مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

طفولة وأمومة

صحة الطفل و كل ما يهمه من ازياء و العاب و تعليم و رعاية و تربية

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 3 4 5 6 7 8 9 29 الأخيرة >>

رد 0 0
0
فتكات ست الكل
تعالى نعمل المش مع بعض فى البيت ومفيش اسهل من كده ..بالصورررررر

١١‏/٩‏/٢٠١٧
وصفات صحية
حبايبى الفتوكات


صباح الخير عليكم للى عنده صباح

ومساء الخير عليكم للى عنده مساء

ما تيجى يا فتوكات نعمل المش مع بعض فى البيت

ليه تروحى تشتريه غالى وانتى تقدرى تعمليه فى البيت وتوفرى كتيييييييرررررررررر

تعالو مع بعض نقول الموضوع من طق طق لــ السلام عليكم

اول يا قمرات هنشترى بلاص بس يكون بلاص بتاع عسل وده تشتريه من اى واحد بتاع عسل بيدور او من السرجه ..لازم يكون بلاص عسل لانه بيدى تست حلو اوى للمش وكمان المسام بتاعة البلاص بتبقى متشبعه بالعسل ومسدوده تخلى البلاص ميرشحش السوائل اللى بنحطها فى المش..واسألى اى واحده من الريف هتقولك ان احلى مش تاكليه اللى معمول فى بلاص العسل
وادى صورة البلاص ومن جوه كمان



يالله بقى يا قمرات نعمل المش مع بعض ونبدء ونقول بسم الله

المقادير

5 كيلو جبنه قريش
2 كيلو لبن حليب
2 كيلو خميرة مش.... ودى بتشتريها من بياعين الجبنه القريش الكيلو منها ب 8 جنيه بعد كده مش هتحتاجى تشتريها لانك عملتى المش بقى وعندك خميره كفايه
ربع كيلو فلفل شطه حامى
ب 50 قرش شطه حاميه(بفضل الشطه السودانى)
ب1جنيه تنكار وفى ناس بتقول اسمه دنكار الاتنين صح وده بيتباع عند العطار وهو لونه بيبقى ابيض زى الملح وهو ده اللى يخلى المش مش يدود
كيس ملح
ونشوف مع بعض الصوره

هنجيب الجبنه ونرش عليها كيس الملح ونقلبه فى بعض كويس

بعد كده هنجيب كيس مخده ونحط فيها الجبنه علشان تصفى مايتها وتنشف وبعد كده نعقد الكيس ونربطه كويس فى ماسورة الستاره فى الحمام ..عن نفسى بسيبها يوم تصفى وفى ناس بتسيبها يومين او تلاته علشان تنشف اوى من ميتها


طبعا اللبن الحليب بغليه واسيبه يبرد واسيبه بالقشطه بتاعته مش بشيلها ده بيخلى المش دسم وحلو وابتدى اضيف عليه الشطه والتنكار واقلبه

بعد كده هنيجى تانى يوم نبتدى نعمل المش هنجيب البلاص ونحط فيه نص كمية خميرة المش ونص كمية اللبن الحليب المخلوط بالشطه والتنكار ونبتدى نسقط فيهم نص كمية الجبنه


وبعدكده اضيف نص كمية الفلفل الاحمر

وده شكل البلاص من جوه

ونكمل باقى المقادير بنفس الطريقه بحد ما تخلص كلها

نبتدى بقى نقفل البلاص كويس جدااااااااا علشان ميدخلش اى هوا جواه لانه لو اتعرض للهوى هيربى دود حتى لو حطه تنكار...دى الورقه اللى كان مسدود بيها بلاص العسل بدخلها فى كيس بلاستك واكبسها فى فوهة البلاص كويس


بعد كده هلبس البلاص كيس واربطه بقماشه او شريطه او دوباره المهم اربطه بحاجه جامده وخلاص

وبعد كده هلبسه كيس بلاستك تانى واحكمه كويس اوى على البلاص

وبعدكده هطبق حتة قماشه قديمه وتبقى تقيله يعنى مثلا نص ملايه اوطرحة صلاة قديمه او ديل جلابيه كده يعنى وتطبقيها اربعه وتحطيها فوق البلاص وتربطى بشريطه


بعد كده هنفرش فى البلكونه كيس بلاستك قديم ونجيب حتة قماشه قديمه مستغنيه عنها ونلفها زى الحوايه ونحط فوقها البلاص لانه ممكن فى اول الامر يرشح من تحت شوية سوائل وهتلاقى لونها اسود وده من العسل بس بعد كده هيبطل لوحده علشان البلكونه بتاعتك متتبهدلش

وهنسيبه على كده يا قمرات 6 شهور ..اقل حاجه 6 شهور ومنفتحش عليه خالص بس كل يومين تخرجى البلكونه كده وتشليه وتهزيه بشكل دائرى علشان الجبنه والمش يتقلبو من جوه وكمان هنحط عليه بلاطه من فوق اى حاجه تقيله يعنى


ملحوظه يا قمرات

البلاص لما نيجى نعبيه المش والجبنه وكده لازم ميكنش مليان يعنى يبقى نص البلاص او تلتينه مليان والباقى فاضى لان المش بيفور وبيزيد

ونقول لكم يا قمرات مع تحيات فتكات اللى بتحبكم اوى

محدثتكم فتوكه مصريه37
منتدى فتكات
القاهره
رد 159249 0
351

اروى احمد
سوبر فتكات

٢٤‏/٦‏/٢٠١١ ٢،٥١ م
ما شاء الله
تبارك الله عليكى
ربنا يحفظك ويبارك فيكى
حقيقى والله فرحت اوى بوصفة المش الرائعة دى
جعل الله مواضيعك فى ميزان حسناتك
واحب اعرفك انى جربت الكسكسى بتاع حضرتك وكان جميل جدا
بس كان لونه غامق لو تعرفى السبب ياريت تعرفينى الغلطة فين
وجزاكى الله خيرا
لانى اتعلمت منك كذا حاجة ربنا يباركلك ويبارك فى اولادك

اروى احمد
سوبر فتكات

٢٤‏/٦‏/٢٠١١ ٢،٥١ م
وطبعا تم التقيم

عفو الله
فتكات هايلة

٢٤‏/٦‏/٢٠١١ ٣،١٠ م
بجد جزاكى الله كل خير

شيكامارا88
سوبر فتكات

٢٤‏/٦‏/٢٠١١ ٣،٥٤ م
ماشاء الله عليكى انا متابعه مواضيعك كلهاتسلم ايديكى
هاتى حبه بقى لانى فى الامارات وبيوحشنى الاكل ده
عععععععععععععععععععععععععععععععععااااااااااااااااااااااااااااااااااااااااااااااااااااااا

remosh
امبراطورة فتكات

٢٤‏/٦‏/٢٠١١ ٥،٤٤ م
ماشاء الله مجهود رائع يافتوكه
بجد تسلم الايادى
انتى شطورة اوى
ماشاء الله
وممتاز التقييم

دودو4
فتكات هايلة

٢٤‏/٦‏/٢٠١١ ٦،١٣ م
تسلم ايدك ياقمر
آآآآآآآآآآآآآآآآآآآآآآآه لو تعرفي نفسي انط في بلاص المش ده واقعد معاه الست شهورر
وطبعا التقييم ممتااااااااااااااااااااااااااز

زوزو مهند مراد
فتكات هايلة

٢٥‏/٦‏/٢٠١١ ١١،١١ ص
تسلم ايديكى ياقمر بس ليه ملحوظة صغيرة
انا عملته بنفس طريقتك دى بس ماكنش عندى بلاص عملته فى برطمان بلاستيك
المهم بالنسبة للتنكار افضل حاجة انك تلفيه فى قطعة شاش وتحطيه فى قلب البلاص
بلاش تخلطيه بالمش
وبألف هنا وشفا وربنا يباركلك

ريمونتى
فتكات غالية قوي

٢٥‏/٦‏/٢٠١١ ١١،١٨ ص
عارفة لما نقول على واحدة ست بيت بجد
اهو انتى ماشاء الله لا قوة الا بالله ست بيت بجد
ممتاز وتسلم ايدك على الوصف والتصوير التفصيلى
ربنا يبارك لك فى صحتك ويمتعك بيها ويبارك فى ولادك

بونسيه
فتكات متميزة

٢٥‏/٦‏/٢٠١١ ١١،٥٧ ص
تسلم ايديكي

مشموشة 77
ملكة فتكات

٢٥‏/٦‏/٢٠١١ ١٢،٢١ م
ماشاء الله عليكى

تسلم ايديكى
عرض المزيد
اختر رقم الصفحة 1 2 3 4 5 6 7 8 9 29 الأخيرة >>
موضوعات مميزة

هاستوقفكم لحظة دعيت ربنا وقربت منه الحمدلله

رحلتي التاسعة حديقة الحيوانات بالملز (الرياض) (رحلة حقيقية وتجربة فعلية)

رحلتى الحقيقية الخامسة إلى جمصة(( رحلة حقيقية وتجربة فعلية))

يلا فتوكات اتوقعوا نتيجة لقاء الأهلي وطلائع الجيش في نهائي كأس مصر

رحله الى مقهى شعبى حكايه قديمه فى حاضر متجدد ( رحله حقيقيه وتجربه فعليه )

رحلة وراء شلالات نياجرا حملة للشطار واصحاب التجدد رحلة حقيقية وتجربة فعلية

رحلة خاصة على الجسر الأحمر في سان فرانسيسكو حملة للشطار واصحاب التجدد رحلة حقيقية وتجربة فعلية

نسالكم الدعاء بالشفاء لي بالله عليكي حتي لو مش هتدخلوا

رحلتي الحقيقة الثامنة وادي حنيفة بالرياض السعودية (رحلة حقيقية وتجربة فعلية)

ينفي عن الله تعالى صفة الوجود بدعوى أن كل موجود لا بد له من موجد أوجده! ..(نسمة المؤمن)

عشيرج رحله وذكرى من عبق الماضى ( رحله حقيقيه وتجربه فعليه )

رحلة مختلفة لمالية عاصمة المالديف حملة للشطار واصحاب التجدد رحلة حقيقية وتجربة فعلية

رحلتي السابعة في منتزة السلام الرياض ( رحلة حقيقية وتجربة فعلية)

السيرة النبويه بالعاميه الحلقه العاشرة

رحلة سفاري في ربوع القارة السمراء حملة للشطار واصحاب التجدد رحلة حقيقية وتجربة فعلية

رحلتنا الثامنه الى المركز العلمى ( رحله حقيقيه وتجربه علميه )

رحلتي السادسة الاهرامات وحديقة الحيوانات (رحلة حقيقية وتجربة فعلية)

نزهه فى شمال الكويت ( رحله حقيقيه وتجربه فعليه )

رسالة من شاب اتصل بالشيخ محمد الغليظ للبنات

صوره التقطها مصور فرنسى من الجو لحُجاج بيت الله وهم بالقرب من قرية الجحفة بالحجاز

مشرفات القسم
الفتوكات المتواجدات
الزائرات المتواجدات