسانه عاجز عن الكلام .............. هو المفروض يرد بس هيقول ايه .....؟؟؟؟؟

أيه : الو الو معايا ...........؟؟؟؟

محمد: اه معاكى اسف مكنتش متوقع مش اكتر والله انا بتصل علشان اطمن عليه لسه بس لقيتك بتردى

أيه : أسفه بس هو اللى نسيه ......وعموما لو عرفت حاجه عنه ياريت تطمنى وبلغه سلامى ....ولو هيحتاج يريح شويه فى البيت مش مهم طمنه انى هبقي اشرحله كل اللى هيفوته ان شاء الله

محمد: انا هحاول اتصل بيه دلوقتى فى البيت ولو حابه اطمنك بعد ما اكلمه مفيش مشكله ......

أيه بصوت مرعوش وتحاول ان تبلع ريقها : اوك .....مفيش مشكله

كانت لا تعرف لما يرتجف صوتها لماذا جف ريقها لماذا تتلعثم وهو تتكلم كانها لا تعرف كيف تتكلم لماذا معه هو فقط يحدث هذا لماذا سمحت له ان يكون هناك محادثه اخرى ....لما تطيل الكلام ولا تود ان ينتهى معه وهل حان الوقت لينهيه هو ام تنهيهه هى ....
محمد : اتفقنا شويه وابقي اتصل عليكى ان شاء الله ............السلام عليكم ....
أيه : وعليكم السلام ورحمه الله وبركاته
أغلق محمد الخط وهو لا يدرى ماذا أصابه لماذا أحرجها بان يتصل بها مره اخرى ماذا ستقول عليه لقد وافقت فقط حتى لا تحرجه فهى مهذبه وتعرف الذوق جيدا اما انا المتطفل الان ستأخد بالها انه يريد ان يحادثها من الباب للطاق فكر ان يتصل بفادى ولا يعيد الاتصال بها فلقد اقنع نفسه بالابتعاد عنها ....اتصل بفادى ليطمئن عليه ..........
محمد : الو ايوه يا فادى اخبارك ايه دلوقتى ...................
فادى : انا بخير الحمد لله كويس انك لحقتنى كنت هروح فيها
محمد: ممكن تقلي بقي امتى هتبطل اللى بتعمله فى وبتعمله فى والدتك ده ...........؟؟؟؟مش حرام عليك نفسك انا كنت هنهار لما شوفت مرمى كده ع الارض ......
فادى : متكبرش الموضوع انا كل اللى عملته انى نسيت اخد الدوا تلات ايام كل ما اجى اخده حاجه تحصل .................
محمد : بصراحه انت تفقع فادى انت مش عارف ان الحاجات دى مهمه ولازم تاخدها فى معادها هو انا برضه اللى هقولك ..........وبجد لو حصل الموضوع ده تانى لا انت صاحبي ولا انا اعرفك ............صحيح تليفونك مع زميلتك ايه انا جيت اتصل لقيتها هى اللى بترد ...........
فادى : بجد طب الحمد لله انا قلت نسيته ولا وقع منى عموما لو امكن ابقي جيبه بكره منها لانى هريح مش رايح بكره
محمد : طب اوك عموما هى بتقلك لو محتاج ترتاح كام يوم متقلقي على المحاضرات هى هتبقي تشرحالك ..........
فادى : بصراحه البنت دى جباره بتخلى الغبي يفهم واسلوبها فظيع تنفع تكون مدرسه جدا
محمد : بجد هى شرحتلك قبل كده ......
فادى : انت عارف ساعات بزوغ مع سمر نروح ناخد كابتشينو ولا نضرب نسكافيه او ساندوتشات .....وبنبقي معتمدين عليها بصراحه جربناها مره ولقينا اننا بنفهم منها اكتر ما بنفهم من الدكتور ...........وايه بت موس يعنى وبصراحه مؤدبه جدا .... ومحترمه جدا .......
محمد اضايق شويه ومكنش عارف هو مضايق ليه : انت صحيح ايه علاقتك بسمر انا شايف انها اتطورت ......
فادى : لالالا متفهمش غلط ....هى بنت لذيذه بس مش التيب بتاعى مع انى حاسس انها واقعه واقعه بس بفوقها اول ما تيجي تسبل عنيها بقلبها هههههههههههههه
محمد: احب افكرك ان بنات الناس مش لعبه وان اللى تعمله مع اى بنت لا قدر الله ممكن يترد فى اهل بيتك واقربهم ليك اختك علا فاحترم نفسك ههه
فادى : هههههههههههه يابنى انت محسسنى انى وعدتها وخليت بيها انا كلامى عادى جدا معاها ومع اى بنت لسه مجتش البنت اللى تدق كده وقلبي يتخطف من اول نظره ..............
محمد: هو فى حاجه يا بنى إسمها من اول نظره سيبك انت المهم ارتاح وان شاء الله بعد الكليه هبقي اعدى عليك واجبلك التليفون ..........
فادى : اتفقنا هستناك ويارب تجرب من اول نظره علشان تفهمنى .............

كان محمد نفسه يقوله انه للاسف جربها من ساعه ما شاف أيه ذات الجمال والبراءه الملائكيه .....وزاد عليها الصوت الجميل .......والرقيق الذي ما ان سمعه واحس بكل جوانحه تتحرك معه ............لابد ان يعترف ان تلك الفتاه يكن لها شعور منفرد اول مره يحس بيه اول مره يواجهه ومش قادر يتصرف فيه .........خايف يضيعه وخايف جدا من عقاب ربنه .....حاول ان لا يتصل بها جلس حوالى ساعه الا ربع يذهب ويجئ فى حجرته متردد فى اتصاله بأيه وانه لا يريد ان يحدثها مره اخرى فصوتها يجذبه اليها اكثر ولكنه ايضا يريد التليفون اقنع نفسه انه لن يحدثها الا فقط انه يريد التليفون ويغلق الخط ..........
بينما أيه انتظرت تليفونه كثيرا مر ساعه وربع ولم يتصل هل هو محرج ام يريد ان يكلمها متاخرا ماذا يعتقد بها انها هى من اعطته تلك الفكره فلقد ردت عليه واكيد فادى هيقول انها مش بترد عليه اشمعنى ردت على محمد وظلت تقول فى نفسها " انا غبيه انا اللى غبيه "" بينما كانت مضايقه جدا وكانت الساعه التاسعه والربع مساءا رن تليفون فادى اسرعت لالتقاطه وكان محمد انه هو .....ماذا تفعل هل ترد عليه ام تجعله هكذا لم تأخذ وقتا كثيرا بل ضغطت على هذا الزر الاخضر
أيه : السلام عليكم
محمد: وعليكم السلام ورحمه الله وبركاته .............انا اسف انى اتاخرت بس انشغلت شويه
أيه : لا مفيش مشكله ....خير ....؟؟؟ (كان اسلوبها فظ جدا وباين عليها انها مضايقه لانها انتظرته طويلا وشغل جزء كبير من تفكيرها ..........)
محمد: ابدا انا كلمت فادى وهو بخير بس مش هيقدر يجي بكره وبيشكرك كتير على اقتراح مساعدتك ليه وكان طلب منى انى اخد من حضرتك التليفون بكره لو امكن علشان ابعتهوله ..............
أيه : طب الحمد لله انه بخير وبالنسبه للتليفون مفيش مشكله شوف عايز تاخده امتى بكره وانا اقولك انا فين ............
محمد: اعتقد الافضل اننا نتفق من دلوقتى يعنى مثلا انا عندى بريك نص ساعه الساعه 10 والساعه 12 فاى وقت فيهم يناسبك
أيه : لا خليه فى بريك الساعه 10 لان بريك 12 هيكون صلاه الظهر .........ومش هلحق كده .............
محمد : اتفقنا يبقي بريك الساعه 10 حضرتك هتكونى فين ...........
أيه : انا هكون فى قاعه أ ان شاء الله ..........
محمد: اوك يبقي بكره الساعه 10او بعد عشره بشويه عند قاعه أ
أيه : ممتاز بس اتمنى انه يكون شويه مش زى الشويه اللى كانوا من شويه
محمد: هههههههههههههههه والله ما اقصد انى اتاخر عليكى بس ظروف شغلتنى والله ان شاء الله بكره فى المعاد هكون موجود على فكره انا بلتزم جدا بمواعيدى .............
أيه : ماهو باين فعلا .............
محمد: طب هتشوفى بكره ان شاء الله قبل المعاد هكون موجود ...........
أيه : مش مهم قبل المعاد المهم بعد 10فى البريك تكون موجود ..............وكمان اعتقد ان على بكره هيبقي التليفون فاصل لانه عمال يزمر وفاصل شحن ومش هينفع تتصل عليه هيكون مقفول
محمد: طب دى مشكله ..........
أيه : ماهو لو جيت فى الميعاد مش هتبقي مشكله ان شاء الله ............
محمد طبعا استحاله يطلب رقمها وفى نفس الوقت ايه استحاله تتبرع برقمها كده ...........فانتظروا قليلا الى ان تحدث محمد
محمد : عموما لو حصل اى شئ لا قدر الله بكره ممكن تاخدى رقمى على ورقه وتحفظيه عندك للظروف دى ولو كده اتصلي بي وانا هرد عليكى من اى رقم تتصلي منه وبجد اسف جدا انى تعبتك معايا
أيه : لالالا لا تعب ولا حاجه احنا اخوات وزمايل وكان الله فى عون العبد مادام العبد فى عون اخيه ولا ايه .............؟؟؟؟
محمد: اكيد ..........انا اسف للازعاج ومضطر اقفل اشكرك مره تانيه والى اللقاء غدا بإذن الله
أيه : ان شاء الله مع السلامه
محمد : الله يسلمك السلام عليكم ورحمه الله وبركاته
أيه : وعليكم السلام ورحمه الله وبركاته
اغلقا كلا من أيه ومحمد الخط وكل منهم ارتمى على سريره يفكر فى الاخر هل اطال عليه هل قال شيئا ضايقه هل ...هل ..... ظلا يسأل كل منهم نفسه ثم تنهدا وراح يفكرا فى امر اخر وهو انه حدثها اخيرا وهى حدثته اخيرا بعد فتره فراق ....سأل هو نفسه أهذا هو الحب ام مجرد اعجاب انها جميله وصوتها عذب وضحكتها أأأأأه من ضحكتها تذوب معها كل السدود التى وضعها على قلبه ...........انه سيقابلها غدا ....ولكن هل سيحدثها ولكن فيما سيحدثها وماذا سيحدث عنما يلقاها .........؟؟؟كانت تلك الاسئله هى الاخرى تسألها ولكنها أضافت عليهم ماذا سترتدى غدا ....ظلت امام دولابها بالساعات تجرب الى ان إستقرت على لبس حضنته وجهزته ثم ذهبت فى نوم عميق وهى تحلم بهذا اللقاء ........اما هو فظل يفكر ماذا يقول لها ....هل سيتلعثم هو الاخر عندما يراها ام ان لسانه سيختبأ فى مكان .....ولا يستطيع الكلام ..............ياربي اهذا هو الحب انه متعب متعب جدا ولكن هناك تلك الدقه الجميله التى ترافق تعبه .............حاول النوم دون جدوى فقام حلق ذقنه واخد دش دافي علشان يعرف ينام ....وفى الصباح الباكر ذهبا الاتنين الى الكليه وكل منهم ينظر الى الساعه متى ستأتى العاشره لم يركزا فى شئ الا لقائهم الساعه 10 فقط ............

ياترى ايه اللى هيحصل وهل هيتقابلوا وايه اللى هيقولوه .............وهل سمر هيكون ليها دور ....ويا ترى الدور ده عامل ازاى واسماء تعرف محمد من فين واشمعنى ده اللى هتوافق انه تقف معاه وتتكلم وتضحك .........
تعاوا نشوف ان شاء الله فى الحلقه القادمه

لميا رياض
فتكات ست الكل

٢٣‏/٢‏/٢٠١٢ ١٠،١٣ م
السلام عليكم وحمة الله وبركاته

بسبس يا قمرررررررررررر اخبارك ايه يا جميل

ماشاء الله عليكى طبعا القصة رووووووووووووووووووعة

بالتوفييييييييييييييييييييق

على فكرة انا لمياااااااااااااا اللى هناك هههههههههه بس فرحت انك نزلتى القصة هنا فقلت لازم اسيب تعليق

totii.frotii
فتكات هايلة

٢٤‏/٢‏/٢٠١٢ ٢،١٠ ص
القصة حلوة اوييييييي...كملي يا بوسي
عرض المزيد
اختر رقم الصفحة 1 2 3 4 5 6 7 8 9 88 الأخيرة >>
موضوعات مميزة

مدينة اور الاثرية مدينة ابونا ابراهيم ( رحله خياليه بسفينه بحريه او فضائيه )

يلا يا فتوكات توقعوا معانا نتيجة مباراة كلاسيكو الأرض برشلونة وريال مدريد

رحلتي الخياليه الى جزر سبيتسبرغن حمله رحله الشطار الجزء الثاني مع نانا نزوله

الرحلة الثالثة مدينة الاقذام في الصين (رحلة خيالية بسفينة بحرية او جوية)

مقبرة بلا توابيت.. مصور سعودى يوثق جمال قصر الفريد فى مدائن صالح.. صور (ليلي90)

نتيجة مسابقة قسم النكت و الطرائف بمناسبة عودة المدارس عن أطرف موقف حصل معاكى يا فتوكة

بئر برهوت في اليمن (بئر الجن ) رحله خياليه بسفينه بحريه او فضائيه

رحلتي الخيالية العاشرة والاخيرة إلي جنة الفردوس/الجزء الثاني من رحلة للشطار مع (نسمة المؤمن)

احذروا.. تقلبات جوية وأمطار رعدية بداية من اليوم ولمدة 5 أيام

أجمل 10 طيور تتميز بالألوان البديعة ومناظر براقة

امانة على كل فرد ينضم للحملة دى ضد المتسولات باي طفل

نتيجة مسابقة مهرجان العودة للمدارس ... مبروك للفائزات

اسرع عشاء كفته رز من دون لحمه من مطبخ نانا نزوله

الحب والخريف أفكار ونصائح شاركي معنا

السكة الحديد تعلن أنواع وشروط والأوراق المطلوبة للاشتراكات قبل بداية الدراسة

ادعولي يابنات

الجزء الثاني من حمله الشطار بالليل او بالنهار((رحله خياليه بسفينه بحريه او فضائيه)))

‏كَنسيـمِ ليالي الصيفِ

أسعار الكتب المدرسية 2020 في مصر.. اعرفى تفاصيلها الآن (ليلي90)

مسابقة قسم الصور عن استعداداتك يا فتوكة للعودة المدرسية 2020 / 2021

مشرفات القسم
مراقبات القسم
الفتوكات المتواجدات
الزائرات المتواجدات