مواضيع فتكات المميزة

المواضيع المميزة التي تكتبها العضوات و تختارها الادارة لتميزها كل اسبوع

اقتراحات لتطوير الموقع

أفكار العضوات لتطوير موقع فتكات

قسم المواضيع المكررة

قسم خاص بالمواضيع التي تضاف و تكون هناك موضوعات مشابهة سابقة لها

ثقافة و معلومات

قسم الثقافة و المعلومات العامة و المتخصصة

السياحة و السفر

قسم خاص بالسياحة والسفر ومعلومات عن الدول و الاماكن السياحية

تعليم اللغات

منتدى خاص بتعليم اللغات الاجنبية

Foreign Fatakat

Fatakat topics in other languages

الكمبيوتر و الانترنت

حلول للمشاكل التي تواجهنا في الكمبيوتر و الانترنت و معلومات مفيدة عنهما

موبايلات

كل ما يتعلق بالموبايل من اخبار و برامج و موديلات

اخبار الكمبيوتر والانترنت

منتدى خاص بأخر أخبار الكمبيوتر والإنترنت

اخبار

جديد الاخبار و الاخبار العاجلة في مصر و العالم

صور

صور في كل المجالات (دون ان يكون فيها ما يغضب الله)

فيديو

منوعات فيديو و افلام (دون ان يكون فيها ما يغضب الله)

تسجيلات صوتية

صوتيات منوعة (دون ان يكون فيها ما يغضب الله)

نكت و طرائف

جديد النكت و الطرائف

منوعات

جديد الترفيه من الاخبار و المنوعات والصور من كل مكان

العاب و مسابقات

العاب و مسابقات ترفيهية

مستعمل (سكند هاند)

سوق المستعمل بين عضوات فتكات

عروض فتكات

عروض وخصومات فتكات

مقارنات و تقييمات

مقارنات بين السلع والماركات المختلفة وتقييمات لها بواسطة العضوات

الاستثمار و اخبار الاقتصاد

تبادل خبرات العضوات في الاستثمار و الادخار و متاقشة تأثير الاخبار الاقتصادية عليهن

زهرات فتكات

عمرك اقل من 18 سنة؟ تعالي و دردشي مع صاحباتك في عالم زهرات فتكات!

إيمانيات الزهرات

نتعلم سويا ديننا واخلاقنا ونطور سلوكياتنا

اناشيد و اغاني اطفال

شاركي صاحباتك في الاناشيد والاغاني اللي بتحبيها

شات زهرات فتكات

شات للزهرات فقط، ممنوع دخول الكبار :)

تعليم و مدارس

قسم معلومات عن المدارس وتجارب العضوات معها

ركن المخطوبات

قسم خاص للمخطوبات و مواضيع تهمهن

معاملة الازواج

مناقشات و نصائح عن معاملة الازواج سعيا لعلاقة زوجية سعيدة

صحة طفلك مع نستله الأساسي (سنة - 10 سنوات)

صحة طفلك مع نستله الأساسي

صحة المرأة

مواضيع و مناقشات تهمك لصحتك حيث تهتم بتخصص النساء و الولادة

صحة العائلة

مجال الطب بصفة عامة لإفادة عائلتك وقاها الله و إياك كل شر

العيادة النفسية و التنمية البشرية

تعلمي كيف تنمين نفسك و مهاراتك و تتخلصين من المخاوف و العقد لحياة افضل!

الاعشاب و الطب البديل

فوائد الاعشاب و الثمار و كيفية التداوي بها و الطرق التقليدية للطب البديل

المنتدى الإسلامي

المواضيع الدينية و الفتاوى و الاستشارات

القرآن الكريم

انشطة حفظ القرآن الكريم و التفسير و التجويد

السنة النبوية

الاحاديث الشريفة و بيان الاحاديث الصحيحة و الاحاديث الموضوعة

الفقه الإسلامي

يتناول المسائل الفقهية والاحكام الشرعية المختلفة

السيرة النبوية

سيرة النبي محمد صلى الله عليه وسلم وغزواته

صوتيات ومرئيات اسلامية

دروس ومحاضرات ومواد اسلامية

معهد اعداد داعيات فتكات

دروس ومحاضرات وواجبات منهج اعداد الداعيات

تفسير الاحلام

تفسير الاحلام بواسطة العضوات ذوات الخبرة في الاحلام

الترحيب و الاجتماعيات

الترحيب بالمشتركات الجدد و التهاني بالمناسبات المختلفة و التعارف

دردشة و مواضيع عامة

المواضيع العامة و الحوارات التي لا تندرج تحت المنتديات المتخصصه

فضفضة و تجارب

طلبات المشورة و ابداء الرأي في المشكلات و تجارب العضوات مع الحياة

قضايا مجتمعية

منتدي لمناقشة جميع القضايا المجتمعية التي تهم المرأة والأسرة بصفة عامة

فتوكات الدول العربية

ملتقى بنات وسيدات الدول العربية في فتكات

المغتربات

قسم خاص بالمغتربات لتبادل الأخبار و الخبرات والفضفضة

شات فتكات

ابدئي محادثة جديدة او شاركي في محادثة موجودة من قبل

اختر رقم الصفحة 1 2 3 4 5 6 7 8 9 19 الأخيرة >>

رد 0 0
0
فتكات ست الكل
❀☀ لتشرق شمس احلامنا ...21 يوم ...في بحور السعادة ❀☀

١٠‏/٢‏/٢٠١٦
دردشة و مواضيع عامة



الحمد لله كما ينبغي لجلال وجهه وعظيم سلطانه

رقت عينايا شوقا ... ولطيبة زرفت عشقا... فأتيت الى حبيبي فاهدأ يا قلب ورفقا
....صــــــــلي على محمد .....
اللهم صل وسلم وزد وبارك على الحبيب
... سيد الخلق ومصطفاه وحبيب الله خير مبعوث بوحي الله ....



هنا تشرق
شمس السعادة بتحقيق احلامنا
هنا يضيئ الدرب بالأمل المشرف فتهفو نفوسنا لعناق لحظات التفوق


أسطر بمدادي حروفاً تتألق شوقاً وحنيناً الى أحبتي..
أولئك الذين ساندوني في كل مرحلة من مراحل رحلة الحياة..
إلى الذين زرعوا الأمل والبسمة في نفسي..
إلى الذي ملئوا حياتي سعادة وأنساً..
من كانت لهم أيد بيضاء في حياتي..
إلى أحبتي.. اهدي قلبي وحبي وتقديري


اهلا وسهلا بك يا ملكة متوجة على عرش التميز
مجرد وجودك هنا بين صحبة زهرات السعادة ولآلئ الفجر الباسم شهادة تقدير لك بانك انسانة متميزة
انسانة اختارت تغير حياتها للاجمل والأروع وتصنع منها رائعة من الروائع لتشرق شمس احلامنا لنعيش الرحلة الماتعة
في بحور السعادة

مدة الدورة
باذن الله 3 اسابيع تبدأ من السبت 8 مارس وتنتهي في الجنة باذن الله


فكرة الدورة
الالتزام يوميا باذن الله بتحقيق 21 انجاز لبرمجة العقل الباطن وصنع عادة النجاح والايجابية وتحقيق اي هدف مهما كان باذن الله

هدف الدورة
ان يكون يومنا رائعة من الروائع وتكون انجازاتنا اليومية شاملة لاهم اسباب السعادة والتعود على الانجاز باذن الله
مع التشجيع المستمر والتحفيز الدائم وكلنا ناخد بايدين بعض بايجابية وحب


اساسيات الدورة باذن الله

الاخلاص وحسن التوكل على الله وحسن الظن بالله
قبل ما تخطي خطوة في حياتك كوووولها اعملي التلاتة دول
خليها لربنا سبحانه وتعالى وحده ولا تهتمي بالمدح او الذم واعتمدي على ربنا بصدق واحسن الظن بيه انه مش هيخذلك ابدا


تحمل المسؤلية
نجاحك مسؤلية حياتك انتي وكوووووووووووووولنا اسباب تساعدك
لكن انتي صاحبة القرار الاول والاخير


استعدي تدفعي التمن
مافيش نجاح ابدا في اي قاموس الا لما تسبقه كلمة عمل
مافيش نجاح من الهوا .. لازم جهد وعطاء عشان يكون في نتيجة


امسحي من قاموس حياتك كلمة التسويف
عاهدي نفسك انك ما تأجلي اي مهمة عليكي مهما حصل .. انجزي
التسويف ضريبته عالية اوي كفاية انه بيسرق منك هدوءك الداخلي وبتفضلي قلقانة وحاسة بالذنب
وانتي عليكي مهام متأجلة ولازم تنفذيها

في حالة التكاسل الشديد عن اداء اي مهمة
اطلقي رصاصة الرحمة عليها
دقيقتين انجاز ... خفضناها بعد ما كانت 4
قومي فورا واعملي المهمة التقيلة على قلبك والمتكاسلة عنها لمدة دقيقتين وهتتشجعي باذن الله
وهتكمليها

لازم وحتما ولابد
الورقة والقلم
اقصر قلم رصاص اطول من اي ذاكرة
دفتر انجازك هو اهم صديق لك في الفترة الحالية
كل شئ سجليه في دفترك مهامك نجاحاتك تطورك كله كله


ارادة الفوز
لازم تمتلكي الارادة دي عشان تفوزي بتحقيق اي هدف تحلمي بيه
وهي
ايمان بالله وحسن ظن + هدف واضح محدد + عمل واجتهاد + اصرار ويقين في الفوز باذن الله
الفائز لا ينهزم ابدا
والانهزامي لا يفوز ابدا

المؤقت
حولي كل مهامك لمسابقة بينك وبين الوقت وخلي عندك اصرار انك دايما تكسبي المسابقة دي
اوعي لحظاتك تتسرق منك وانتي مش حاسة وتلاقي انجازاتك ويومك بقى سراااب

مش مهم كام مرة اخطأت او وقعت لكن المهم جدا جدا
كام مرة قدرت اقوم من تاني
لو حصل اي اخفاق في اي مهمة اوي يوم اوعي تهربي وتختاري الحل الجبان انك تبعدي عننا
استمري واصلي وقومي تاني مش مهم تقعي 7 مرات المهم انك تقومي في ال8

الغد يبتسم لأولئك الذين يستعدون له من اليوم
حاولي تجهزي كل ليلة لليوم التاني كل حاجة عشان يكون الانجاز سهل ولذيذ
ومش يضيع منك الوقت


كرري مرات ومرات ومرات بدون كلل او ملل حتى تترسخ بداخلك عادة النجاز والتميز والانجاز
حتى يكون النجاح جزء من تكوينك وعقلك وتفكيرك

ترتيب الاولويات مهم جدا جدا
تعرفي ايه المهم بالنسبالك وايه الاهم
ولازم تبتدي بالاهم فالاقل اهمية عشان تحافظي دايما على معدل انجازك مرتفع

ياريت يرجع العمر من تاني وانا كنت قضيت معاهم وقت اكتر وقريت لهم اكتر ولعبت معاهم اكتر
دي كانت ست في قمة قمة النظافة والاهتمام ببيتها وفي يوم اصحابها سألوها هي بتعمل كدة ازاي
ردت بأسى وقالت ان تركيزها الشديد على النظافة بس ضيع منها استمتاع بصحبة اطفالها وهما صغيرين
والاهتمام بيهم على الوجه الاكمل
اوعي حاجة مش مهمة تيجي على حساب حاجة اهم وتضيعي عمرك في الاقل اهمية


لو قلنا لك ان كل معلومة جديدة هتتعلميها يوميا ب 100 جنيه تفتكري هتتعلمي كام معلومة وهتعملي فلوس اد ايه
تخيلي ان معلومة واحدة ممكن تعرفيها ممكن تفيد حياتك باكتر من ملايين الجنيهات
ماتحرميش نفسك ابدا ابدا من انك كل يوم تكتسبي معلومة جديدة وتتطوري اكتر



الاستمتاع
اعملي كوووووووووووووووول حاجة مهما كانت صغيرة وانتي مستمتعة جدا
حتى لو مش حاسة بالمتعة تخيلي كما لو كنتي مستمتعة
لحد ما تتحول لعادة ليكي
انك تعيشي حياة في قمة اللذة في كل تفاصيلها الصغيرة قبل الكبيرة



هندعمك باذن الله على مدار الاسبوع انا وملكات التحدي بكل قوة من خلال دروس عميقة جدا تساعدك على
مواصلة النجاح والانجاز الرائع باذن الله

طبعا في مهام مش هتناسب الكل ودي هنحاول نعمل لها بدائل باذن الله

الموضوع هنا فقط للدروس والواجبات اليومية وممنوع تماما اي رغي من اي نوع او اي مشاركة غير مفيدة
وطبعا هتتمسح المشاركة في المرة الاولى ولو تكررت تستبعد صاحبتها من الدورة فورا وده طبعا للصالح العام
واحتراما للجدية ووقت الجميع في موضوع البيت الكبير باذن الله التقارير اليومية للانجاز والرغي والنقاش و و و


ياريت تكتبي الدعاء الرائع ده في اول صفحة في دفتر انجازاتك
ربنا يحفظنا جميعا بحفظه


اللهم اني استودعك نفسي وزوجي واولادي وصحتنا وعافيتنا
واهالينا وبيتنا واموالنا
وكل من احببنا فيك
وجميع ما انعمت به علينا
فاحفظنا واحفظ لنا يا من لا تضيع ودائعك
اللهم عافنا واعفو عنا

اللهم عاملنا بفيض كرمك وجزيل احسانك ولا تعاملنا باعمالنا يا ارحم الراحمين
اللهم اصلح لي العمل والنية والذرية واجعلني وذريتي ووالديي من ورثة جنة النعيم وكل عبادك المسلمين

اللهم امين

المهام ال 21 في المشاركة القادمة باذن الله



رد 35510 0
294

جنة التفاؤل
فتكات ست الكل

٧‏/٣‏/٢٠١٤ ٨،١٤ م
21 في 21

مهام يومية حاولي تلتزمي بيها باقصى طاقة عندك
واصلي استمري املئ روحك بالاصرار على الحصول يوميا على
الدرجة النهائية 21 من 21



المهمة الاولى
الاستيقاظ المبكر ... اول اسبوع باذن الله اخر وقت ليكي تصحي فيه هو الساعة 9 صباحا
والاسبوع التاني 8 صباحا والاسبوع الاخير باذن الله 7 صباحا
لو صحيتي بعد الوقت ده تتحذف درجة الانجاز


المهمة الثانية
اذكار الصباح والمساء
هتملا روحك بالراحة وهتحصني نفسك من الهموم والشرور والحسد وضيق الصدر


المهمة الثالثة
الصلاة على اول الوقت
لو عرفتي ان العمل البسيط ده من احب الاعمال للرحمن هتتأخري عنه ؟؟؟؟
صلاة الضحى
صلاة الوتر 3 ركعات

المهمة الرابعة
القرآن هو صاحبك الانتيم هو دوا روحك
لازم قبل اي حاجة تبتدي يومك بورد تلاوة على الاقل صفحة يوميا
وحفظ على الاقل اية يوميا
والحفظ والتلاوة مهمة واحدة عشان منتكاسلش عن اي واحدة فيهم

المهمة الخامسة
غسيل الاسنان يوميا في الاسبوع الاول ممكن نكتفي بمرة صباحا لل مستجدات في غسيل الاسنان
لكن الاسبوع التاني والتالت
ملتزمين بغسيل الاسنان مرتين صباحا ومساء ومضمضة على الاقل 3 دقايق ل 5 دقايق

المهمة السادسة
رياضة يوميا او رقص
في الاسبوع الاول مطلوب 10 دقايق
في الاسبوع التاني 15 دقيقة يوميا
في الاسبوع الاخير 20 دقيقة يوميا على الاقل طبعا

المهمة الثامنة
تمرين البرمجة النفسية الايجابية
التنفس العميق والتخيل الايجابي والاسترخاء مرة واحدة يوميا في اول اسبوع
ومرتين صباح ومساء في الاسابيع التالية
وكمان هنزل لكم تمارين جديدة باستمرار عشان ننوع ونستفيد اقصى استفادة باذن الله


المهمة التاسعة
تخصيص 5 دقايق يوميا للدعاء
بنية التعبد لله وبنية استجابة الدعاء
مع الخشوع الشديد و حسن اليقين وحسن الظن بالله في اجابة الدعاء

المهمة العاشرة
روتين جمالي
اهتمام شخصي ودلع وانوثة
كل يوم عايزة باذن الله تنتهي ال الاسابيع التلاتة
وكل ملكات التحدي قمراااااااااات وملكات متوجات على عرش الجمال والانوثة


المهمة العاشرة
شرب كمية مية يوميا لا تقل عن 12 كوب
منهم كوب على الريق ماء بليمون ال تحب تنقص وزنها
او ماء بعسل نحل للرشيقات وذوات المعدة الحساسة

المهمة الحادية عشر
سماع درس او محاضرة او قراءة في كتاب مفيد لمدة لا تقل عن 15 دقيقة
وياريت يكون في مجال جديد عليكي عشان تكتسبي معلومات جديدة وتطوري من فكرك
وتوسعي مدارك عقلك وثقافتك

المهمة الثانية عشر
للمتزوجات
ادخال السرور على الزوج
وخطوة يوميا لخطة اتجوزي جوزك من اول وجديد
اعملي حاجة تفرحه ولازم تكون حاجة تفرح عشان تاخدي الدرجة ههههه
ومش شرط تكون حاجة كبيرة ممكن اتصال تليفوني رقيق ممكن اكلة حلوة اهتمام دلع كدة يعني

ولعرايس المستقبل
هيكون الهدف ادخال السرور على اسرتها اخواتها وبابا وماما



المهمة الثالثة عشر
للامهات
20 دقيقة لاولادك تكوني فيها الام الصديقة المحبة مش الاشكيف المخيف
العبي معاهم اقريلهم هزري معاهم
اهم حاجة تكون تلت ساعة في قمة السعادة ليكي وللاولاد

ولبناتنا وامهات المستقبل
ممكن تعوض المهمة دي باي عمل ديني بدون ما تذكره وتحسب الدرجة لنفسها باذن الله


المهمة الرابعة عشر
بيتك جنة من النظافة والنظام والاهتمام على مدى اليوم
والمطبخ والحمام فلة شمعة منورة قبل ما تنامي مهما حصل
والبنوتات القمرات
ممكن تبقى المهمة دي لاودتك واغراضك الشخصية كتبك هدومك الخ الخ


المهمة الخامسة عشر
تقديم مساعدة للغير
او ادخال السرور على اي مسلم
او تبليغ اية او اي معلومة مفيدة لغيرنا
عشان ننقل الخير ال عندنا للكون كله وده الهدف الاجتماعي

المهمة السادسة عشر
الالتزام بنظام صحي
الدايت
للقمرات ال وزنهم زايد خطوة بسيطة في تقليل الوزن
التزام بادايت او مشروب حارق للدهون او لقيمات او او

للقمرات ال وزنهم محتاج زيادة
العكس
هتشوفي حاجة تزودي بيها وزنك وتهتمي بصحتك
وال وزنها ممتاز
تشوف مشكلة تانية في جسمها وتشتغل عليها يوميا
زي الشعر او او تتحسب لهم الدرجة بأكل شئ صحي سلاطة او فاكهة

المهمة السابعة عشر
نضارة الايجابية مهما حصل .. فكري بشكل ايجابي على مدار اليوم واي فكرة سلبية تواجهك
اطرديها فورا وارجعي لايجابيتك والتزمي بهدوءك وابتسامتك وتوقع الخير

المهمة الثامنة عشر
عمل صلة رحم .. اتصال بحد من القرايب اوزيارتهم والسؤال عنهم
ولو تعذر جدا نتيجة السفر او او
تدعي لاقاربك بظاهر الغيب

المهمة التاسعة عشر
التفنن في شئ يدخل السعادة على الاسرة
اكلة جديدة
مفاجأة سعيدة
هدية بسيطة
المهم ادخال السرور عليهم باي وسيلة وبدون ما تصعبيها على نفسك
ممكن حتى بنكتة تضحكهم هههههههههه


المهمة العشرين
استقطاع وقت خاص ليكي
للمرح
والانسجام النفسي
اعملي لنفسك حاجة بتحبيها دلليها بيها
عشان تطاوعك باستمرار وتساعدك على النجاح


المهمة 21
مفتوحة لكل واحدة تضيف فيها شئ اكون انا نسيته او شايفة انه مهم بالنسبة لها والمهام السابقة لم تتضمنه
تكتبه عندها وتحدد له درجة زي بقية المهام

الحمد لله والشكر انا خلصت





انا طبعا كتبت المهام دي
بعد عمل استفتاء شامل للجميع بالمهام ال يحبو يلتزموا بيها وعملت كوكتيل من كل الاراء وطلعت المهام دي
اعتقد انها مرنة تناسب الجميع واعتقد انها لو اتعملت كل يوم وباستمرار هنكون
في حياة هي رائعة من الروائع باذن الله

وكمان يهمني اراءكم او اي اقتراح لكن مش هنا في موضوع العيد
لان هنا ممنوع منع بات الرغي او النقاش

وهنا في الموضوع ده ب
باذن الله هتلاقوا كل الافكار والدروس ال فاتت والقادمة باذن الله ال هتساعدك على الانجاز المستمر باذن الله

جنة التفاؤل
فتكات ست الكل

٧‏/٣‏/٢٠١٤ ٨،١٥ م
خبيــــــــــــــــــرات دورة الســــــــــــــــــعادة
لسهولة التواصل معاهم
وتقديرا لمجهودهم الكبير
لهم منا كل الشكر والتقدير والحب




ملكة الجمااااال والانوثة
الجميلة سهام فيت دودو

ملكة الصحة والرشاقة والحياة الجميلة
دكتورة تــنـــــــــــــــــــــة

ملكة النظافة والنظاااام
خبيرتنا الشطورة مروة ام البنين

ملكة التربية الايجابية
اختنا القمر حبيبة الكل نور

ملكة المطبخ وابداع الاكلة الحلللوة
خبيرتنا المبدعة
نهى

ملكة الحفظ والتلاوة
اختنا الغالية
العسولة ام العسول
توتا

وانتظرو انضمام خبيرات جديدات معانا باذن الله
في مفاجآت كتير سعيدة باذن الله

واخيرا معاكم اختكم الصغيرة في المقام
جنة التفاؤل
في الجانب النفسي والتطوري



واخيرااااااااا

ده التصميم ال عملته لنا اختنا الجميلة سمية
للدورة
ال تحب تخليه في توقيعهااااا
او ال تحب تضيف اي توقيع يحسسها بمعنى الدورة
براااااااااااحتكم






جنة التفاؤل
فتكات ست الكل

٧‏/٣‏/٢٠١٤ ٨،١٥ م



الدفتر الجميل ده للقمر ام ايما
وهنعمل فيه ايه
في اسئلة كتيييير عن تقسيمة دفتر الانجازات

احنا هنجيب الدفتر وليكن مثلا 60 او 80 صفحة او اكتر




وهناخد جزء منه في الاول ممكن صفحتين مثلا
وهنكتب فيه كل المهامة اليومية ال 21 ال هنلتزم بيها باذن الله كل يوم

وبعدها هناخد باذن الله 21 صفحة
كل صفحة نخصصها ليوم من ايام الدورة باذن الله

الصفحة هنكتب فيها ايه 3 حاجات

اولا نكتب الدرجة ال احنا اخدناها النهاردة ... درجة الانجاز ..
المفروض اني مطلوب مني 21 انجاز
هشوف انا عملت منهم كام ؟؟؟
لو عملتهم كووووووووووولهم ودي الشطورة حبيبة قلبي طبعا
هتكتب لنفسها الدرجة كاملة 21 من 21
ولو مثلا عملت 15 مهمة بس يبقى درجتها 15 من 21

ثانيا نكتب اهم 5 انجازات عملناهم في اليوم ده
وماتكونيش بخيلة على نفسك افرحي بانجازاتك واكتبيها
عشان تبرمجي عقلك الباطن على الانجاز والتطور المستمر

واخر حاجة هتكتبيها في الصفحة
فكرة نونو تكتبيها تطوري بيها اداءك بكرة.... اليوم التاني للانجاز باذن الله
وتتحسني بيها ولو بنسبة قليلة جدا

والدفتر ده اقوى برمجة تعمليها لعقلك الباطن لانه طول الوقت هيفكر
في النجاز والانجاز وازاي يخليكي تتحسني وتتطوري للافضل باستمرار
وهيخليكي مشغولة عن اي حاجة سلبية باذن الله

وكل ده هحاول انزل صوره هنا باذن الله

وكل ال تفهم الفكرة وتنزلها تنزل صورها فورااااااااااااااااااااااا

لاننا عايزين تطبيق عملي مش كلام وخلاص

احبكن كثيراااااااااااااااااااااااااااااااا

كل ال تحل الواجب تاخد مني الهدية النونو دي




وهنزلكم صورة واضحة لتقسيمة الدفتر باذن الله




جنة التفاؤل
فتكات ست الكل

٧‏/٣‏/٢٠١٤ ٨،١٦ م

الأصــــــــــــــــــــــــرار
ســـــــــــــــــــــــــــــــــــــــر النـاجــــــــــــــــــــــــــــــحين الأول


كتير بنفكر ليه في ناس ناجحة وبتحقق كل حاجة هي بتتمناها وبتكون القمة في كل شئ و على العكس في ناس كتير عايشة على الشكوى و مجرد التمنى و بيفضلوا للاسف عايشين على امل انهم ينجحوا وطبعا عمر ده ما بيحصل


ليه في ناس كتير بيحلموا انهم ينجحوا ويكونو اغنى واشطر سواء في الدراسة او الحياة و بيحلموا يحققوا حاجات كتير في حياتهم زي مثلا انهم يحفظوا قرآن يتعلموا لغة يربوا اولادهم كويس يشتروا شقة في مكان راقي يعملو مشروع يوصلوا للوزن المثالي و .... و ..... وفعلا يبتدوا وياخدو الخطوة الاولى وهما في قمة الحماس ويوم او يومين وتبتدي شعلة الحماس تنطفئ شوية بشوية لحد ما تختفي خالص ويرجعوا لنقطة الصفر


وعلى العكس في ناس بتحدد الهدف و تحوله للفعل وتشتغل عليه لحد ما يتحقق وتروح لهدف بعده اكبر وبعده هدف اكبر وهكذا في سلسلة من النجاحات المتتالية التي لا تتوقف وبيصنعوا معجزات تذهل الاخرين

ايه السر بين الفريق الاول والفريق التاني في حين انهم ممكن يكونوا مشتركين في نفس الامكانيات والبيئة ؟؟؟

السر الاهم هو الاصرار
عارفة يعني ايه يكون شعار حياتك
هعملها يعني هعملها مهما كان وتحت اي سبب

عارفة يعني ايه يكون شعار حياتك

هحبط الاحباط و هزهق الزهق وهيأس اليأس لحد ما ييأس مني انه يبعدني عن هدفي




ده السر باختصار
هحقق هدفي مهما كان وتحت اي سبب
وهستمر وهواصل وهفضل ورا هدفي لحد ما اوصله مهما حصل


عرفتي السر .....؟؟؟؟؟

كوني من الناجحين
كوني من المتميزين
حققي هدفك مهما حصر
صري على هدفك
واصلي التحدي
الالحاااااااااااااح على الهدف
توقفي فقط عندما تحققي هدفك

جنة التفاؤل
فتكات ست الكل

٧‏/٣‏/٢٠١٤ ٨،١٨ م

الحـــــــــلوة دي قامت تنـــــــــــــــجز في الفــــــــــــــجرية


الكتالوج الرباني ال ربنا سبحانه وتعالى خلق بيه الانسان
ان الليل للسكن والراحة والنوم العميق
اما النهار للحياة والشغل والانطلاق والسعي في الارض

كل الكائنات والمخلوقات غير الانسان التزمت بالنظام الرباني ده
الطيور مثلا تنام في ميعادها وتقوم بمنتهى النشاط مع الفجر تملا الدنيا حركة و نشاط

لكن الانسان المسكين ال دايما بيظلم نفسه عكس نظام الكون
وشقلب حياته اصبح نشاطه في وقت السكون ونومه وكسله في وقت العمل

ومعاها للاسف كل حاجة اتشقلبت
وراحت البركة و الرزق والنشاط و الصحة و التناغم مع الكون والقوانين الربانية

ايه رأيك تقولي نقطة ومن اول السطر
وشعاري الجديد
هو
حياتي تبــــــــــــــــــــــدأ مع نسمات الفجـــــــــــر الجميل


عارفين ليه
عشان في الفجرية في
هتكوني طول يومك في ذمة الله بصلاتك للفجر وكمان
البركة
الرزق الكتير
الصحة ومقاومة الامراض
النشاط والانطلاق
هتنجزي كتيييييييييييييييييييييير من غير ما تحسي (شغلانة البدرية منسية )
هتستمتعي باحلى نسمة في الصباح والهواء العليل
وهتشوفي يوم جديد قمة في الروعة بيتولد
وشمس النهار الجديد هتملا روحك بالبهجة و الانتعاش
هتتناغمي مع الكون و هتجذبي لحياتك التناسق والنظام والروعة


مين هتغير شعارها من دلوقتي وهتكون معانا في الحلوة دي قامت تنجز من الفجرية ؟؟؟؟


خديها خطوة خطوة لحد ما تتعودي ابتدي قللي ساعات سهرك .. ادخلي سريرك بدري مهما حصل
قاومي نفسك في الصحيان
ولما تتعودي باذن الله هتلاقيكي بتقومي تلقائي بمنتهى منتهى السهولة

واخر حاجة البكور هو عادة كلللللللللللللللللل النجاحين والمتميزين على مستوى العاااااااااااااااااااااااااالم
كوني منهم
كوني منهم
كوني منهم
كوني منهم
كوني منهم
كوني منهم

جنة التفاؤل
فتكات ست الكل

٧‏/٣‏/٢٠١٤ ٨،١٨ م

اقصــــــــــــر قلم رصاص
اطول من اي ذاكرة مهما كاااانت

علمونا في بلادنا النايمة او النامية .... مش هتفرق كتير .... الفكاكة



علمونا ان كل حاجة للاسف بتمشي بالفكاكة والفهلوة ... والعلم في الراس مش في الكراس
و ان ال عنده اهداف ومعاه نوتة مهام ده حاجة اووووفر وكأنه جاي من كوكب تاني او انه دحيح قديم ....للاسف
وكانت النتيجة ال متخفاش على حد ان الجهل وانعدام الرؤية وفقد الدافع للانجاز اوكا واورتيجا وعبده موتة
هما دلوقتي رجال المرحلة

ايه يا جنة انتي هتقلبي علينا المواجع ولا عايزة تدينا حصة تاريخ ؟؟؟

نو ابسيلوتلي
انا عايزة انسف الفكر المتخلف القديم وعايزة كلنا نطلع لساننا للجهل و العادات المقيدة ولكل سارقي احلامنا ومستقبلنا الراااائع


من النهاردة ومن اللحظة دي
اوعي تمشي من غير ورقة وقلم ..نوت صغيرة ..فيها كل اهدافك وخططك ومهامك اليومية اوعي تعيشي بالفكاكة
عيشي بالعلم
اليابانين والامريكان والاوروبين لما تقدموا ونجحوا واخترعوا حاجات مذهلة بتخلينا مش مصدقين هما عملوها ازاي
ما كانوش زايدين عننا في حاجة الا العلم واحترام العقل اعظم هدايا ربنا لينا

عشان خاطري
من النهاردة
صادقي الورقة والقلم والمؤقت
اوعي ابدا يعدي يوم من غير ما تحددي كل مهامك مكتوبة بالورقة والقلم وكمان بالوقت ال هتنجزيها فيه
وخليها عادتك الدائمة اليومية


وده لانك تستحقي تكوني ناجحة ومتميزة وتعيشي في بحور السعادة والتميز

وده طبعا بند رئيسي من اهم اهم بنود دورتنا

جنة التفاؤل
فتكات ست الكل

٧‏/٣‏/٢٠١٤ ٨،٢١ م

الام المحـــــــــــــــبة الصديقة
والام الاشكـــــــــــــيف المخيف

علاقتنا باولادنا اخبارها ايه ؟؟ بيحبونا ؟؟ احنا اصحابهم بجد ؟؟ طيب احنا بنربي بجد ولا بنعلف ونحفظ وبس

فاكرين الام زمان .. نينة .. شايفين كانت طيبة ازاي وشايفين كان اولادها بيحبوها وبيحترموها بجد ازاي طب شايفين الام
دي ال ماكانتش متعلمة ولا مثقفة ولا درست علمة نفس ولا ولا لكن كان اولادها في قمة الاخلاق والنجاح والاتزان النفسي

طيب ايه ال حصل لامهات اليومين دول ؟؟؟؟؟؟؟

للاسف الشديد .. احنا المفروض اننا بنروح مدارس عشان نتعلم لكن للاسف ما بنتعلمش حاجة او يمكن بنتعلم بالعكس
محدش علمنا ازاي نربي ولادنا صح ازاي نكون الام المربية الايجابية المثالية المحبة والمحبوبة في نفس الوقت من اولادها

وعشان كدة احنا هنا في جروب التحدي قررنا نقول استوب ... هنتحول من الام الاشكيف المخيف ال بتشخط وتنطر
وال بتعلف و بتهدم وال بتمثل ... خلي بالك من كلمة الام الممثلة لان في ناس كتيييييير بتمثل حب اولادها واهتمامهم بيهم
وهما للاسف بيدمروهم وبينسفو شخصياتهم

مبدأ اساسي من مبادئ دورنا هنقرر نكون الام المحبة الصديقة لاولادها ال تعرف تطبطب وتضم وتحتوي وتعلم وتربي صدق مش تمثيل وكدة وكدة

هيكون بند رسمي باذن الله من الدورة انك تلعبي مع اولادك وتصاحبيهم ولازم مدة متقلش يوميا عن 20 دقيقة

اضحكي معاهم
اقري معاهم قصص
العبي معاهم استغماية واجرو ورا بعض في الشقة بس اوعى حد يسمعكم احسن يتصل بالعباسية
اتفرجي معاهم على حاجة بيحبوها
هزري معاهم
اتعلمي العابهم الحديثة بلاي استيشن كمبيوتر جيمز وغيره وغيره
شاركيهم اهتمامتهم
واهتمي بقصصهم التافهة واسمعيها بكل كيانك وكأنها محاضرة اهم دكتور كان عندك في الجامعة

كوني ام حبوبة صديقة طيبة عسولة صغيورة حتى ولو عملتي ده مدة ال 20 دقيقة بس

انتي بنفسك هتكتشفي مدى التأثير الايجابي والسعادة الحقيقية عليكي انتي اولا ثم على اغلى استثمار في عمرك
على حصالتك ال بتحوشي فيها السعادة والخير لبكرة
على اولادك حبايب قلبك ونور عينك





ومع الوقت هنطور العلاقة من صحوبية لحب لتربية لايجابية ل ل ل
لحد ما يكونوا اولادنا صورة لاحلامنا ال بنتمناها واكتر باذن الله


جنة التفاؤل
فتكات ست الكل

٧‏/٣‏/٢٠١٤ ٨،٢٢ م

بخاخة الانتــــــــــــــــــــــعاش و رش الوحـــــــــــــــــــــــــوش


كان في طفل صغير بيعيش مع امه في بيت له حديقة كبيرة وبالقرب من شباك اودة نومه كان في شجرة كبيرة واغصانها كتييير وكانت الاغصان متكاتفة وملتفة بشكل عجيب ولما كان يقرب الظلام كان الطفل ينظر من شباك غرفة نومة فيشوف ظل الشجرة وكأنه مجموعة كبيرة من الوحوش المتجمعين مع بعض وبيستعدوا عشان يهاجموه.... عقل عيال

وطبعا الولد كان بيصيبه حالات متكررة من الفزع والرعب والصراخ من الوحوش

الام الذكية فكرت في فكرة بسيطة .. جابت له بخاخة وملتها بالمية وقالت له دي بخاخة رش الوحوش ويالا بدل ما تتجمع الوحوش نهاجمها بسرعة ونتغلب عليها
واقنعت الولد بالفكرة وبقى كل ما يخاف ياخد البخاخة ويرش الشجرة ..

لا الشجرة مشت ولا الاغصان والظلال اتغيرت لكن هو قتل الوحوش الوهمية ال كانت جواه واتغلب على خوفه وقاوم وحش اوهامه ال اقوى من اي وحش حقيقي بالفعل

طيب يا جنة انتي بتحكي لنا حدوتة قبل النوم .........؟

لا طبعا ابسيلوتلي ... انا عندي رسالة مهمة ... ان كلنا باختلاف اعمارنا وافكارنا وظروفنا ... كلنا عندنا وحوش وهمية
بتهاجمنا من وقت للتاني عشان تخوفنا وتسرق فرحتنا وهدوءنا النفسي وسلامنا الداخلي
زي مشكلة معينة تحصلنا فجأة او فقد حاجة عزيزة علينا او زوج نكدي او اطفال بيربونا قبل ما نربيهم او ضائقة مالية
او حماة اميرة الامرا او اوا او

انا عارفة ان في طرق كتير لمواجهة كل ده واكيد كلنا عارفينا لكن المرة دي هعلمكم جديدة حاجة مرتبطة شوية بالبرمجة النفسية والعقل الباطن



انتي هتشتري البخاخة القمر دي وياريت تختاري نوع كويس عشان تعيش معاكي ويكون شكها يفتح النفس



هتمليها مية وعليها ربع كوباية ماء ورد وياريت يكون من نوع كويس ومضمون
وهتحتفظي بيها في التلاجة عندك وطبعا تجددي المية دي كل ما تخلص

ولما تواجهك اي حاجة من الوحوش .. زعل .. ضيق .. نكد .. عصبية .. احباط ..اي افكار سلبية

هتروحي بهدوء على تلاجتك وهتجيبي بخاخة رش الوحوش وهتغرقي وشك وتتخيلي انك بتغسلي كل ال مضايقك وبتهاجمي كل ال بيزعلك
ولو داومتي على كدة هيحصل رابط مهم للعقل الباطن انك مسيطرة على نفسك وانتي ال بتتحكمي في اي موقف صعب وده مع الوقت هيزود ثقتك في نفسك ويزيد قوتك على التحكم والسيطرة
وتكوني انتي باذن الله اقوى من اي وحوش

ملحوظة

المية تكون ساقعة .. ودي فكرة رائعة مأخوذة من القرآن عن احد الابحاث ال اتعملت على امر ربنا لسيدنا ايوب لما اصابته الامراض والعلل و الهموم والاحزان ولما دعا ربه

ربنا امره بالاغتسال بالماء البارد ( اركض برجلك هذا مغتسل بارد وشراب ) سورة ص

ان الماء البارد ماء شفاء وبركة

وطبعا ماء الورد مفيد جدا للبشرة واسألوا سهاااام

وبكدة يا ستي كمان عملتي اتنين في واحد على طريقة جروب التحدي اتخلصتي من الوحوش وانعشتي بشرتك

اعملي بخاختك النهاردة واوعي تسمحي ابدا الا من الوحوش الوهمية او الحقيقية انها تسرق منك اي لحظة حلللوة
واحتفظي دايما بابتسامتك وايجابيتك واقبالك على الحياة




جنة التفاؤل
فتكات ست الكل

٧‏/٣‏/٢٠١٤ ٨،٣٦ م
تجربة السعااااادة


هعلمك حاجة حللللوة وبجد باذن الله نفسيتك باذن الله هتتحسن على مدى اليوم
النهاردة باذن الله هنتعلم معنى الاسترخاء والتأكيد الايجابي

اعرفي الاول هتستفيدي ايه لما تتعودي على الاسترخاء والتنفس العميق

باذن الله مع التعود هيتحقق لك حاجة مهمة جدا جدا وهي انك

هتقدري تتحكمي في نفسك
هتقدري تتغلبي على عصبيتك وعلى اندفاعك
هتستمتعي بصفاء الذهن والتركيز
قدرتك على الفهم والحفظ والاستيعاب هتتضاعف
هتقوي جهاز مناعتك في مقاومة الامراض
هتحسي بانك خفيفة ومنطلقة منتعشة باستمرار
هتحسي ان قدرتك على مقاومة اي حاجة تزعلك بتزيد باستمرار
لو عندك مشاكل في البريود بسب التكيسات هتتحسن جدا
هتحسي انك قوية وعندك ثقة في نفسك
لو عملتيها صح ... باذن الله هتغرقي في بحر من الراحة والسلام الداخلي والهدوء النفسي

وغيره من الفوائد التي لا حصر لها وتقدروا تعملوا بحث على فوائد الاسترخاء والتنفس العميق على النت وتشوفوا
كم الروووووووووووووعة


نعملها ازاي يا جنة

هقولك ابسط ابسط الطرق باذن الله لاننا لسة في الخطوات الاولى في الطريق

ياااالا بينا

حاولي تختاري مكان هادي ومريح ليكي
وانا بفضل بعد الصلاة لان كم الطاقة الايجابية عندك بيكون عالي
ممكن تمددي على الارض بعد ماتقولي اذكار الصلاة
او على اي كرسي مريح عندك
وممكن لما تتقدمي اكتر تستخدمي الاسترخاء المائي وهمي

و

حاولي تهدي نفسك خاااااااااااالص وحاولي ماتفكريش الا في لحظة سعيدة اوي مرت على حياتك
يوم نجاحك او خطوبتك او اول مرة تشيلي فيها اول بيبي ليكي او اول مرة تشوفي فيها الكعبة او او او
المهم انها تكون ذكرى حلوة وتسعدك وممكن انتي تتخيلي لحظة حلوة زي المطر او الغروب مثلا

و

ابتدي خدي نفس عميق بهدوء 1..2...3..4 ممتاااااااااز
احتفظي بالهوا جواكي لمدة ثانيتين 1..2
ابتدي فرغي الهوا ... اكنك بتطفي شمعة ... بهدوء شدييييد في البداية خرجيه في 6 ثواني
1..2...3..4..5..6 ممتااااااااااااااز
وعشان تعرفي انتي بتتنفسي صح ولا لا لازم تلاحظي ان بطنك بتطلع لفوق شوية مع الشهيق وتنزل مع الزفير
زي البيبي وهو نايم تنفسه بيكون صح مية في المية


كرري الحكاية الرائعة دي 10 مرات وبعدها حاولي تهدي كل عضلاتك خاااااااالص حسي ان جسمك تقيل اوي
وانه زي الحجر وانك مش قادرة تحركيه من مكانه
وفي الوقت الرائع ده


ابتدي قولي لنفسك وبشويييييش
انا سعيدة
انا سعيدة
انا سعيدة
انا سعيدة
انا سعيدة
انا سعيدة
انا سعيدة

كرريها لحد ما تحسي فعلا انك سعيدة وان الفرحة بدأت تسري في روحك

وهتحسيها لما تلاقي بسمة حلوة بتترسم على وجهك الجميل وكل الصور الرائعة بتتداعي على تفكيرك
كدة انتي نجحتي ابتدي ارجعي للدنيا والحياة من تاني لكن بروح جديدة سعيدة منطلقة وبهدوء وسكينة وراحة داخلية في قمة الروعة والجمال


واهم حاجة الصبر واحدة واحدة باذن الله هتتمكني من كل حاجة وهتحصلي على النتيجة المطلوبة

ده واجب بكرة باذن الله ومعاه هنعمل كل الواجب ال عملناه امس باذن الله


جنة التفاؤل
فتكات ست الكل

٧‏/٣‏/٢٠١٤ ٨،٣٨ م
البــــــــــــــــــــــــــركة

سر من الاسرار
لا يعرفها الا من ذاق حلاوتها
مع البركة يتحول القليل لكثير ومع البركة تجدي الخير والوفرة والسعة
البركة في النفس والمال والاهل والولد والممتلكات شئ قمة قمة في الروعة


لو عايزة تجذبي البركة ليومك كله ابتدي صح

اصحي بدري
صلي الفجر على وقته
قولي اذكار الصباح وطبعا المساء
اقرأي في كتاب ربنا ولو حتى صفحة واحدة
احفظي ولو اية واحدة من القرآن
افتكري نعمة من نعم ربنا عليكي وفكري فيها بكل جوارحك واشكري ربنا عليها بكل ذرة في كيانك
التنفس بعمق والتشبع من الطاقة الايجابية بالتفكير في الخير والسعادة والافكار الايجابية
حافظي على وضوءك وجدديه باستمرار
صلي على اول الوقت


وده باذن الله يكون الروتين الصباحي لجلب البركة ليومك وانتي بنفسك هتشوفي مدى الراحة النفسية والخير ال هتحسيه


وهنا في الجروب باذن الله هنساعدك في تمرين الامتنان والشكر الصباحي وهنفكرك بنعم كتير
كلنا بنستمتع بيها بدون ما نحس وبدون ما نشكر ربنا عليها

وكمان هعرفك ازاي تتنفسي وتسترخي وتفكري في السعادة

وانتي يا قمرايتي دورك ايه ؟؟؟؟؟؟؟
عليكي بالالتزام ثم الالتزام ثم الالتزام باذن الله






للاسف انا شايفة معاناة اختنا توتا مع ملكات التحدي في تمام التلاوة والحفظ
سواء هنا او الواتس
وده طبعا شئ يزعل

لو ماكانش كلام ربنا هو اهم كلام في حياتنا
تفتكروا اي كلام غيره ممكن يفيد

استمتعي بمسك المصحف
خلي عيونك تتحول لكاميرا وشبعيها من النظر في حروف وكلمات القرآن
-- على فكرة دي عبااااااااادة تاخدي عليها حسنات باذن الله --
خلي اول عمل عندك بكرة وكل يوم باذن الله وقبل اي عمل تاني مهما كان هو تلاوة صفحة من كتاب ربك
حبي القرآن غرقي قلبك بحب كلام ربنا
اوعي ابدا ومهما حصل تهجري كتاب ربنا او يعدي عليكي يوم من غير مايكون لك عهد بيه
عشان ييجي لك في القبر يونس وحدتك ويصاحبك زي ما كنتي بتصاحبيه في الدنيا
ش
ده هيكون واجب ثابت من بكرة باذن الله وطووووووووووووووول ال 21 يوم وطووووووووووووول العمر باذن الله
مع التحسن المستمر من تلاوة لتلاوة وتفسير لحفظ وتدبر آيات الرحمن
لحد مانقابل ربنا سبحانه وتعلى والقرآن تام في صدورنا باذن الله


عرض المزيد
اختر رقم الصفحة 1 2 3 4 5 6 7 8 9 19 الأخيرة >>
موضوعات مميزة

شباشب للبيت جميله وشيك مع نانا نزوله

عش الزوجية ليس بأمان معكـ

استفتاء ( مسابقتنا عن القضايا المجتمعيه وجوايزنا غييييير عادية ) برجاء المشاركه بالتصويت

بوتات لاطفالك الحلوين مع نانا نزوله

✿ برنامج لقاء الفتوكات مع Narly الحلقة الواحد وثلاثون ✿ حلقة المفاجأت شاركينا

❤ برنامج لقاء الفتوكات مع Narly الحلقة الثلاثون ❤

محتاجة مساعدتكم ودعواتكم كتيييييييييير

❤ تكريم مشتركات مسابقة البيبى جه و شرف العيله و خلاص هكون ام مسؤوله ❤

✿ برنامج لقاء الفتوكات مع Narly الحلقة التاسعة وعشرون ✿

مشكلتكـ تعالي نحلها بهدوء خليكي متفائلة مع : Narly

ريفيو عن مكواه الشعر ازاى تستخدميه وتعمل لشعرك احلى التسريحات (مثبت)

لمسه فتوكه من اجل مواضيع متميزه دايما بقسم الاحذيه والشنط ((متجدد باذن الله ))

✿ برنامج لقاء الفتوكات مع Narly الحلقة الثامنة وعشرون ✿

مازالت حروفُ الهجاءَ

طريقك إلى الجنان في تدبر القرآن

الفوائِـــد البهيَّــة من الأربعين النوويَّـــة (للنَّـــاشئة والمبتدئِين)أم ميار @

موضوع متجدد لتقدير مجهودك يا فتوكه

استفتاء مسابقة Back to school رجعنا صغيرين فى المدرسة تعالى يا فتوكة افتكرى مواقف الشقاوة فى المدرسة

أستشارتكـ بأمان مع فريق المعاملة والأستشارات الزوجية

الف مبروووووك لمصر وللشعب المصرى التاهل لكاس العالم 2018.**منتدى فتكات***

مشرفات القسم
مراقبات القسم
الفتوكات المتواجدات
الزائرات المتواجدات