مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

طفولة وأمومة

صحة الطفل و كل ما يهمه من ازياء و العاب و تعليم و رعاية و تربية

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 3 4 5 6 7 8 9 130 الأخيرة >>

رد 0 0
0
سوبر فتكات
قصة اتنين متجوزين واحد ( قصة اجتماعية على حلقات )

١٠‏/٢‏/٢٠١٦
قصص منتهية
حبيباتى كما وعدتكم القصة الجديدة بعد ترويض النمر

النهاردة حنحكى قصة اتنين متجوزين واحد اتمنى منكم التفاعل و ابداء الراى عشان الفائدة تعم

اختكم نهى الشهاوى


يدخل محمد الى البيت ليجد نور فى المطبخ و بدون كلام و لا سلام يدخل الى غرفته لتبديل ملابسة فيجد فى غرفتة البيجامة على السرير و الشبشب بجوارها و كل شئ مرتب و منظم فيرتدى ملابسة و يخرج الى الصالة ليجدها وضعت الاكل على السفرة فيجلس لياكل ثم يقول لنورا التى ا زالت فى المطبخ ( ايه انتى مش جاية تاكلى و لا ايه
نورا ( لا انا كلت قبلك
محمد ( طيب ايه حاكل لوحدى يعنى .......... طيب تعالى اقعدى معايا و انا باكل
نورا ( ثوانى بخلص المواعين و بعدين حجيلك ...........
محمد ( طيب الولاد فين
نورا ( كلهم كلوا بعد ما جم من المدرسة و دلوقت هما بيزاكرو
محمد ( طيب حنفضل نكلم بعض كدة من بعيد ما تيجى تقعدى ادامى مبحبش اقعد لوحدى
نورا ( بقولك بخلص المواعين عندى حاجات كتير لسة فى المطبخ .............. بقولك ايه اعلق على الشاى و لا لسة مخلصتش
محمد ( هو انا لسة اكلت عشان تعلقى على الشاى .........
بدا محمد يفقد اعصابة فهى تعلم انه لا يحب الجلوس بمفرده و يريد ان يشاركة احد الاكل فهو لا يعيش بمفردة فقال لها بشئ من العصبية ( هو انا عايش لوحدى متيجى دلوقت و بعدين ابقى اعملى اللى انتى عاوززاه بعد كدة
تاتى نورا بعد ان توقفت فى غسيل المواعين و لكن ما زالت ترتدى فوطة المطبخ و ايضا مشمرة كمامها و يدها بها الصابون تجلس امامة على السفرة و تقول له ( حاضى ادينى قاعدة ادامك اهو يلا خلص الاكل عشان اخد الطبقين دول اغسلهم
محمد ياكل فى صمت و نورا تتابعه كانها تعد الاكل عليه فيقول لها ( انتى حتفضلى بصالى كدة .....
نورا ( طيب عاوزنى اعمل ايه
محمد ( اتكلمى ......... قوليلى عملتى ايه النهاردة فى الشغل
نورا ( عادى زى كل يوم مفيش جديد
محمد ( طيب الحمد لله ........... و يصمت
تتذكر نورا ما تريد ان تقوله لزوجها فتتكلم بسرعة و تقول ( اه بالحق .......... شفت الواد محمود النهاردة طلع من المدرسة مبهدل نفسة و هدومة عشان اتخانق مع عيال فى المدرسة .......... و الواد مصطفى بيقولوا يجيب ولى امره عشان مستواه مش كويس فى الفصل
محمد و هو يضغط على اسنانة و ياكل فى صمت
نورا ( انت مش سامعنى
محمد ( لا سمعك بس اعمل ايه ؟؟ هو انا اللى بذاكرلهم .......... مش انتى المدرسة و كمان فى نفس المدرسة
نورا تتكلم بسرعة ( اه فى نفس المدرسة بس مش المفروض ان المدرسات يجاملونى عشان انا زميلتهم هما برضو من حقهم لما يكون حد ضعيف يستدعوا ولى امرهم
محمد ( خلاص روحيلهم و شوفى ايه المشكلة
نورا ( لا انت اللى تروح عشان هما عاوزين ولى الامر مش انا
محمد ( طيب انا عندى شغل و صعب اطلع عشان اروح المدرسة اللى انتى اساسا شغالة فيها
نورا ( يووووووه مش معقول كدة انا مش حعمل كل حاجة .......... حرام عليك
محمد محاولا السيطرة على اعصابه ( خلاص ....... انا حبقى اشوف حعمل ايه و اشوف مواعيد شغلى حتمشى ازاى
نورا ( يعنى حتروح امتى
محمد ( ربنا يسهل
نورا ( اه يعنى امتى
محمد ( لما ربنا ييسر و الاقى وقت اروح المدرسة
نورا ( طيب ........... و بقولك كمان عاوزة 200 جنية عشان اشترى لمى لبس انت عارف ان البنت بتكبر على لبسها و الصيف داخل و معندهاش لبس خالص
محمد ( حاضر حديكى الفلوس اللى انتى عاوزاها
نورا ( اه كمان بالحق
يقاطعها محمد و يقول ( خلاص بقا قومى شيلى الاكل و اعمليلى الشاى و انا حدخل قوضة النوم اريح شوية
نورا ( طيب حعمل الشاى و اجيبهولك
يدخل محمد الى الغرفة و راسه يؤلمة و يقول لنفسة ( يا ريتنى مكنت طلبتها تيجى تقعد معايا هيا الدنيا كلها مشاكل مشاكل كدة مفيش كلمة عدلة .............
تدخل نورا بيدها كوب الشاى تضعه بجوار السرير و تقول ( ها عاوز حاجة تانية
محمد ( لا الله يرضى عليكى اقفلى الباب خلينى انام شوية .......
تخرج نورا و هى تقول ( احسن نام عشان اعرف اتفرج انا على التمثيلية دلوقت الاعادة بتاعة حلقة امبارح
بعد ساعات طويلة يصحى محمد من النوم فينظر الى الساعة ليجدها التاسعة مساء فيخرج الى الصالة يجد نورا و الاولاد كلم يجلسون على السفرة و نورا تقوم بمراجعة الدروس فيوجه محمد الحديث لنورا ( انتى سيبتينى انام كتير قوى كدة ليه
نورا تنظر اليه و الشرر بتخرج من عينها ( طيب اعمل ايه دخلت عليك مرتين لقيتك فى سابع نومة
محمد ( طيب صحينى
نورا ( اتلهيت فى العيال و مذاكرتهم و انت مقلتش انك عاوز تصحى على طول
دخل محمد الى الحمام حتى ينهى الحديث العقيم الذى لن يؤدى الا الى ازمة اخرى فى البيت و يقول ( طيب خلاص اعمليلى كباية شاى و عشان نازل
نورا تلحقة الى الحمام بعصبية ( طيب و نازل رايح فين ان شاء الله دا الساعة بقت تسعة .....
محمد ( ورايا مشوار مهم لازم اخلصة
نورا ( متاخر كدة
محمد ( ما هو لو كنت صحيت بدرى كنت خلصت بدرى و مبقتش متاخر كدة زى ما بتقولى ........ حتعملى الشاى و لا اشربه برة
نورا بعد ان استدارت خارجة من الحمام ( لا اشربه برة احسن
يخرج محمد من الحمام ليجد نورا و قد حضرت الشاى ووضعته فى غرفة النوم و عندما يرى محمد هذا يخرج الى الصالة و يقترب من نورا و يقبل راسها و يقول ( طيب مهو كان من الاول و مختليش الواحد يتنرفز و لا ايه يا نونو ......
تنظر اليه نورا و تحاول التخلص من يده الملفوفة على كتفها و تقول ( انا بس بعامل ربنا وعشان كدة بسمع كلامك و بعمل اللى انت عاوزه مش عشان اى حاجة
محمد و قد تراجع خطوتين للخلف و يربت على كتفها ( طيب يا ستى ........ ربنا يرضى عنك
محمد بعد ان ارتدى ملابسة و يهم بالخروج يلتفت الى نورا و يقول ( عاوزة حاجة من برة
نورا لا تنظر اليه و تنظر الى الكراسات التى تراجعها ( هات لبن و عيش و جبنة و كمان شوف عاوز تاكل ايه بكرة و هاتوا عشان اطبخه ما انا الجارية اللى بتشتغل من غير اجرة
محمد يفتح الباب و يقول بصوت هامس ( استغفر الله العظيم ...

يخرج محمد بدون وجهة حقيقية لانه حقيقا لا يوجد مشوار مهم يريد ان ينجزة و لكن يريد ان يخرج نفسة من تورترة المستمر و ايضا لا يريد ان يفتعل مشكلة مع نورا التى اصبحت الان ام لثلاثة اطفال ترعاهم جيدا و لكن اهملت دورها كزوجة فاصبحت تلبى طلبات زوجها دون اى اهتمام واضح فاصبحت كالاله تنجز الطلبات و لكن لا تهتم بالاشخاص
يجلس محمد على القهوة و يطلب كوبا من الشاى ثم يتذكر قليلا حياتة السابقة مع زوجته لقد مر على زواجهم 15 عام عاش فيهم ايام جميلة و ايام ايضا تعيسة و يتذكر نورا كيف ضحت بالكثير من طلباتها حتى توفر له او ربما حتى لا تثقل عليه بالطلبات فهى فعلا ست بيت شاطرة و مدبرة و لكن .....................
يقطع سلسلة افكاره صديقة احمد الذى يجلس بجواره و يقول ( ايه يا عم انت فين بقالك كام يوم كدة مش بعرف اشوفك
محمد يبتسم ( لا ابدا شوية مشاغل ...... انت اخبارك ايه
احمد ( الحمد لله
محمد ( ايه يا ابنى مفيش جديد و لا ايه
احمد ( جديد ايه .........
محمد ( يعنى مش ناوى تدخل القفص قريب و لا ايه .......... عجبتك عيشة الوحدة دى
احمد ( يا عم انا لسة صغير على الهم دا
محمد يبتسم و يقول ( صغير ....... دا على اساس ان الاستاذ فى العشرين و لا ايه بالظبط
احمد ( لية هو انا قدك دا انا اصغر منك بخمس سنين .......... بس بجد انا ناوى فعلا اتجوز بس لغاية دلوقت ملقتش اللى تدخل دماغى
محمد ( اهى هيا دى الحجج الفرغة ......... شاور يا خويا و انا اجيبلك بدل البنت اتنين و ثلاثة
احمد ( لا شكرا منك قوى انا فيا عنين و اعرف ادور كويس مش عاوز واحدة حد يشاورلى عليها و يقولولى تنفعك ........ عاوز واحدة اقتنع بيها بعقلى مش قلبى بس
محمد ( بس العمر بيجرى يا احمد
احمد ( اعيش خمس سنين فى نعيم و لا اعيش عشرين فى ملل .......... يعنى هما اللى اتجوزو و عندهم 25 سنة عملو ايه ؟؟ ........ مهم قاعدين على القهوة برضو اهو و هربانين من نار البيت
محمد ينظر نظرة حادة لاحمد فهو لا يحب ان تثار اى امور شخصية امام الناس و يقول ( قصدك مين يعنى ؟؟
احمد ( قصدى اللى قصدى باه ......... المهم انت عامل ايه و اخبار اولادك ايه
محمد ( كويسين خلاص داخلين على الامتحانات بقا و كل سنة و انت طيب توتر لغاية ما يخلصوا و ياخدو اجازة الصيف
احمد ( طيب مدام انت فاضى متيجى نروح النادى الصبح بكرة الجمعة و مفيش شغل
محمد ( بس انت عارف الاولاد دلوقت فى امتحانات و صعب قوى الخروج
احمد ( يا عم بقولك خروجة عزابى مش عائلى
محمد ( مش عارف ربنا يسهل حبقى اكلمك و اشوف النظام ايه فى البيت
يرن هاتف محمد فيجد المتصل نورا فيرد قائلا ( ايوة يا ماما .... فيه حاجة
نورا ( اه هات معاك كراسة رسم لمى هانم عشان بتاعتها ضاعت و عندها حصة رسم
محمد ( طيب حاجة تانية
نورا ( لا بس كدة مع السلامة
محمد ( مع السلامة
ينهى محمد كلامة سريعا ثم يسرح قليلا و يقول ( ايه دا هو بس بتكلمنى عشان طلبات مفيش وحشتنى . حترجع امتى اى حاجة
احمد و قد ادرك ان صديقة مش فى المود ففضل الانصراف و قال ( طيب يا محمد اشوفك بكرة باه ان شاء الله
محمد ( طيب انت خلص مروح
احمد ( لا اروح ايه يا ابنى انا حشوف الجماعة ممكن يكونوا متجمعين فى بيت حد حبقا اروحلهم
محمد ( طيب ابقى سلملى عليهم
يتحرك محمد لشراء الطلبات ثم يدخل الى البيت ليجدة مظلم فيتحرك الى غرفة النوم ليجدها هى ايضا مظلمة و نورا فى سابع نومة فيحاول ايقاظها و يقول ( نون انت نايمة بدرى ليه
نورا ( بدرى من عمرك الساعة تيجلها 12 بالليل
محمد ( طيب مهو بكرة اجازة ........ خليكى سهرانة معايا
نورا ( لا انا من الساعة 6 صاحية و مش قادرة ابص ادامى و بعدين عشان اقوم اصلى الفجر
محمد ( طيب اسهرى معايا و بعدين نصلى الفجر سوا و ننام
نورا تنظر اليه متعجبة ( فجر ايه اللى حسهرلو ما انت نايم 4 ساعات و مش حاسس بحاجة لا المجهود اللى انا ببذله و دلوقت كمان عاوزنى اسهر
تربت على كتبه و تقول ( غير هدومك و استهدى بالله و تعالى نام احسن .......... افيدلك

يستيقظ محمد صباحا و براسة صداع رهيب فهو ارغم نفسة على النوم و ما زاد من صداعة انه وجد نورا و قد اشعلت جميع الاجهزة الكهربائية المزعجة فى البيت من غسالة الى مكنسة كهربائية الى كاسيت فيخرج و هو يترنح و يقول ( هو ايه انا نايم فين ايه الاصوات دى كلها
نورا و هى تقوم بتنفيض السجاجيبد فى البلكونة ( ايه فى ايه ......... الناس تصحى تقول صباح الخير مش تقوم تزعق
محمد و هو يطفى الكاسيت ( و هو الناس لما يكون فيه حد نايم مش تراعى الهدوء
نورا ( و البيت ينضف امتى ان شاء الله لما الفلبينية تيجى
محمد و قد فقد قدرة تحمله ( نورا هوا كل كلمة تريقة متقدريش تعيشى من غير البقين الحمضانين دول ......... امبارح تقولى الجارية و النهاردة الفلبينية هو مفيش واحدة بتشتغل فى بيتها
نورا بصوت عالى ( لا يا بابا كل واحدة بتشتغل فى بيتها بس بتلاقى اللى يراعيها و اللى يحافظ عليها مش كل حاجة زعيق و شخط و نطر عاوزنى اقولك ايه يعنى ........... بدل ما تصحى من النوم تساعدنى و ايدك تبقى بايدى عشان اخلص .......... لا متدايق قوى انى انضف البيت
محمد بعد ان انتزع فيشة المكنسة الكهربائية المتروكة تعمل و لا احد يستخدمها ( عاوزانى ايه اقول اغسيلك و لا انضفلك و لا تحبى اطبخلك
نورا ( و مالة لما تطبخلى و هو انا خدامة لازم تعمل كل حاجة و فوق دا كله اشتغل يعنى خدمة برة و خدمة جوة
محمد ( و هو مين طلب منك تشتغلى كفاية عليكى طلبات البيت و الاولاد و انا
نورا ( اه قول كدة باه يعنى عاوز خدامة و بس و بعد كدة تقول عليا متخلفة و مبهمش و كل اللى فى دماغى الطبيخ و الغسيل و الكنس و المسح
محمد و هو فى قمة عصبيتة ( و هو انتى يعنى مش متخلفة كدة
بعد هذه الكلمة ادرك محمد انه اخطا فى حق نورا فاخفض صوتة محاولا تهدا الجو و قال ( استغفر الله العظيم على الصبح مفيش كدة و الله
وقفت نورا تنظر اليه و هو يتحرك الى الحمام و عقد غرقت عيونها بالدموع فهى لا تصدق ما تسمعه فمحمد يتهمها بالتخلف بعد كل هذا العمر و ايضا لا يقدر حجم الاعمال التى تقوم بيها و ايضا ما تعانية نفسيا و عصبيا من تحمل مهام البيت و العمل ايضا
لم تستطع ان تمسك نفسها او تمنع دموعها من الانهمار فدخلت الى غرفتها و جلست تبكى بحرقة
محمد خرج من الحمام و هو مدرك مدى الخطا الذى اقترفة و فى نيته الاعتذار لنورا و عندما وجدها فى الغرفة اوقفها امامة و ضمها فى حضنة و قال لها بصوت منخفض ( كدة برضو تخلينى ازعلك
نورا بصوت باكى ( يعنى انا اللى غلطانة
محمد ( لا انا اللى غلطان و ستين غلطان كمان ......... متزعليش منى ............ و ادى راسك اهيه حقك عليا
نورا ( طيب و هو انا استفدت ايه
محمد يرفع رجهها بيده بحنية ( طيب اقولك متيجى النهاردة بلاش شغل البيت و نقضى اليوم مع بعض نخرج و نغير جو و بعد كدة نتغدى برة اهو منه اعتذار و منه تغير جو لينا برضو
نورا ( لا طبعا مينفعش
محمد و قد احتقن وجهه ( ليه باه مينفعش
نورا ( عشان اولا البيت لو متوضبش النهاردة حيفضل اسبوع كمان من غير توضيب ثانيا الاولاد قربوا على الامتحانات ومينفعش اخليهم يخرجوا
محمد بصوت حانى ( و ايه اللى جاب سيرة الاولاد متخليهم يذاكرو و احنا ننزل ساعتين تلاتة ........... و نرجع ليهم و لو على البيت يا ستى انا حوضب معاكى
نورا و قد انتزعت نفسها من حضن محمد ( توضب معايا ........ لا متشكرين منك قوى دا هو دا العذاب بعينة و بعدين العيال حتفضل تلعب و مش حتذاكر و انا بس اللى بعرف امسكهم ........... و فوق دا كله بلاش النحنحة دى احنا كبرنا على الكلام دا
محمد و قد اتصدم من كلمة نورا ( كبرنا ......... كبرنا على ايه يا حجة دا انا كلهم 39 و انتى 36 دا كدة اسمهم كبرنا
نورا تلمح لمحمد ان قد فهمت ما يصبوا اليه فتقول بدلع و لكن مصطنع ( و بعدين خلاص باه انا فهمت بالليل حكون جاهزة ........ و سيبنى باه عشان ورايا شغل كتير
تخرج نورا مخلفة ورائها محمد الذى ينظر باسبهلال لمكانها الفارغ الان ( ايه دا هو ايه اللى حتبقى جاهزة بالليل ........ هيا الحياه الزوجية كدة و بس ........ هو دا بس اللى بيربطنا ببعض ...........و بعدين اقولها نخرج و نغير جو و اساعدك فى البيت ....... تسيبنى واقف كدة و تقولى بالليل هو ايه اللى بليل ............ لا حول و لا قوة الا بالله
رد 643221 0
1569

seraloka
فتكات هايلة

١٤‏/٥‏/٢٠١١ ٢،٢٥ م
اولا : اشكرك كتير يا نهي علي اهتمامك انك تبعتيلي رسالة
ثانيا بقي: القصة تحفة طبعا........مادام من مبدعتنا الامورة...........بجد نورا شخصية سخيفة وللاسف الواحده ممكن تتحول ليها من غير ما تقصد........يعني من ضغط البيت والعيال وكمان الشغل بره........انا طبعا لسه اصلا ماكملتش سنة جواز......وطبيعي المشاعر لسه ماخملتش.......بس مش عارفة فعلا لو بقي عندي 3 عيال ممكن ابقي زيها ولا ايه.......بس الواحده برضه لازم تحاول تمسك نفسها شوية وتعرف حقوق جوزها علشان اكيد من اسم القصة محمد هيتجوز عليها .......لأنه طالما مش لاقي الاهتمام والحب من مراته جوة البيت........اكيد هيدور عليه بره...........شكرا يا نون علي الحلقة الجميلة..........تسلم ايدك بجد ........ومستنيين الباقي ......اه ......وادعيلي اقوم من الولادة بالسلامة...........تحياتي يا قمر

bossy cat alex
فتكات غالية قوي

١٤‏/٥‏/٢٠١١ ٢،٥٥ م
بجد مش عارفة أقولك مبسوطه قد إيه أنك هتكتبى قصه تانيه يا نهى بجد ترويض النمره دى عملت لى حاله مش عارفه أوصفها وبقيت بحلم بفارس اللى مافيش منه

متبعاكى وشدتنى القصه جدا جدا بس رجائى أنك ما تتأخريش علينا

ام سيف الدين
سوبر فتكات

١٤‏/٥‏/٢٠١١ ٣،٢٠ م
يدخل محمد الى النادى وحيدا فهو لا يريد ان يكلم احمد رغم انه اقترح عليه ان يذهبا سويا الى النادى فهو يشعر باحباط كبير جدا بعد ما حدث صباحا
اتخذ محمد مكان جميل فى النادى ليستمتع بالشمس صباحا و جلس تحت ظل شجرة ليقرا الجريدة و اسغرق فى القراءة حتى تنامى الى اذنه مناقشة جميلة بين رجل و زوجته فهم يتحدثون عن امور سياسية و كل واحد منهم يعرض رايه و استمر الحديث بينهم بين شد و جذب لمحاولة توصيل فكر كل واحد منهم للاخر حتى قطع حديثهم صوت طفلة صغيرة تريد من والدها نقود لتشترى الشكولاته فحملها ابوها بين ذراعه مداعبا ليذهب معها الى كشك الحلويات ليشترى اليها ما تريد و سمعه يقول لزوجته ( عاوزة حاجة يا توته اجيبهالك معايا
زوجته بدلع ( اه عاوزة شكولاته اشمعنا هيا يعنى
الزوج حاملا الطفلة قائلا ( يا سلام ما انا اساسا عارف انى عندى عيلين بس واحدة كبير شوية

حاول محمد ان يلتفت بشكل سريع حتى يرى هذه الاسرة التى سمع حديثهم فكان عنده فضول لمعرفة ملامح هذه الاسرة و بنظرة خاطفة وجد ان الزوج رجل ربما فى الثلاثين او اكثر قليلا و الزوجة ربما فى اخر العشرينات و طفلة صغيرة و بعملية حسابية صغير نجد انه قد تزوجوا فى سن ليس كبير او صغير فربما تزوج و الرجل فى اوائل الثلاثينات و الزوجة فى منتصف العشرين فسرح محمد قليلا لقد تزوج و هو فى سن 25 عاما و كانت نورا 22 عام ربما كانا صغيرين على ان يتخذا قرار الزواج او ربما كانا صغيرين ان يحملوا الاعباء فوصلوا الى حالة الملل الزوجى سريعا و هما مازال صغيرين
فارجع محمد نظرة سريعا عنه و قال فى سره ( ربنا يخليهم لبعض

جوجو سكرتيرة محامى
امبراطورة فتكات

١٤‏/٥‏/٢٠١١ ٥،٠٢ م
اولا : ميرسيه ليكى جدا جدا جدا انك نبهتينى بقصتك الجديدة برسالة حلوة منك
ثانياً : القصة فى منتهى الجمال وفعلا بتناقش مشكلة الستات كلهم
وللأسف الستات بطريقة لا إرادية بتبقى من نوعية نورا
الواحدة بتحلم انها تشوف شغل بيتها وطلبات عيالها وجوزها
لكن متبقاش آلة وبس .. بس ده اللى بيحصل للاسف
عيشة نورا مش حلوة نهائى ولازم تغيرها
لان المنظر ده معناه انه هيتجوز تانى
وده اللى باين من العنوان طبعاً ..
مبقاش فى حب بينفع ولا عشرة بتمنع الزوج انه يتجوز على حبيبة عمره
الراجل دلوقتى عايز واحدة ب50 روح
تطبخ وتغسل وتنضف وتشوف طلباته ومذكراة العيال
ولااااااااااااااااااااازم تدلعه وتهننه عشان ميحسش بالملل منها
والزوجة شايفة ان ده صعب لان شغل البيت بيستحوذ على وقتها كله
طيب يبقى ايه الحل بقى ؟؟؟؟
ربنا يستر
قصتك حلوة اوى اوى اوى يانوووووووون
كملى انا فى انتظار الباقى بفارغ الصببببببببببببببببر

princess $o$o
سوبر فتكات

١٤‏/٥‏/٢٠١١ ٥،٠٩ م
اولا ميررررسى اووووووووووووى ع انك اهتمتى وبعتلى مسج
ثااااانياااااا القصة هاااااااااااايلة وبنتاقش مشكلة مهمة جدا ملل الحياااة الزوجية اللى بينا الراجل الست لان اعمالها واحده طبيخ وغيسل وتربية اولاد ونسيت حق الزوجة وحقها ع نفسهاااااااا بجد فكرة ممتازه دايماااااااااااا رائعة وافكاره هاااااااااااااااااااايلة
والتقيم ممتاااااااااز

baby strawberry
فتكات هايلة

١٤‏/٥‏/٢٠١١ ٥،٤٣ م
أزيك يا نون
أنا كنت قريت قصة ترويض النمر كلها و أتأثرت بيها و كانت مليانه عبر فى معامله الأزواج لبعض بعد الجواز
و فرحت انى هتابع القصه الجديده من أولها ان شاء الله

baby strawberry
فتكات هايلة

١٤‏/٥‏/٢٠١١ ٥،٤٥ م
نسيت اقولك ان طبعا التقييم ممتاز

نورعينى95
فتكات هايلة

١٤‏/٥‏/٢٠١١ ٥،٤٦ م
اولا قصتك ترويض النمر هايله فعلا كانك بتتفرجى على مساسل تركى انا اول مره اقرالك ابتديت الجزء الاول من ثلات ايام وخلصتهم النهارده بجد روعه وحتابع معاكى القصه الجديده علشان بحب القرايه موت

samora.3s
سوبر فتكات

١٤‏/٥‏/٢٠١١ ٦،١٥ م
مبروك القصة الجديدة يا قمر
ودى واقعية اوى واكيد فى زوجات زى نورا كتير
منتظرين الجديد ان شاء الله

رولى20
سوبر فتكات

١٤‏/٥‏/٢٠١١ ٧،١٨ م
نوووووووون فرحتنى اوى رسالتك بالقصه الجديدة
معقولة لسة فكرانى
جميله اوى قصتك و حلو انك اخترتى الملل الزوجى عشان ناس كتيرة دلوقتى بتعانى منه و فى ناس كتير زى نورا بحس انهم باردييييييييين مفيش رد فعل رومانسى كدة الا كله صدمات صدمات بس يا ترى محمد هيستحمل كدة كان الله فى عونه
عرض المزيد
اختر رقم الصفحة 1 2 3 4 5 6 7 8 9 130 الأخيرة >>
موضوعات مميزة

صور من الحديقه القرانيه بدبي بكامرتي وحصريا مع نانا نزوله

الف مبروك للمشرفه المميزه ليلى 90 على حفيدتها الجميله نورت الدنيا النهارده

اصابع البطاطا بالجزر من مطبخ نانا نزوله

مخلل الزيتون وجماله مع البرنسيس اتفضلوا معايا الطريقه

مناقيش حبه البركه والجبنه لفطار بسيط ومع البرنسيس اتفضلوا معايا

بسكويت فيري مع بودنج شيكولاته وجيلي ومع البرنسيس اتفضلوا معايا

شورما الدجاج بالكزبره بتكاتي من مطبخ نانا نزوله

سورة يوسف..... ثق في تدبير الله... اصبر. .... لا تيأَس.

فكره للاستفاده من مساحه اكبر داخل الثلاجه من قنينه ماء فارغه بكامرتي وعمل يدي حصريا مع نانا نزوله

مقاسها كبير اه بس تاخد العقل من رقتها وطعامتها

الذباب أعجوبة في الخلق الإلهي

ألام بنتي

مربى الجزر روعه وريحتها جنان ومع البرنسيس اكيد اتفضلوا معايا

كرشة بيرو اول مرة واوووو ●

بيتزا بشكل الكب الكيك روعه وتشرف في العزومات ومع البرنسيس ●

مناقيش بالجبنه والزعتر والرايب بسيطه وسهله ومع البرنسيس

فطيره الضفيره بالجبنه مع نانا نزوله

كيف نحبب أبنائنا في رسول الله واتباع سنته

ادعو لزوجه اخي

طريقة عمل الكيكة المثلجة بطعم رائع علي طريقتي ومن مطبخي (محبه لله ورسول الله )

مشرفات القسم
مراقبات القسم
الفتوكات المتواجدات
الزائرات المتواجدات